ಬಾಸೆ ನಾಶ ಆಂಡ ಅಯಿತ್ತ ಒಟ್ಟುಗ್ ಸಂಸ್ಕೃತಿಲಾ ನಾಶ ಆಪುಂಡ್: ಪೂರ್ಣಿಮಾ

ತುಳುಕೂಟ ಉಡುಪಿ (ರಿ), ಬೊಕ್ಕ ಬಾಲಕಿಯರ ಪದವಿಪೂರ್ವ ಕಾಲೇಜು, ಉಡುಪಿದ ಒತ್ತುಸೇರಿಗೆಡ್ ಜೋಕ್ಲೆಗಾದ್ ತುಳುನಡಕೆ ಪಂಥೊ 2023 ಡಿಸೆಂಬರ್ 26 ತಾರೀಕುಗ್ ಉಡುಪಿ ಬಾಲಕಿಯರ ಸರಕಾರಿ ಪದವಿಪೂರ್ವ ಕಾಲೇಜಿಡ್ ನಡತುಂಡ್..

ಉಡುಪಿದ ಹಿರಿಯ ನ್ಯಾಯವಾದಿಲಾಯಿನ ಶ್ರೀ ಶಾಂತರಾಮ್ ಶೆಟ್ಟಿ ಕಜ್ಜೊನ್ ಉದಿಪನ ಮಲ್ತುದ್,ತುಳುಬಾಸೆ ಇಂಚಪ್ಪೊಗ್ ಎಡ್ಡೆ ರೀತಿಡ್ ಬುಲೆಯೊಂದುಪ್ಪುನವ್ ಕುಷಿತ್ತ ಸಂಗತಿ ಪಂಡುದ್ ಕಜ್ಜೊಗ್ ಎಡ್ಡೆಪ್ಪು ಬಯಕಿಯೆರ್..

ಕಜ್ಜೊಡ್ ಮಲ್ಲ ಬಿನ್ನೆರಾದಿತ್ತಿನ ಉಡುಪಿ ಜಿಲ್ಲೆದ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಹಾಯಕ ನಿರ್ದೇಶಕೆರಾಯಿನ ಶ್ರೀಮತಿ ಪೂರ್ಣಿಮಾ ಪಾತೆರ್ದ್ ಬಾಸೆ ನಾಶ ಆಂಡುಡ ಅಯಿತ್ತ ಒಟ್ಟುಗ್ ಸಂಸ್ಕೃತಿಲಾ ನಾಶ ಆಪುಂಡ್.ಅಂಚಾದ್ ನಮ್ಮ ಸಂಸ್ಕೃತಿ ಒರಿಯೊಡಾಂಡ ಬಾಸೆನ್ ಒರಿಪಾವುನ ಬೇಲೆ ಮಲ್ಪೊಡ್.ಪ್ರತಿಯೊಂಜಿ ಬಾಸೆಗುಲಾ ಅಯಿತ್ತ ಆಯಿನ ಕಮ್ಮೆನ ಉಂಡು.ನಮ್ಮ ಪುಟ್ಟು ಬಲತಿನ ನಾಡುದ ಬಾಸೆ ಸಂಸ್ಕೃತಿನ್ ನಮ ಒರಿಪಾವುನ ಬೇಲೆ ಮಲ್ಪೊಡ್ ಪಂಡುದ್ ಕಜ್ಜೊಗ್ ಎಡ್ಡೆಪ್ಪು ಬಯಕಿಯೆರ್.

ಕಜ್ಜೊಡ್ ನೂತನ್ ಕ್ರೆಡಿಟ್ ಕೋ-ಆಪರೇಟಿವ್ ಸೊಸೈಟಿ (ರಿ) ಉಡುಪಿದ ಪ್ರಧಾನ ವ್ಯವಸ್ಥಾಪಕೆರಾಯಿನ ಶ್ರೀ ಗಣೇಶ್ ಶೇರಿಗಾರ್, ಬಾಲಕಿಯರ ಸರಕಾರಿ ಪದವಿಪೂರ್ವ ಕಾಲೇಜಿದ ಶಿಕ್ಷಣ ತಜ್ಞೆರಾಯನ ವಿಶ್ವನಾಥ್ ಬಾಯರಿ, ಕಾಲೇಜಿದ ಪ್ರಾಚಾರ್ಯೆರಾಯಿನ ಡಿ.ಸುಮಾ ಎಸ್., ಹೈಸ್ಕೂಲ್ ದ ಮುಖ್ಯಸ್ಥೆರಾಯಿನ ಇಂದಿರಾ, ತುಳು ಸಂಘದ ಸಂಚಾಲಕರಾಯಿನ ಕು.ನವ್ಯಾ, ತುಳುಕೂಟದ ಪಣವುದ ಪಾಲವೆರಾಯನ ಚೈತನ್ಯ ಎಂ.ಜಿ. ಮೊಕುಲು ಉಪಸ್ಥಿತರಿತ್ತೆರು. ತುಳುಕೂಟದ ಒತ್ತುಗುರ್ಕಾರೆರಾಯಿನ ಭುವನಪ್ರಸಾದ್ ಹೆಗ್ಡೆ ಗುರ್ಕಾರ್ಮೆಡಿತ್ತೆರ್ .ತುಳುನಡಕೆ ಪಂತೊದ ಸಂಚಾಲಕರಾಯಿನ ದಯಾನಂದ ಡಿ.ಮೇರ್ ಸ್ವಾಗತ ಪ್ರಾಸ್ತಾವಿಕ ಮಲ್ತೆರ್.ಕು.ನಿಧಿ ಕಜ್ಜೊದ ನಿರೂಪಣೆ ಮಲ್ತೆರ್.ಉದಿಪನಧ ಲೇಸ್ ಆಯಿಬೊಕ್ಕ ಶಾಲೆ ಕಾಲೇಜು ಜೋಕ್ಲೆಗ್ ತುಳುನಡಕೆ ಪಂಥೊ ನಡತುಂಡ್.ಅಕೇರಿಗ್ ಇನಾಮು ಪಟ್ಟುನ ಲೇಸ್ ನಡತುಂಡ್..