ರಂಗವೇದಿಕೆಡ್ ನಿಜಗಾತ್ರದ ಆನೆ..

ಕುಡ್ಲಡ್  ಸುರುತ್ತ ಸರ್ತಿ  ವೇದಿಕೆದ  ಮಿತ್ತ್  ನೈಜ ಗಾತ್ರದ ಆನೆ : ಕಲಾಭಿ (ರಿ ) ರಂಗೋತ್ಸವ

ಕುಡ್ಲ : ‘ಕಲಾಭಿ’ ವತಿಡ್ದ್  ಸುರುಕ್ಕಾದ್  ವೇದಿಕೆದ  ಮಿತ್ತ್  ನೈಜ ಗಾತ್ರದ ಆನೆನ್  ಕನಪಿನ  ತಂಡ ತಯಾರಾತುಂಡ್.

ದುಂಬು  ಕಂಪನಿ ನಾಟಕಲೆಡ್  ಜೀವಂತ ಆನೆ- ಒಂಟೆಲು ರಂಗದ ಮಿತ್ತ್  ಬತ್ತುದು ರಂಜಿಸಾವನಾತ್   ರಂಗಭೂಮಿ ಶ್ರೀಮಂತವಾದಿತ್ತುಂಡ್,ಈ ಕಾಲಘಟ್ಟಡ್ ಕಿನ್ಯ ರಂಗತಂತ್ರದ ಮೂಲಕ ಕಟ್ಟಿನ  ನಾಟಕಲೆನ್  ಕಟ್ಟುವೆರ್.. ಆಂಗ ಇತ್ತೆ   ಕುಡ್ಲದ  ಕಲಾಭಿ ಸಂಸ್ಥೆ ಗತಕಾಲದ ಕನ್ನಡ ರಂಗಭೂಮಿದ  ವೈಭವನ್  ನೆಂಪು ಮಲ್ಪುನ ಅಮೋಘ ಪ್ರಯೋಗನ್  ಕುಡ್ಲದಕ್ಲೆಗ್  ಕೊರ್ರೆಗುಂಡ್. ಕಲಾಭಿದ “ಎ ಫ್ರೆಂಡ್ ಬಿಯಾಂಡ್ ದಿ ಫೆನ್ಸ್” ಪನ್ಪಿನ  ಅಭೂತಪೂರ್ವ ನಾಟಕ ಕನ್ನಡ ರಂಗಭೂಮಿಡ್  ಪೊಸ ಸಂಚಲನನ್ ಸೃಷ್ಟಿ ಮಲ್ದುಂಡ್. ಜೀವಂತ ಆನೆದಾತೆ ಗಾತ್ರದ, ಜೀವಂತ ಆನೆದಾತೆ ಜೀವಂತ ಉಪ್ಪುನ  ಆನೆ ಮಂಗಳೂರುದ ಪುರಭವನದ ವೇದಿಕೆಡ್  ರಾರಾಜಿಸರೆಗುಂಡ್

. ಜಪಾನ್ ದ ಜಾನಪದ ಗೊಂಬೆಯಾಟ ಪ್ರಕಾರವಾಯಿನ ಬುನಾರಾಕು ಶೈಲಿನ್  ಕಲ್ತುದ್, ನುರಿತ ಕಲಾವಿದೆರುಪ್ಪುನ ಈ ನಾಟಕ ತನ್ನ ಅಮೋಘ ರಂಗತಂತ್ರೊಲು, ಅದ್ಭುತ ಸಂಗೀತ, ಮಸ್ತ್ ವಿಶೇಷ ಬೊಂಬೆಯಾಟದ ತಂತ್ರೊಲು, ವಿಶೇಷ ಬೊಲ್ಪುದ ವಿನ್ಯಾಸಡ್  ಸುರುತ ರಡ್ಡ್  ಪ್ರದರ್ಶನಡ್  ಅಪಾರ ಪ್ರೇಕ್ಷಕೆರೆನ  ಮೆಚ್ಚುಗೆ ಪಡೆದುಂಡ್. ಮಸ್ತ್  ರಂಗಭೂಮಿ ದಿಗ್ಗಜರೆನ್  ಹುಬ್ಬೇರಿಸುಲೆಕ್ಕ ಮಲ್ದಿನ ಈ ಅದ್ಧೂರಿ ನಾಟಕ‌ ಕುಡೊರ  ಕುಡ್ಲದಕ್ಲೆಗ್ ರಸದೌತಣ ಕೊರ್ರೆಗ್  ಸಜ್ಜಾತುಂಡ್. ಉಂದುವೆ ಬರ್ಪಿನ 9/6/2024 ನೇ ಐತಾರ ಮಂಗಳೂರುದ ಪುರಭವನಡ್  ಬಯ್ಯಗ್ 7 ಗಂಟೆಗ್  ಸರಿಯಾದ್  ನಾಟಕ ಪ್ರದರ್ಶನ ನಡಪರೆಗುಂಡ್. ಈ ಅಭೂತಪೂರ್ವ ಪ್ರಯತ್ನಗ್ ಕಲಾಭಿಮಾನಿಲೆನ್  ಹೆಚ್ಚಿನ ಸಂಖ್ಯೆಡ್ ಬರ್ಪಿಲೆಕ್ಕ  ತಂಡದ ಮುಖ್ಯಸ್ಥರಾಯಿನ  ಉಜ್ವಲ್ ಯು. ವಿ ತೆರಿಪಾದೆರ್.