ಆನುಕಲೆ ಪಂಡುದೇ ಪುಗಾರ್ತೆಡಿತ್ತಿನ ಯಕ್ಷಗಾನಗ್ ಪೊಣ್ಣುಲಾ ಪಜ್ಜೆ ದೀದ್ ಇತ್ತೆ ಪೊಂಜೊವುನಕ್ಲೆನ ಘಟಕ ಆಪಿನವ್ವ್ ಬಾರೀ ಖುಷಿತ್ತ ಸಂಗತಿ ಪಂಡುದ್ ಒಡಿಪುದ ಜಿಲ್ಲಾಧಿಕಾರಿ ಡಾ. ಕೆ. ವಿದ್ಯಾಕುಮಾರಿ ಪಂಡೆರ್. ಆರು ಉಡುಪಿ ಬೈಲೂರು ಮಹಿಷಮರ್ದಿನಿ ದೇವಸ್ಥಾನಡ್ ನಡತಿನ ಯಕ್ಷಧ್ರುವ ಪಟ್ಲ ಫೌಂಡೇಶನ್ ದ ಉಡುಪಿ ಮಹಿಳಾ ಘಟಕನ್ ಉದಿಪನ ಮಲ್ತುದ್ ಪಾತೆರಿಯೆರ್.
ಫೌಂಡೇಶನ್ ದ ಉಡುಪಿ ಮಹಿಳಾ ಘಟಕದ ಅಧ್ಯಕ್ಷೆರಾದ್ ಶ್ರೀಮತಿ ನಿರುಪಮಾ ಪ್ರಸಾದ್ ಆಯ್ಕೆ ಆಯೆರ್. ಗೌರವಾಧ್ಯಕ್ಷೆರಾದ್ ಪ್ರತಿಭಾ ಎಲ್. ಸಾಮಗ, ಉಪಾಧ್ಯಕ್ಷೆರಾದ್ ಡಾ. ಅಂಜಲಿ ಸುನೀಲ್ ಮುಂಡ್ಕೂರು, ಪೂರ್ಣಿಮಾ ಸುರೇಶ್ ನಾಯಕ್, ಅಮಿತಾಂಜಲಿ ಕಿರಣ್, ಪದ್ಮಲತಾ ವಿಷ್ಣುಭಟ್, ಸುಮಿತ್ರ ಕೆರೆಮಠ ಕಾರ್ಯಂತೆರಾದ್ ಶಿಲ್ಪಾ ಜೋಶಿ, ಒತ್ತು ಕಾರ್ಯಂತೆರಾದ್ ಪೂರ್ಣಿಮಾ ಜನಾರ್ಧನ್, ಅಮಿತಾ ಕ್ರಮಧಾರಿ, ಲತಾ ಮಹೇಂದ್ರ ಆಚಾರ್ಯ, ಭಾರತಿ ಜಯಕರ್ ಆಚಾರ್ಯ, ಗೌರವ ಸಲಹೆಗಾರೆರಾದ್ ಪ್ರಭಾವತಿ ವಿಶ್ವನಾಥ ಶೆಣೈ, ಪಮಿತಾ ಶೆಟ್ಟಿ, ತಾರಾ ಆಚಾರ್ಯ, ಭಾರತಿ. ಕೆ.,ಎಂ.ಪಣಿಯಾಡಿ, ವೇದಾವತಿ ಶೆಟ್ಟಿ, ಸ್ನೇಹ ಆಚಾರ್ಯ, ಆಶಾ ಪ್ರತಾಪ್, ರಕ್ಷಾ ಶೆಣೈ, ರೂಪಾಶ್ರೀ, ಅಮಿತಾ ಗಿರೀಶ್, ಸುಮಾ ಹೆಬ್ಬಾರ್, ಪದುಕೆರಾದ್ ಅಮಿತಾ ಆಚಾರ್ಯ, ಸುಮನ ಆಚಾರ್ಯ, ಪ್ರತಿಮಾ ರೈ, ವಿದ್ಯಾ ಸರಸ್ವತಿ, ಸರೋಜ ಶೆಣೈ, ಸರೋಜ ಯಶ್ವಂತ್, ಶ್ವೇತಾ ಶೆಟ್ಟಿ, ಜ್ಯೋತಿ ಎಸ್. ದೇವಾಡಿಗ, ವೇದಾವತಿ ಶೆಟ್ಟಿ, ತಾರಾ ಸತೀಶ್, ಡಾ. ದಿವ್ಯ ಸತ್ರಾಜಿತ, ಸುಧಾ ಹೆಬ್ಬಾರ್, ಮೊಕುಲು ಆಯ್ಕೆ ಆತೆರ್.
ಸಭಾಕಜ್ಜೊದ ವೇದಿಕೆಡ್ ಪಟ್ಲಫೌಂಡೇಶನ್ ಮಂಗಳೂರುದ ಸ್ಥಾಪಕಾಧ್ಯಕ್ಷೆರಾಯಿನ ಶ್ರೀ ಪಟ್ಲ ಸತೀಶ್ ಶೆಟ್ಟಿ, ಗುರ್ಕಾರ್ಮೆಡಿತ್ತೆರ್. ವೇದಿಕೆಡ್ ಬೈಲೂರು ಮಹಿಷಮರ್ದಿನಿ ದೇವಸ್ಥಾನದ ಮುಕ್ತೇಸರೆರಾಯಿನ ಶ್ರೀ ಮೋಹನ್ ಮುದ್ದಣ್ಣ ಶೆಟ್ಟಿ, ಪಟ್ಲ ಫೌಂಡೇಶನ್ ಕೇಂದ್ರ ಸಮಿತಿದ ಪ್ರಧಾನ ಸಮಿತಿದ ಪ್ರಧಾನ ಕಾರ್ಯದರ್ಶಿ ಶ್ರೀ ಪುರುಷೋತ್ತಮ ಭಂಡಾರಿ, ಉಡುಪಿ ಸಮಿತಿದ ಗೌರವಾಧ್ಯಕ್ಷೆರಾಯಿನ ಶ್ರೀ ಪಿ. ಪುರುಷೋತ್ತಮ ಶೆಟ್ಟಿ, ಶ್ರೀ ದಿವಾಕರ ಶೆಟ್ಟಿ ತೋಟದಮನೆ, ಉಡುಪಿ ಘಟಕದ ಗುರ್ಕಾರೆರಾಯಿನ ಶ್ರೀ ಜಯಕರ ಶೆಟ್ಟಿ ಇಂದ್ರಾಳಿ,ವಕೀಲೆರಾಯಿನ ಮಟ್ಟಾರ್ ರತ್ನಾಕರ ಹೆಗ್ಡೆ ಉಪಸ್ಥಿತರಿತ್ತೆರ್.
ಈ ಪೊರ್ತುಡ್ ತೆಂಕು ಬಡಗು ಹವ್ಯಾಸಿ ಯಕ್ಷಗಾನ ಕಲಾವಿದೆ ಕು. ವಿಂಧ್ಯಾ ಆಚಾರ್ಯ ಉಡುಪಿ, ಮಹಿಳಾ ಯಕ್ಷಗಾನ ಭಾಗವತೆ ಕು. ಸಿಂಚನಾ ಮೂಡುಕೋಡಿ ಮೊಕ್ಲೆಗ್ ಮಾನಾದಿಗೆ ನಡತುಂಡ್.
ಶಿಕ್ಷಣ ತಜ್ಞೆರ್ ಬೊಕ್ಕ ಯಕ್ಷಗಾನ ಪ್ರಸಂಗಕರ್ತೆರಾಯಿನ ಪ್ರೊ. ಪವನ್ ಕಿರಣ್ ಕೆರೆ ಎಡ್ಡೆಪ್ಪುದ ನುಡಿಸೇಸೆ ಪಾಡಿಯೆರ್. ಶ್ರೀ ದಾಮೋದರ ಶರ್ಮಾ ಕಜ್ಜೊದ ಮದಿಪು ಕೊರಿಯೆರ್. ಹರೀಶ್ ಜೋಷಿ ಸೊಲ್ಮೆ ಸಂದಾಯ್ತ ಮಲ್ತೆರ್.
by 