ಸಾಹಿತಿ ಪ.ರಾಮಕ್ರಷ್ಣ ಶಾಸ್ತ್ರಿಲೆಗ್ ಅಭಿನಂದನೆ.

ಬೆಳ್ತಂಗಡಿ :
ರಾಜ್ಯದ ವಿವಿಧ ಪತ್ರಿಕೆಲೆಡ್ 12 ಸಾವಿರಗುಲಾ ಜಾಸ್ತಿ ಲೇಖನಲೆನ್ ಬರೆತಿನ, 194 ಪುಸ್ತಕಲೆನ್ ಬರೆತಿನ ಸಾಹಿತಿ ಪ.ರಾಮಕೃಷ್ಣ ಶಾಸ್ತ್ರಿ ಅರೆನ ಸಪ್ತತಿ ಪ್ರಯುಕ್ತ ಸಾರ್ವಜನಿಕ ಅಭಿನಂದನ ಸಮಾರಂಭ ಜು.8 ತಾರೀಕುಗ್ ಬೆಳ್ತಂಗಡಿ ಶ್ರೀ ಧರ್ಮಸ್ಥಳ ಮಂಜುನಾಥ ಸ್ವಾಮಿ ಕಲಾಭವನಡ್ ನಡಪರೆಗುಂಡ್ ಪಂಡುದು ಪ.ರಾಮಕೃಷ್ಣ ಶಾಸ್ತ್ರಿ ಅಭಿನಂದನಾ ಸಮಿತಿ ಸಂಚಾಲಕ ಸಂಪತ್ ಬಿ. ಸುವರ್ಣ ತೆರಿಪಾದೆರ್.
ಪತ್ರಿಕಾಗೋಷ್ಟಿಡ್ ವಿವರಣೆ ಕೊರಿನ ಆರ್, 1953 ಡ್ ಪುತ್ತೂರುದ ಪೋಳ್ಯಡ್ ಪುಟ್ಟುದಿನ ರಾಮಕೃಷ್ಣ ಶಾಸ್ತ್ರಿ ಎಲ್ಯ ಪ್ರಾಯೊಡೇ ಬೆಳ್ತಂಗಡಿ ತಾಲೂಕುದ ಮಚ್ಚಿನಡ್ ತನ್ನ 11 ನೇ ವರ್ಷಡೇ ಬರವಣಿಗೆ ಸುರು ಮಲ್ತೆರ್. 7ನೇ ಕ್ಲಾಸ್ ಕಲ್ತುದಿನ ಮೇರ್ ಶಾಲೆ, ಪದವಿಗ್ ಬೋಡಾಪಿನಾತ್ ಸಮಗ್ರ ಬರವಣಿಗೆ ಕ್ಷೇತ್ರಡ್ ತೊಡಗಿಸಾವೊಂದೆರ್ ಪಂಡೆರ್.
ಆ ದಿನ ಅಪರಾಹ್ನ 2 ಗಂಟೆಡ್ದ್ ಕಾರ್ಯಕ್ರಮ ಸುರು ಆವರೆಗಿತ್ತುದ್ ಕಾರ್ಯಕ್ರಮಗ್ ಸೇಕ್ರೆಡ್ ಹಾರ್ಟ್ ಕಾಲೇಜು ಮಡಂತ್ಯಾರಿನ ಪ್ರಾಚಾರ್ಯ ಡಾ| ಎನ್. ಎಂ. ಜೋಸೆಫ್ ಚಾಲನೆ ಕೊರ್ಪೆರ್. ಯಕ್ಷಗಾನಾಮೃತಡ್ ಭಾಗವತೆರಾದ್ ಲ ಯಕ್ಷಧ್ರುವ ಪಟ್ಲ ಸತೀಶ್ ಶೆಟ್ಟಿ, ಗಾನಸುರಭಿ ರವಿಚಂದ್ರ ಕನ್ನಡಿಕಟ್ಟೆ, ಗಿರೀಶ್ ರೈ ಕಕ್ಯಪದವು, ಹಿಮ್ಮೇಳಡ್ ಕೃಷ್ಣಪ್ರಕಾಶ ಉಳಿತ್ತಾಯ, ಶಿತಿಕಂಠ ಭಟ್ ಉಜಿರೆ, ನಿರೂಪಣೆಡ್ ಬಿ. ಎನ್. ಗಿರೀಶ್ ಹೆಗ್ಡೆ ಧರ್ಮಸ್ಥಳ ಪಾಲ್ ಪಡೆಯರೆಗುಲ್ಲೆರ್.
3.30 ಗಂಟೆಡ್ದ್ ಪ. ರಾಮಕೃಷ್ಣ ಶಾಸ್ತ್ರಿಲೆನ ಸಾಹಿತ್ಯ ಅವಲೋಕನಡ್ ದ.ಕ.ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತು ಅಧ್ಯಕ್ಷ ಡಾ| ಎಂ. ಪಿ. ಶ್ರೀನಾಥ್ ಉಜಿರೆ ಗುರ್ಕಾರ್ಮೆಡಿಪ್ಪುವೆರ್. ಪತ್ರಿಕಾ ಲೇಖನ ವಿಷಯದ ಬಗ್ಗೆ ಮ ಉದಯವಾಣಿ ನಿವೃತ್ತ ಹಿರಿಯ ಉಪಸಂಪಾದಕ ನಿತ್ಯಾನಂದ ಪಡ್ರೆ ಮಣಿಪಾಲ, ಸಮಗ್ರ ಸಾಹಿತ್ಯ ಕುರಿತು ಸ.ಪ್ರ.ದ.ಕಾಲೇಜು ಬೆಳ್ತಂಗಡಿ ಉಪನ್ಯಾಸಕ ಡಾ| ಕೃಷ್ಣಾನಂದ ಪಿ.ಎಂ. ಗರ್ಡಾಡಿ, ಮಕ್ಕಳ ಸಾಹಿತ್ಯ ಬಗ್ಗೆ ಬೆಳ್ತಂಗಡಿ ದಾರೇ ಆಯಿನ ಸಾಹಿತಿ ಡಾ| ದೀಪಾ ಪಡ್ಕೆ ಬೆಂಗಳೂರು ಪಾತೆರುವೆರ್.
ಬಯ್ಯಗ್ 5 ಗಂಟೆಡ್ದ್ ಅಭಿನಂದನ ಸಮಾರಂಭ ಬೊಕ್ಕ ಪುಸ್ತಕ ಬುಡುಗಡೆ ಕಾರ್ಯಕ್ರಮ ನಡಪರೆಗಿತ್ತುದ್ ಪುಸ್ತಕ ಬುಡುಗಡೆ, ಅಭಿನಂದನೆ, ಗೌರವ ಸಾನ್ನಿಧ್ಯಡ್ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ| ಡಿ. ವೀರೇಂದ್ರ ಹೆಗ್ಗಡೆರ್ ಉಪ್ಪುವೆರ್,
ಅಧ್ಯಕ್ಷತೆಡ್ ಜನಪದ ವಿವಿ ಹಾವೇರಿಯ ವಿಶ್ರಾಂತ ಕುಲಪತಿ ಡಾ| ಕೆ. ಚಿನ್ನಪ್ಪ ಗೌಡ ಉಪ್ಪುವೆರ್. ಬೆಳ್ತಂಗಡಿ ಶಾಸಕ ಹರೀಶ್ ಪೂಂಜಾ, ವಿಧಾನ ಪರಿಷತ್ ಸದಸ್ಯೆರಾಯಿನ ಕೆ. ಹರೀಶ್ ಕುಮಾರ್, ಕೆ. ಪ್ರತಾಪಸಿಂಹ ನಾಯಕ್, ಪಾವಂಜೆ ಸುಬ್ರಹ್ಮಣ್ಯ ಕ್ಷೇತ್ರದ ಆಡಳಿತ ಮೊಕ್ತೇಸರ ಎಂ. ಶಶೀಂದ್ರ ಕುಮಾರ್, ಅಭಿನಂದಿತೆರಾಪುನ ಪ.ರಾಮಕೃಷ್ಣ ಶಾಸ್ತ್ರಿಮಚ್ಚಿನ, ಅರೆನ ಬುಡೆದಿ ಶಾರದಾ ಆರ್. ಶಾಸ್ತ್ರಿಉಪಸ್ಥಿತರಿಪ್ಪುವೆರ್. ಸಮಾರಂಭಡ್ ಲಕ್ಷ್ಮೀ ಮಚ್ಚಿನ ಬರೆತಿನ ಬದುಕು ಬರಹ ಬವಣೆ: ಪ. ರಾಮಕೃಷ್ಣ ಶಾಸ್ತ್ರಿಹೆಜ್ಜೆ ಗುರುತುಲು, ಪ. ರಾಮಕೃಷ್ಣ ಶಾಸ್ತ್ರಿ ಬರೆತಿನ ಮಳೆ ಮಳೆ (ಲೇಖನಗಳ ಸಂಗ್ರಹ), ನಟನ ಮನೋಹರಿ (ಕಾದಂಬರಿ), ರೋಚಕ ಲೋಕ (ತರಂಗ ಲೇಖನಲೆನ ಸಂಗ್ರಹ), ಪ್ರಪಂಚದ ಸೋಜಿಗಗಳು (ತರಂಗ ಲೇಖನಲೆನ ಸಂಗ್ರಹ) ಪುಸ್ತಕೊಲು ಬುಡುಗಡೆ ಆವರೆಗುಂಡ್ ಪಂಡುದ್ ಪಂಡೆರು.

ಜೋಕ್ಲೆನ ಕತೆ ಮೆರೆನ ಜನಪ್ರಿಯ ಮಾಧ್ಯಮ ಆಂಡಲಾ ಕತೆ, ಲೇಖನ, ಕಾದಂಬರಿ, ಕವಿತೆ, ವಿಡಂಬನೆ, ನಾಟಕ, ಹನಿಗವನ ಇಂಚ ಮಾತಾ ಪ್ರಕಾರಡುಲಾ ತೊಡಗಿಸಾವೊಂದೆರ್. ಆಕಾಶವಾಣಿ, ದೂರದರ್ಶನಡುಲಾ ಕಾರ್ಯಕ್ರಮೊಲು ಪ್ರಸಾರ ಆತುಂಡ್. ಲೇಖನೊಲು, ಕತೆಕುಲು, ತುಳು, ಇಂಗ್ಲಿಷ್, ಮಲಯಾಳ, ಹಿಂದಿ ಭಾಷೆಗ್ ಅನುವಾದ ಆತುಂಡ್. ಸಮಾಜಸೇವೆ, ಅಭಿವೃದ್ಧಿದ ಪುರೋಗಾಮಿ ಚಿಂತನೆ, ಸಹಕಾರಿ ಕ್ಷೇತ್ರಡುಲಾ ಅನುಭವ, ಯಕ್ಷಗಾನ ಕ್ಷೇತ್ರಡುಲಾ ಭಾಗವಹಿಸುವಿಕೆ ಉಂಡು. ಇಂಚ ಮಾತಾ ರಂಗೊಡುಲಾ ತೊಡಗಿಸುವೊಂದಿನಾರ್. ಈ ನಿಟ್ಟುಡ್ ಅರೆಗ್ ಅಭಿನಂದನ ಸಮಾರಂಭ ಬೊಕ್ಕ ಪುಸ್ತಕ ಬುಡುಗಡೆ ಮಲ್ಪೊಡ್ ಪನ್ಪಿನ ಇರಾದೆಡಾದ್ ಆತ್ಮೀಯೆರು ಒಟ್ಟಾದ್ ಈ ಸಮಾರಂಭ ಆಯೋಜನೆ ಮಲ್ದೆರ್. ಶಾಸ್ತ್ರಿ ಮೆರೆನ ಒಡನಾಡಿಲು, ಆತ್ಮೀಯೆರು, ಬಂಧುಲು, ಸಾಹಿತ್ಯದ ಪರಿಚಾರಕೆರು, ಸಾರ್ವಜನಿಕೆರು ಈ ಸಮಾರಂಭಡ್ ಭಾಗವಹಿಸಾದ್ ಸಾಹಿತ್ಯ ಪರಿಚಾರಕೆರ ಈ ಸಮಾರಂಭನ್ ಅರ್ಥಪೂರ್ಣ ಮಲ್ಪೊಡ್ ಪಂಡುದ್ ಸಮಿತಿದ ಸರ್ವಸದಸ್ಯೆರೆನ ಅಪೇಕ್ಷೆ ಆತುಂಡ್

ಪತ್ರಿಕಾಗೋಷ್ಠಿಡ್.
ಉಪಸ್ಥಿತಿ:
ಸಂಪತ್ ಬಿ. ಸುವರ್ಣ, ಸಂಚಾಲಕರು, ಪ.ರಾ.ಶಾಸ್ತ್ರಿಅಭಿನಂದನ ಸಮಿತಿ
ಎನ್. ಅಶೋಕ ಭಟ್ ಉಜಿರೆ, ಸಂಚಾಲಕರು, ಕುರಿಯ ವಿಠಲಶಾಸ್ತ್ರಿಸಾಂಸ್ಕೃತಿಕ ಪ್ರತಿಷ್ಠಾನ
ಡಾ. ಶ್ರೀನಾಥ್ ಎಂ.ಪಿ., ಅಧ್ಯಕ್ಷರು, ಕನ್ನಡ ಸಾಹಿತ್ಯ ಪರಿಷತ್ತು, ದ.ಕ. ಜಿಲ್ಲೆ
ಯದುಪತಿ ಗೌಡ, ಅಧ್ಯಕ್ಷರು, ಕನ್ನಡ ಸಾಹಿತ್ಯ ಪರಿಷತ್ತು, ಬೆಳ್ತಂಗಡಿ ಘಟಕ