ವಿಶ್ವಪ್ರಭಾ ಪುರಸ್ಕಾರ

ನವೀನ್ ಪಡೀಲ್ ರೆಗ್  “ವಿಶ್ವಪ್ರಭಾ ಪುರಸ್ಕಾರ-2025

ಸಂಸ್ಕೃತಿ ವಿಶ್ವ ಪ್ರತಿಷ್ಠಾನ (ರಿ) ಉಡುಪಿ ದ  ವತಿಡ್ದ್ ಪ್ರಭಾವತಿ ಬೊಕ್ಕ ಉಡುಪಿ ವಿಶ್ವನಾಥ್ ಶೆಣಿೈ ಪ್ರಾಯೋಜಿತ ‘ವಿಶ್ವಪ್ರಭಾ ಪುರಸ್ಕಾರ – 2025 ‘ನ್ ತುಳು ಬೊಕ್ಕ  ಕನ್ನಡ ಚಲನಚಿತ್ರ ಬೊಕ್ಕ ರಂಗಭೂಮಿದ ಪುಗಾರ್ತೆದ  ಕಲಾವಿದೆರಾಯಿನ  ನವೀನ್ ಡಿ ಪಡೀಲ್ ರೆಗ್  ಕೊರ್ದ್  ಮಾನಾದಿಗೆ ಮಲ್ಪುಂಡ್.

ಈ ಪುರಸ್ಕಾರ  ಪ್ರಶಸ್ತಿ ಪತ್ರ , ಫಲಕ ಬೊಕ್ಕ ಒಂಜಿ ಲಕ್ಷ ರೂಪಾಯಿ ಪಣವು ಉಪ್ಪುಂಡ್.

ಉಂದುವೇ ಬರ್ಪಿನ  ಫೆಬ್ರವರಿ ಗ್ ಉಡುಪಿದ ಯಕ್ಷಗಾನ ಕಲಾರಂಗದ ಐ ವೈ ಸಿ ಸಭಾಂಗಣಡ್ ಪುರಸ್ಕಾರ ಪ್ರದಾನ ಮಲ್ಪುಂಡ್  ಪಂಡುದು ವಿಶ್ವಪ್ರಭಾ ಪುರಸ್ಕಾರ ಸಮಿತಿದ ಸಂಚಾಲಕ ಮರವಂತೆ ನಾಗರಾಜ ಹೆಬ್ಬಾರ್ ಪತ್ರಿಕಾ ಗೋಷ್ಠಿಡ್  ತೆರಿಪಾದೆರ್.
ಉಂದುವೇ  ಸಂದರ್ಭಡ್  ಪತ್ರಿಕಾಗೋಷ್ಠಿಡ್ ವಿಶ್ವಪ್ರಭಾ ಪುರಸ್ಕಾರದ ಪ್ರಾಯೋಜಕೆರು ಬೊಕ್ಕ ಸಂಸ್ಕೃತಿ ವಿಶ್ವ ಪ್ರತಿಷ್ಠಾನದ ಸ್ಥಾಪಕೆರಾಯಿನ ಉಡುಪಿ ವಿಶ್ವನಾಥ್ ಶೆಣಿೈ, ಉಪಾಧ್ಯಕ್ಷೆರಾಯಿನ ಸಂಧ್ಯಾ ಶೆಣೆೈ, ವಿಘ್ನೇಶ್ವರ ಅಡಿಗ, ಬೊಕ್ಕ ಸಂಚಾಲಕೆರಾಯಿನ ರವಿರಾಜ್ ಎಚ್.ಪಿ ಉಪಸ್ಥಿತರಿತ್ತೆರು

ನವೀನ್ ಡಿ. ಪಡಿಲ್

ಪುಟ್ಟು: ೧೧ ನವೆಂಬರ್ ೧೯೬೯ ರಂಗಭೂಮಿ ಬೊಕ್ಕ ಚಲನಚಿತ್ರ ನಟರಾದಿತ್ತುದ್, ತುಳು ಭಾಷೆಡ್  15 ಸಾವಿರಗುಲಾ ಜಾಸ್ತಿ  ನಾಟಕ ಪ್ರದರ್ಶನಲೆಡ್ ನಟನೆ ಮಲ್ದೆರ್.”ಮಾಸ್ಟರ್ ಆಫ್ ಕಾಮೆಡಿ ಅಂಡ್ ಟ್ರಾಜಿಡಿ” ನಂಚ ನಟನಾ ಪ್ರದರ್ಶನಲೆಡ್ ತುಳು ರಂಗಭೂಮಿ ವಲಯಡ್  ವ್ಯಾಪಕವಾದ್ ಪ್ರಸಿದ್ಧರಾದುಪ್ಪುನ  ಮೆರೆನ್  “ಕುಸಲ್ದ ಅರಸೆ” ( ತಮಾಶೆಯ ರಾಜ) ಪಂಡುದು ಲೆಪ್ಪುವೆರ್.

ಹಾಸ್ಯಮಯ ಪಾತ್ರಲೆಡ್  ಮುಖ್ಯವಾದ್  ಮೇರು ನಟನೆ ಮಲ್ದಿತ್ತುದ್
ದೇವದಾಸ್ ಕಾಪಿಕಾಡ್ ಬೊಕ್ಕ ಚಿತ್ರನಟ ಆನಂದ್ ಬೋಳಾರ್ ಒಟ್ಟುಡ್   ‘ಚಾ ಪರ್ಕ’ಪನ್ಪಿನ  ತುಳು ನಾಟಕ ತಂಡದ ಮೂಲಕ 1990 ಬೊಕ್ಕ 2000ರ ದಶಕದ ಆರಂಭಡ್  ತುಳು ಹಾಸ್ಯಮಯ ನಾಟಕಲೆಡ್ ಪುಗಾರ್ತೆನ್ ಪಡೆದೆರ್.

ಪ್ರಸಿದ್ಧ ನಿರ್ದೇಶಕ ಅಡೂರು ಗೋಪಾಲಕೃಷ್ಣನ್ ಮೆರೆನ ನಿರ್ದೇಶನಡ್  1993 ರ ಮಲಯಾಳಂ ಚಿತ್ರ ವಿಧೇಯನ್ ಚಲನಚಿತ್ರಡ್  ಮಮ್ಮೂಟ್ಟಿ ಮೆರೆನ ಒಟ್ಟುಗ್  ಅಭಿನಯ ಮಲ್ಪುನ  ಮೂಲಕ ಹಿರಿತೆರೆಗೆ ಕಾರ್ ದೀಯಿನ ಪಡೀಲ್, 2024ಮುಟ್ಟ  ಮಸ್ತ್  ಕನ್ನಡ ಬೊಕ್ಕ ತುಳು ಸಿನೆಮಾಡ್ ಬಣ್ಣ ಪಾಡ್ದೆರ್.

ಕಲರ್ಸ್ ಕನ್ನಡ ವಾಹಿನಿಡ್  ವಾರಾಂತ್ಯಡ್  ಪ್ರಸಾರ ಆಪಿನ ಸೃಜನ್ ಲೋಕೇಶ್ ನೇತೃತ್ವದ ‘ಮಜಾ ಟಾಕಿಸ್’ ಹಾಸ್ಯ ಕಾರ್ಯಕ್ರಮದ ಪ್ರದಾನ ಪಾತ್ರಡ್ (ಗುಂಡು ಮಾಮ) ಪಾತ್ರಡಿತ್ತೆರ್.

ಮೇರು ಬಿರ್ಸೆ, ರಂಗ್, ಓರಿಯಾರ್ದ್ ಒರಿ ಅಸಲ್, ತೆಲಿಕೆದ ಬೊಲ್ಲಿ, ಚಾಲಿ ಪೋಲಿಲು, ಪಿಲಿಬೈಲ್ ಯಮುನಕ್ಕ, ಏಸ, ಚಂಡಿಕೋರಿ, ಏರೆಗಾವುಯೆ ಕಿರಿಕಿರಿ, ಇಂಗ್ಲೀಷ್, ಮಗನೆ ಮಹಿಷಾ, ಸರ್ಕಸ್, ಕುಡ್ಲ ಕೆಫೆ, ಜೈ, ರಾಜ್ ಸೌಂಡ್ ಎಂಡ್ ಲೈಟ್, ಲವ್ ಮಾಕ್‌ಟೈಲ್, ಗೌಜಿ ಗಮ್ಮತ್, ಗೋಸ್ಮಾರಿ ಫಾಮಿಲಿ, ಜೀಟಿಗೆ, ಕುರೆಪಟ್, ಗಂಟ್ ಕಲ್ವೆರ್, ಇಂಚ  ಜನಪ್ರಿಯ ತುಳು ಚಲನಚಿತ್ರಲೆಡ್ ಹಾಗೂ ಐ, ಶುಗರ್ ಲೆಸ್, ಅಪರಾಧಿ ನಾನಲ್ಲ, ಕನ್ನಡ ಚಲನಚಿತ್ರಡ್  ಮಾತ್ರ ಅತ್ತಾವಂದೆ ಮೂಗಜ್ಜನ ಕೋಳಿ ಪನ್ಪಿನ ಅರೆಭಾಷೆ ಚಿತ್ರಡುಲಾ  ತೋಜಿದೆರ್.

ಕರ್ನಾಟಕ ರಾಜ್ಯ ಚಲನಚಿತ್ರ ಪ್ರಶಸ್ತಿ ಅತ್ಯುತ್ತಮ ಪೋಷಕ ನಟ: ಕುಡ್ಲ ಕೆಫೆ,
ರೆಡ್ ಎಫ್ಎಂ ತುಳು ಚಲನಚಿತ್ರ ಪ್ರಶಸ್ತಿಲು — 2014, ಕಾಮಿಕ್ ರೋಲ್ ಡ್ ಅತ್ಯುತ್ತಮ ನಟ, ಒರಿಯರ್ದೋರಿ ಅಸಲ್
ತುಳು ಸಿನಿಮೋತ್ಸವ 2015
ಕಾಮಿಕ್ ಪಾತ್ರಡ್  ಅತ್ಯುತ್ತಮ ನಟ, ತೆಲಿಕೆದ ಬೊಲ್ಲಿ ನಾಟಕಡ್ ಅತ್ಯುತ್ತಮ ನಟ,
2015ರ ಅತ್ಯುತ್ತಮ ನಟ ‘ಚಾಲಿ ಪೋಲಿಲು’, ಮಂಗಳೂರುದ ಪ್ರತಿಷ್ಠಿತ ಸಂದೇಶ ಪ್ರಶಸ್ತಿ, ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಇಂಚ ಕೆಲವು ಪ್ರಶಸ್ತಿಲೆನ್ ಪಡೆದೆರ್. ಜೀಟಿಕೆ  ತುಳು ಸಿನೆಮಾದ  ಅಭಿನಯಗ್ ರಾಷ್ಟ್ರಪ್ರಶಸ್ತಿ ಪಡೆಯಿನ  ನವೀನ್ ಪಡೀಲ್ ತುಳು ಭಾಷೆಗ್ ಬೊಕ್ಕ ತುಳು ಚಿತ್ರರಂಗಗ್  ಪೆರ್ಮೆ.

ಪಡೀಲ್ ಮೇರು ಇಂಗ್ಲಂಡ್, ಆಸ್ಟ್ರೇಲಿಯಾ, ನೈಜೀರಿಯ, ಕೀನ್ಯ, ದುಬೈ, ಮಸ್ಕತ್, ಕತಾರ್, ಬೆಹೆರೈನ್, ಸೌದಿ ಅರೇಬಿಯಾ, ಸುಮಾರು 35 ಕ್ ಲಾ ಹೆಚ್ಚ  ರಾಷ್ಟ್ರಲೆಡ್ ತಮ್ಮ ನಾಟಕದ ಬೊಕ್ಕ ಪ್ರತಿಭೆದ  ಪ್ರದರ್ಶನ ಕೊರ್ದ್  ವಿಶ್ವಪ್ರಸಿದ್ಧಿನ್  ಪಡೆದೆರ್.