ಮೂಜಿ ದಿನದ ಮುರಾರಿ ಕೆದ್ಲಾಯ ರಂಗೋತ್ಸವ ಉದಿಪನೆ
ಕರಾವಳಿ ಜನಕ್ಲೆನ ನಗರವಾಸಿಲೆನ ಜೀವನ ಬರಡಾದುಂಡ್. ಆಧುನಿಕ ರಂಗಭೂಮಿ ಬೊಕ್ಕ ನಾಟಕ ಜನಕ್ಲೆನ್ ಪೊಸ ದಿಕ್ಕುದಂಚಿ ಆಲೋಚನೆ ಮಲ್ಪೊಡಾಯಿನ ಸಶಕ್ತವಾಯಿನ ಮಾಧ್ಯಮ ಪಂಡುದು ಪ್ರಗತಿಪರ ಚಿಂತಕ ಹೋರಾಟಗಾರೆ ಮುನೀರ್ ಕಾಟಿಪಳ್ಳ ಅಭಿಪ್ರಾಯ ಪಟ್ಟಿಯೆರು
ಉಡುಪಿದ ಎಂ ಜಿ ಎಂ ಕಾಲೇಜಿದ ರಥಬೀದಿ ಗೆಳೆಯರು ಸಂಘಟನೆ ಆಯೋಜನೆ ಮಲ್ದಿನ ಮೂಜಿ ದಿನತ್ತ ಮುರಾರಿ ಕೆದ್ಲಾಯ ರಂಗೋತ್ಸವ ಉದಿಪನ ಮಲ್ತುದ್ ಪಾತೆರಿಯೆರು.
ನಾಟಕದ ಮೂಲಕ ಸಮಾಜಡ್ ಉತ್ತೇಜನ ಸೃಷ್ಟಿಸಾವುನ ಹೆಚ್ಚಿಸಾವುನ ಕೆಲಸ ಆವೊಡ್. ಭಾಷಣ ಸೆಮಿನಾರ್ ಸಂವಾದ ವಿಚಾರ ಸಂಕೀರ್ಣಲು ಒಂಜಿ ಕಡೆ ನಡತೊಂದಿತ್ತುಂಡ ನಾಟಕ ಬಾರೀ ಪರಿಣಾಮಕಾರಿಯಾದ್ ಜನಾಭಿಪ್ರಾಯನ್ ಸೃಷ್ಟಿಸಾವುನ ಚಳುವಳಿದ ರೂಪೊನ್ ಪಡೆಯುನಂಚಿನ ಮಾಧ್ಯಮ ಪಂಡೆರು.
ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಹಾಯಕ ನಿರ್ದೇಶಕಿ ಪೂರ್ಣಿಮಾ, ಎಂಜಿಎಂ ಕಾಲೇಜಿದ ಪ್ರಾಂಶುಪಾಲ ಪ್ರೊ. ಲಕ್ಷ್ಮೀನಾರಾಯಣ ಕಾರಂತ್, ಎನ್ ಸಂತೋಷ್ ಬಳ್ಳಾಳ್ ಉಪಸ್ಥಿತರಿತ್ತೆರು. ಸಂಸ್ಥೆದ ಅಧ್ಯಕ್ಷ ಉದ್ಯಾವರ ನಾಗೇಶ್ ಕುಮಾರ್, ಪ್ರಾಸ್ತಾವಿಕ ಪಾತೆರ್ದ್ ಸ್ವಾಗತ ಮಲ್ತೆರು. ನಾಟಕ ವಿಭಾಗದ ಮುಖ್ಯಸ್ಥ ಸಂತೋಷ್ ಶೆಟ್ಟಿ ಹಿರಿಯಡ್ಕ ಕಾರ್ಯಕ್ರಮ ನಿರೂಪಣೆ ಮಲ್ತೆರು. ಕಾರ್ಯದರ್ಶಿ ಪ್ರೊ. ಸುಬ್ರಮಣ್ಯ ಜೋಶಿ ವಂದಿಸಾಯೆರು. ಮೈಸೂರು ಸಂಕಲ್ಪ ತಂಡದ, ಹಿರಿಯ ರಂಗಕರ್ಮಿ ಹುಲುಗಪ್ಪ ಕಟ್ಟಿಮನಿ ನಟನೆ ಮಲ್ತುದ್ ನಿರ್ದೇಶಿಸಾಯಿನ ಜೊತೆಗಿರುವನು ಚಂದಿರ ನಾಟಕ ಸುರುತ ದಿನ ಪ್ರದರ್ಶನ ಆಂಡ್.
by 