ಸಂಸ್ಕ್ರತಿ ವಿಶ್ವ ಪ್ರತಿಷ್ಠಾನ.

ಜಗತ್ತುದ ಮಾತಾ  ಕಲೆತ್ತ ಮೂಲ ಅಸ್ತಿತ್ವನೇ  ಜಾನಪದ~ ಮಂಡ್ಯ ರಮೇಶ್

ಉಡುಪಿ, ಜ.31: ಜಗತ್ತುದ ಮಾತಾ  ಕಲೆತ್ತ  ಮೂಲ ಅಸ್ತಿತ್ವ ಜಾನಪದಡುಂಡು. ರಾಮಾಯಣ, ಮಹಾಭಾರತೊಲು ಬದುಕೀದ  ರೂಪಕೊಲು ಪಂಡುದು ರಂಗ ನಿರ್ದೇಶಕ ಬೊಕ್ಕ ಚಿತ್ರನಟ ಮಂಡ್ಯ ರಮೇಶ್‌ ಅಭಿಪ್ರಾಯ ವ್ಯಕ್ತಪಡಿಸಾದೆರು.ಸಂಸ್ಕೃತಿ ವಿಶ್ವ ಪ್ರತಿಷ್ಠಾನ ಉಡುಪಿ ವತಿಡ್ದ್  ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆ ಸಹಕಾರದೊಟ್ಟುಗ್ ಕುಂಜಿಬೆಟ್ಟು ಯಕ್ಷಗಾನ ಕಲಾರಂಗದ ಐವೈಸಿ ಸಭಾಂಗಣಡ್  ನಡತಿನ ಸಂಸ್ಕೃತಿ ಉತ್ಸವದ ರಡ್ಡನೇ ದಿನವಾಯಿನ ಶುಕ್ರವಾರ ಉಡುಪಿ ಪಂಚಮಿ ಟ್ರಸ್ಟ್ ಪ್ರಾಯೋಜಿತ ಪಂಚಮಿ ಪುರಸ್ಕಾರ ಸ್ವೀಕಾರ ಮಲ್ತುದ್ ಪಾತೆರಿಯೆರು.

ರಂಗ ಕಲಾವಿದೆರಾಪುನವ್  ಸುಲಭ ಅತ್ತ್. ಅವ್  ಸಾಹಸದ ಕೆಲಸ. ಗಾಂಧಿನ್ ಬದಲಾವಣೆ ಮಲ್ದಿನುಲಾ ಉಂದುವೇ ರಂಗಭೂಮಿ ಪಂಡೆರು.

ಮನುಷ್ಯತ್ವ ವೃದ್ಧಿಗ್ ಸಹಕಾರಿ: ಅಧ್ಯಕ್ಷತೆಡಿತ್ತಿನ ಜಿಲ್ಲಾಧಿಕಾರಿ ಡಾ.ಕೆ.ವಿದ್ಯಾಕುಮಾರಿ ನಾಟಕ, ಕಲೆ, ಸಂಗೀತ ಮನುಷ್ಯತ್ವ ಸಂಬಂಧ ಬುಲೆಪಾವರೆಗ್ ಸಹಾಯ ಮಲ್ಪುಂಡ್. ಮನುಷ್ಯತ್ವದ ನೆಲೆಟ್ ಸಂಬಂಧ ಗಟ್ಟಿಮಲ್ಪುನವ್ ಇನಿ ಅಗತ್ಯ. ಜೋಕುಲು ಬೊಕ್ಕ ಯುವಜನಕ್ಲೆಡ  ಮಾನವೀಯ ಮೌಲ್ಯನ್ ಒರಿಪಾದ್, ಬುಲೆಪಾವೊಡಾಂಡ ಅಕುಲು ಕಲೆಟ್ ತೊಡಗಿಸಾವೊನೊಡ್.

ಬೇತೆ ಬೇತೆ ಸಾದಿಡ್  ಸಾಗೊಂದುಪ್ಪುನ  ಯುವಜನತೆನ್ ಸರಿಯಾಯಿನ  ಸಾದಿಡ್  ದುಂಬರಿತೊಂದ್ ಪೋವೊಡಾಂಡ  ಈ ರೀತಿದ  ಚಟುವಟಿಕೆ ಲೆಡ್ ತೊಡಗಿಸಾವೊನೊಡ್ ಪಂಡೆರು. ಮುಖ್ಯ ಅಭ್ಯಾಗತರಾದಿತ್ತಿನ ಕಾರ್ಕಳ ಯಕ್ಷರಂಗಾಯಣ ನಿರ್ದೇಶಕ ಬಿ.ಆರ್. ವೆಂಕಟರಮಣ ಐತಾಳ, ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಸಹಾಯಕ ನಿರ್ದೇಶಕಿ ಪೂರ್ಣಿಮಾ, ಗಾಂಧಿ ಆಸ್ಪತ್ರೆ ಆಡಳಿತ ನಿರ್ದೇಶಕ ಡಾ.ಎಂ.ಹರಿಶ್ಚಂದ್ರ ಪಾತೆರಿಯೆರು.

ಸಾಹಿತಿ ಡಾ.ಕಾತ್ಯಾಯಿನಿ ಕುಂಜಿಬೆಟ್ಟು ಅಭಿನಂದನ ಪಾತೆರ ಪಾತೆರಿಯೆರು. ಸಂಸ್ಕೃತಿ ವಿಶ್ವ ಪ್ರತಿಷ್ಠಾನದ ಸ್ಥಾಪಕಾಧ್ಯಕ್ಷ ಉಡುಪಿ ವಿಶ್ವನಾಥ ಶೆಣೈ, ಅಧ್ಯಕ್ಷ ಪ್ರೊ.ಶಂಕರ್, ಉಪಾಧ್ಯಕ್ಷ ವಿಘ್ನೇಶ್ವರ ಅಡಿಗ, ಪ್ರಧಾನ ಕಾರ್ಯದರ್ಶಿ ಶಿಲ್ಪಾ ಜೋಶಿ, ಸುಗುಣ ಸುವರ್ಣ ಉಪಸ್ಥಿತರಿತ್ತೆರು.

ಪಂಚಮಿ ಪುರಸ್ಕಾರ ಸಂಚಾಲಕ ಜನಾರ್ದನ ಕೊಡವೂರು ಸ್ವಾಗತ ಮಲ್ತುದ್, ಪ್ರತಿಷ್ಠಾನದ ಕೋಶಾಧಿಕಾರಿ ರಾಜೇಶ್ ಭಟ್ ಪಣಿಯಾಡಿ ವಂದಿಸಾಯೆರು. ಕಾರ್ಯದರ್ಶಿ ಪೂರ್ಣಿಮಾ ಜನಾರ್ದನ್ ಕಾರ್ಯಕ್ರಮ ನಿರೂಪಣೆ ಮಲ್ತೆರು. ಬೊಕ್ಕ ಮಂಡ್ಯ ರಮೇಶ್ ನಿರ್ದೇಶನ ‘ಚೋರ ಚರಣದಾಸ’ ನಾಟಕ ಪ್ರದರ್ಶನ ಆಂಡ್.