ಸೆಪ್ಟೆಂಬರ್ 2 ತಾರೀಕುದಾನಿ ಒಡಿಪು ಕೃಷ್ಣಾಪುರ ಪರ್ಯಾಯೋಚ್ಚಯದ ಸಮಿತಿ ಸಭೆಟ್ ಒಡಿಪು ಶಾಸಕೆರಾಯಿನ ರಘುಪತಿ ಭಟ್ ಮೆರೆಡ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಹಕಾರೊಗ್ ಮನವಿ ಕೊರಿಯೆರ್.ಮನವಿ ಸ್ವೀಕಾರ ಮಲ್ತಿನ ಶಾಸಕೆರ್ ಅಯೋಧ್ಯಾ ರಾಮಮಂದಿರದ ಟ್ಯಾಬ್ಲೋ,ವಿಶೇಷವಾದ್ ರಾಜ್ಯ ಬೊಕ್ಕ ಪರರಾಜ್ಯೊಡ್ದ್ ಸಾಂಸ್ಕೃತಿಕ ಕಲಾತಂಡೊಲೆನ್ ಅಂಚೆನೇ ಇಲಾಖೆದ ವತಿಡ್ದೇ ಒಂಜಿ ಕಾರ್ಯಕ್ರಮೊನ್ ಮಲ್ಪುನ ಬಗ್ಗೆ ಒಪ್ಪಿಗೆ ಕೊರಿಯೆರ್.
ಉತ್ಸವ ಸಮಿತಿದ ಮನವಿನ್ ಸೆಪ್ಟೆಂಬರ್ 9 ತಾರೀಕುದಾನಿ ಬುಡುಗಡೆ ಮಲ್ಪುನ ಬಗ್ಗೆ ಪಾತೆರ್ದ್ ಆನಿಯೇ ಮೆರವಣಿಗೆ ಬೊಕ್ಕ ಸಾಂಸ್ಕೃತಿಕ ಸಮಿತಿದಕ್ಲೆನೊಟ್ಟುಗ್ ಪಾತೆರಕತೆ ಮಲ್ಪುಗ ಪಂಡುದ್ ಅಭಿಪ್ರಾಯ ತೆರಿಪಾಯೆರ್.
ಸಭೆಟ್ ಶ್ರೀಶ ಆಚಾರ್,ಹೇರಂಜೆ ಕೃಷ್ಣ ಭಟ್,ರಾಘವೇಂದ್ರ ರಾವ್,ರಾಮಚಂದ್ರ ಉಪಾಧ್ಯ,ವಾಸುದೇವ ಭಟ್ ಪೆರಂಪಳ್ಳಿ,ಪ್ರದೀಪ್ ರಾವ್,ಜಯಪ್ರಕಾಶ್ ಕೆದ್ಲಾಯ,ಕುಮಾರಸ್ವಾಮಿ ಉಡುಪ,ವಿಷ್ಣುಮೂತರ್ಿ ಆಚಾರ್ಯ,ಶ್ರೀಪತಿ ಭಟ್,ಪ್ರವೀಣ್ ಉಪಾಧ್ಯ,ವೈ ಮಂಜುನಾಥ್ ರಾವ್,ರಾಮಕಾಂತ್,ರವೀಂದ್ರ ಆಚಾರ್,ರವಿಪ್ರಕಾಶ್,ಬೆಳ್ಳೆ ರಾಘವೇಂದ್ರ ಸಾಮಗ,ಎಸ್.ವಿ.ಭಟ್ ಉಪಸ್ಥಿತರಿತ್ತೆರ್.ಕಾರ್ಯಂತೆರಾಯಿನ ವಿಷ್ಣುಪ್ರಸಾದ್ ಪಾಡಿಗಾರ್ ಸ್ವಾಗತ ಮಲ್ತುದ್ ಬಿ.ವಿ.ಲಕ್ಷ್ಮೀನಾರಾಯಣ ಸೊಲ್ಮೆಸಂದಾಯ್ತ ಮಲ್ತೆರ್.
by 