ಉಡುಪಿ ಜಿಲ್ಲೆ ಕನ್ನಡ ಸಾಹಿತ್ಯ ಪರಿಷತ್ತು, ಉಡುಪಿ ತಾಲೂಕು ಘಟಕ ಬೊಕ್ಕ ಉಪೇಂದ್ರ ಪೈ ಮೆಮೋರಿಯಲ್ ಕಾಲೇಜು ಉಡುಪಿದ ಸಹಯೋಗದೊಟ್ಟುಗ್ ಕನ್ನಡ ಸಾಹಿತ್ಯ ಪರಿಷತ್ತುದ ೧೧೦ ನೇ ಸಂಸ್ಥಾಪನಾ ದಿನಾಚರಣೆ ಬೊಕ್ಕ ದತ್ತಿ ಉಪನ್ಯಾಸ ಕಾರ್ಯಕ್ರಮ ಮೇ 7 ಗ್ ಅಂಗಾರ ಉಡುಪಿದ ಉಪೇಂದ್ರ ಪೈ ಮೆಮೋರಿಯಲ್ ಕಾಲೇಜಿಡ್ ನಡತುಂಡ್.
ಸಮಾರಂಭನ್ ಜಿಲ್ಲಾಧ್ಯಕ್ಷೆರಾಯಿನ ನೀಲಾವರ ಸುರೇಂದ್ರ ಅಡಿಗ ಉದಿಪನ ಮಲ್ತೆರು.
ಡಾ. ಕೋಟ ಶಿವರಾಮ ಕಾರಂತ ದತ್ತಿ ಉಪನ್ಯಾಸ ಕೊರಿನ ಸಾಹಿತಿ ಡಾ. ನಿಕೇತನ, ಕಾರಂತರ ಕೃತಿಕುಲು ಓದುನಕ್ಲೆಗ್ ಸಹೃದಯಿಯಾದ್ ಮಲ್ಪುಂಡ್. ವೈಚಾರಿಕ ದೃಷ್ಟಿಕೋನ ಬುಲೆಪಾವುಂಡ್. ಪದವೀಧರೆರು ವಿದ್ಯಾವಂತರಾಪುಜೆರ್. ಬರವುದ ಒಟ್ಟುಗ್ ವಿವೇಕ ಪುಟ್ಟರೆಗ್ ಸಾಹಿತ್ಯ ಓದೊಡ್. ಬದುಕುನ್ ಸಂಭ್ರಮಿಸಾವೊಡಾಂಡ ವರ್ತಮಾನಡ್ ಜೀವನ ಮಲ್ಪೊಡ್. ಉಂದೆಟಾದ್ ವ್ಯಕ್ತಿ ಶಕ್ತಿಯಾವರೆಗ್ ಸಾಧ್ಯ. ಕಿನ್ನ ವಿಷಯಲೆಗ್ ಆತ್ಮಹತ್ಯೆಗ್ ದುಂಬಾಪಿನ ಎಳೆ ಮನಸ್ಸುಲು ಕಾರಂತೆರೆನ ಕೃತಿಕುಲೆನ್ ಓದಿಯೆರೆಡ ಅಂಚಿನ ಆಲೋಚನೆಲೇ ಬರ್ಪುಜಿ.. ಬದುಕುದ ಅನನ್ಯತೆ ಅರಿವಾಪುಂಡ್ ಪಂಡುದು ಪಂಡೆರು.
ಜೀವನಕ್ಕಾದ್ ಆಯುರ್ವೇದ ಈ ವಿಷಯವಾದ್ ಜಿಲ್ಲಾ ಆಯುಷ್ ಆಸ್ಪತ್ರೆದ ತಜ್ಞ ವೈದ್ಯ ಯಾಯಿನ ಡಾ .ಸ್ವಾತಿ ಶೇಟ್ ಪಾತೆರ್ದ್ ಉತ್ತಮ ಆರೋಗ್ಯಕರ ಬದುಕುಗ್ ಆಯುರ್ವೇದ ಪದ್ಧತಿ ಅತಿ ಅಗತ್ಯ .ದಿನನಿತ್ಯ ಬದುಕುಡ್ ಪೌಷ್ಟಿಕವಾಯಿನ ಆಹಾರನ್ ಹಿತಮಿತಡ್ ಸೇವಿಸಾವುನೊಟ್ಟುಗ್ ಆರೋಗ್ಯನ್ ಕಾತೊನೊಲಿ ಪಂಡೆರು .
ಸಮಾರಂಭದ ಅಧ್ಯಕ್ಷತೆಡ್ ಕಾಲೇಜಿದ ಪ್ರಾಂಶುಪಾಲೆರಾಯಿನ ಪ್ರೊ. ಆಶಾ ಕುಮಾರಿ ಇತ್ತೆರು. ಉಡುಪಿ ತಾಲೂಕು ಕಸಾಪ ಅಧ್ಯಕ್ಷ ರವಿರಾಜ್ ಎಚ್. ಪಿ. ಆಶಯ ಪಾತೆರ ಪಂಡೆರು .
ಮುಖ್ಯ ಅತಿಥಿಲಾದ್ ಸಂಸ್ಕೃತಿ ವಿಶ್ವ ಪ್ರತಿಷ್ಠಾನದ ಸ್ಥಾಪಕೆರಾಯಿನ ವಿಶ್ವನಾಥ್ ಶೆಣೆೈ, ಕ ಸಾ ಪ ಬೈಂದೂರು ತಾಲೂಕು ಅಧ್ಯಕ್ಷ ಡಾ. ರಘು ನಾಯ್ಕ, ತಾಲೂಕು ಗೌರವ ಕಾರ್ಯದರ್ಶಿ ರಂಜಿನಿ ವಸಂತ್ ಉಪಸ್ಥಿತರಿತ್ತೆರು. ಗೌರವ ಕಾರ್ಯದರ್ಶಿ ಜನಾರ್ದನ ಕೊಡವೂರು ಸ್ವಾಗತ ಮಲ್ತೆರು. ಜಿಲ್ಲಾ ಘಟಕದ ಮಹಿಳಾ ಪ್ರತಿನಿಧಿ ಪೂರ್ಣಿಮಾ ಜನಾರ್ದನ್ ಸೊಲ್ಮೆ ಸಂದಾಯ್ತ ಮಲ್ತೆರು. ಸಂಘಟನಾ ಕಾರ್ಯದರ್ಶಿ ರಾಘವೇಂದ್ರ ಪ್ರಭು ಕರ್ವಾಲು ನಿರೂಪಣೆ ಮಲ್ತೆರು.
by 