ತಮಿಳ್ ಬಾಸೆದ “ಸಂಗಮ್” ಸಾಹಿತ್ಯೊಡ್ ಸುರುಕ್ಕಾದ್ ತುಳು ಉಲ್ಲೇಖ: ಗಣಪಯ್ಯ ಭಟ್

1800 ವರ್ಸದ ಪಿರಾಕುಡ್ ತಮಿಳುನಾಡುಡ್ ಸೃಷ್ಟಿ ಆಯಿನ ಸಾಹಿತ್ಯ ಸಮೂಹ ಅವ್ವೆನ್ ಸಂಗಮ್ ಸಾಹಿತ್ಯ ಪಂಡುದ್ ಲೆಪ್ಪುವೆರ್.ಸಂಗಮ್ ಸಾಹಿತ್ಯದ ಕೃತಿಲೆನ್ ಮಸ್ತ್ ಜನ ಕವಿಕುಲ್ ಒಟ್ಟಾದ್ ಸಂಗಮ್ ಸಾಹಿತ್ಯ ಪಂಡುದ್ ಲೆಪ್ಪುವೆರ್.ಮಾಮೂಲುನಾಡ್ ಪನ್ಪಿನ ತಮಿಳ್ ವಿದ್ವಾಂಸೆ ಆಯನ ಕಾವ್ಯೊಡ್ ತುಳುನಾಡುದ ಉಲ್ಲೇಖ ಆತುಂಡ್.ಆಯನ ಪ್ರಕಾರ ತುಳುನಾಡುಡ್ ಕೋಶದ ಜನಾಂಗದಕುಲು ನಿಲೆ ಆದಿತ್ತೆರ್. ಆ ಕೋಶ ಜನಾಂಗದಕುಲು ಸತ್ಯವಂತೆರಾದಿತ್ತೆರ್.ಪಾತೆರೊಗ್ ತಪ್ಪೊಂದಿತ್ತುಜೆರ್.ಕೋಶ ಜನಾಂಗದಕುಲು 4 ಬಾಸೆನ್ ಪಾತೆರುನ  ಸಮರ್ಥೇರದಿತಿನ    ಜನಕುಲ್.ಈ ನಾಲು ಬಾಸೆಲು ತುಳು,ಕನ್ನಡ,ತಮಿಳ್,ತೆಲುಗು ಈ ನಾಲು ಬಾಸೆನ್ ಪಾತೆರೊಂದಿತ್ತೆರ್.ತುಳುತ್ತ ಇತಿಹಾಸೊನ್ ಭಾಷಾ ಶಾಸ್ತ್ರದ ನಿಲೆಟ್ 2000 ಪಿರಾಕುದ ಇತಹಾಸ ಉಂಡು ಪಂಡುದ್ ನೆಟ್ ತೆರಿಯೊನೊಲಿ. ಉಂದೊಂಜಿ ಪೆರ್ಮೆದ ಸಂಗತಿ ಪಂಡುದ್ ಶ್ರೀ ಧವಳಾ ಕಾಲೇಜು ಮೂಡಬಿದ್ರೆದ ಪ್ರಾಚೀನ ಇತಿಹಾಸ ಬೊಕ್ಕ ಪುರಾತತ್ವ ವಿಭಾಗದ ಇತಿಹಾಸ ತಜ್ಞೆರಾಯಿನ ಡಾ.ಪಿ.ಗಣಪಯ್ಯ ತೆರಿಪಾಯೆರ್.

ಒಡಿಪುದ ಎಮ್.ಜಿ.ಎಮ್.ಕಾಲೇಜಿದ ಧ್ವನ್ಯಾಲೋಕ ಸಭಾಂಗಣೊಡ್ ನಡತಿನ “ತುಳು ದಿನಾಚರಣೆ” ದ ಅಂಗವಾದ್ ಆಯೋಜನೆ ಮಲ್ದಿನ ತುಳು,ತುಳುನಾಡು,ತುಳುನುಡಿ-ಒಂದು ಹಿನ್ನೋಟ ಈ ವಿಷಯದ ಬಗ್ಗೆ ಉಪನ್ಯಾಸಡ್ ಪಾತೆರಿಯೆರ್.
ಕುಂದಾಪುರದ ಬಡಕಾಯಿ ಭಾಗೊಡ್ದ್ ಕಾಸರಗೋಡುದ ಬಡಕಾಯಿಮುಟ್ಟ ಐತಿಹಾಸಿಕ ದಿಟ್ಟಿಡ್ ತುಳುನಾಡು ಪಂಡುದ್ ಗುರುತಿಸಾವೊಲಿ.ಬೈಂದೂರುಡ್ದ್ ಕಾಸರಗೋಡುದ ಚಂದ್ರಗಿರಿಮುಟ್ಟ ಅಲ್ಪದ ಜನಕ್ಲೆನ ಆಚಾರ-ವಿಚಾರ,ಆರಾಧನಾ ಪದ್ಧತಿದ ಆಧಾರ ದೀಯೊಂದ್ ತುಳುವೆರ್ ಪಂಡುದ್ ತೆರಿಯೊನೊಲಿ.ತುಳುನಾಡುಗ್ ನಮ್ಮನೇ ಆಯಿನ ಇತಿಹಾಸ ಉಂಡು.
ತುಳು ಸಂಸ್ಕೃತಿನ್ ಒರಿಪಾದಿನ ಕೀತರ್ಿ ಆಳುಪ ವಂಶಸ್ಥೆರೆಗ್ ಸಂದೊಡ್.

450ನೇ ಇಸವಿಗ್ ಸೇರಿನ ಕಾಲಕೊಂಡೆಡ್ ಕನ್ನಡದ ಸುರುತ್ತ ಶಾಸನೊಡ್ ಆಳುಪ ಅರಸೆರ್ ಆಳುದಿನ ಉಲ್ಲೇಖ ಉಂಡು. ಸುಮಾರು 900 ವರ್ಷ ಕಾಲ ಆಳುಪೆರ್ ಈ ರಾಜ್ಯೊನ್ ನಿರಂತರವಾದ್ ಆಳೊಂದಿತ್ತೆರ್.ತುಳುನಾಡ್ ಒವ್ವ್ ಕಾರಣೊಗುಲಾ ಚಾಳುಕ್ಯೆರ್ ಬೊಕ್ಕ ರಾಷ್ಟ್ರಕೂಟೆರೆನ ಅಧೀನೊಡ್ ಇತ್ತುಜಿ.900 ವರ್ಷ ಆಳುಪ ರಾಜೆರ್ ಆಳ್ವಿಕೆ ಮಲ್ಪುಜೆರೆಡ ಎಂಕ್ಲೆನ ತುಳುಸಂಸ್ಕೃತಿ ಖಂಡಿತವಾದುಲಾ ಒರಿಯುಜಿ.ಈ ನಿಟ್ಟುಡ್ ಆಳುಪ ರಾಜೆರ್ ತುಳುನಾಡುಗ್ ತನ್ನವೇ ಆಯಿನ ಕೊಡುಗೆನ್ ಕೊರ್ತೆರ್.ಅಂಚಾದ್ ತುಳುಸಂಸ್ಕೃತಿನ್ ಒರಿಪಾದಿನ  ಪೆರ್ಮೆ  ಆಳುಪ ವಂಶಸ್ಥೆರೆಗ್ ಸಂದೊಡ್ ಪಂಡುದ್ ಉಪನ್ಯಾಸೊಡ್ ಉಲ್ಲೇಖ ಮಲ್ತೆರ್.

ತುಳು ಲಿಪಿನ್ ಜನಸಾಮಾನ್ಯೆರ್ ಎಂಕ್ಲೆನ ಸಂಸ್ಕೃತಿ ಪಂಡುದ್ ತೆರಿಯೊನೊಡ್.
ತುಳು ಲಿಪಿ ವಿದ್ವಾಂಸೆರೆನ ಮಟ್ಟುಗ್ ಒರಿಂಡ ಯಾವುಜಿ.ತುಳು ಲಿಪಿನ್ ಜನಸಾಮಾನ್ಯೆರ್ ನಮ್ಮ ಸಂಸ್ಕೃತಿ ಪಂಡುದ್ ತೆರಿಯೊನೊಡ್.ತುಳುಬಾಸೆಗ್ ತಿಕ್ಕೊಡಾಯಿನ ಮಾನಾದಿಗೆ ನನಲಾ ತಿಕ್ಕುಜಿ ಪನ್ಪಿನವ್ ಬಾರೀ ಬೇಜಾರುದ ಸಂಗತಿ.ನೆಕ್ ಕಾರಣ ಸುರುಡ್ದಿಂಚಿ ತುಳುಬಾಸೆಗ್ ರಾಜಾಶ್ರಯ ಇತ್ತುಜಿ.ಸುಮಾರು 2000 ಶಾಸನೊಲೆಡ್ 25% ಶಾಸನೊಲು ಮಾತ್ರ ತುಳುಬಾಸೆದ ಆದುಂಡ್.ಅವ್ಲಾ ಐತಿಹಾಸಿಕವಾದಿಜ್ಜಿ.ರಾಜಾಶ್ರಯದ ಕೊರತೆಡ್ ತುಳುಬಾಸೆಗ್ ಪೆಟ್ಟು ಬೂರ್ದುಂಡ್.ತುಳು ಒಂಜಿ ಪ್ರದೇಶದ ಬಾಸೆ ಆಯಿನೆಡ್ದಾವರ ತುಳುಕ್ ಮಾನ್ಯತೆ ತಿಕ್ಕುಜಿ.ತುಳು ಲಿಪಿತ್ತ ಬಗ್ಗೆಲಾ ಒಂತೆ ಗೊಂದಲ ಉಂಡು.ಸರ್ವಸಮ್ಮತವಾಯಿನ ಲಿಪಿತ್ತ ಸಮಸ್ಯೆಡ್ದಾವರ 19ನೇ ಶತಮಾನೊಡ್ ತುಳುನ್ ಕನ್ನಡೊಡ್ ಬರೆಯುನ ಸಂಪ್ರದಾಯೊನ್ ಜನಪ್ರಿಯ ಮಲ್ತೆರ್.ಆ ಕಾಲೊಡ್ ತುಳು ಲಿಪಿಕ್ ವೈದಿಕ ಸಂಪ್ರದಾಯದ ಹಿನ್ನೆಲೆ ಇತ್ತುಂಡ್.ಗುಪ್ತಲಿಪಿಯಾದ್ ತುಳುಲಿಪಿನ್ ಗಳಸೊಂದಿತ್ತೆರ್.

ತುಳುಬಾಸೆ ಬುಲೆಚ್ಚಿಲ್ ಮಟ್ಟೊಡ್ ಸಾಗೊಂದುಂಡ್.
ಸಂವಿಧಾನೊಡ್ ತುಳುಕ್ ಮಾನಾದಿಗೆ ತಿಕ್ಕೊಡ್ ಪನ್ಪಿನ ದಿಟ್ಟಿಡ್ ಪೊರಂಬಾಟ ಆವೊಂದುಂಡ್. ತುಳು ಸಂಘಟನೆ,ತುಳುಲಿಪಿತ್ತ ಪ್ರಚಾರ,ತುಳುಕೃತಿ ರಚನೆಲೆನ್ ತೂವನಗ ತುಳುತ್ತ ತುಳುಬಾಸೆ ಬುಲೆಚ್ಚಿಲ್ ದ ಮಟ್ಟೊಡ್ ಸಾಗೊಂದುಂಡ್ ಪಂಡುದ್ ಪನರೆಗ್ ಕುಷಿಯಾಪುಂಡ್.

ತುಳುತ್ತ ವಿಚಾರೊಡ್ ತುಳುವೆರ್ ಮಾತೆರ್ಲಾ ಲಕ್ಕೊಡ್.

ತುಳು ನಿಘಂಟುಡ್ ಉಪ್ಪುನ 1ಲಕ್ಷ ಪದೊಕುಲೆಡ್ ಕಡೇತ್ತ ಪದ “ಲಕ್ಕು” ಪನ್ಪಿನವ್.ನೆತ್ತ ಅರ್ಥ ತುಳುವೆರ್ ಮಾತೆರ್ಲಾ ತುಳುತ್ತ ವಿಚಾರೊಡ್ ಲಕ್ಕೊಡ್ ಪಂಡುದ್ ತುಳು,ತುಳುನಾಡ್,ತುಳುನುಡಿತ್ತ ಬಗ್ಗೆ ಸುದೀರ್ಘವಾಯಿನ ಉಪನ್ಯಾಸ ಕೊರಿಯೆರ್.

ವೇದಿಕೆಡ್ ಮಲ್ಲಬಿನ್ನೆರಾದಿತ್ತಿನ ರಾ.ಗೋ.ಪೈ.ಸಂ.ಕೇಂದ್ರ ಮಾಹೆದ ಆಡಳಿತಾಧಿಕಾರಿಯಾಯಿನ ಡಾ.ಜಗದೀಶ್ ಶೆಟ್ಟಿ ಪಾತೆರ್ದ್ ತುಳುತ್ತ ಬಗ್ಗೆ ಪೊಸ ಪೊಸ ಸಂಶೋಧನೆ ಆವೊಂದುಂಡ್.ತುಳುವಪ್ಪೆನ ಜಕ್ಕೆಲುಡ್ ಬುಲೆಯೊಂದುಪ್ಪುನ ನಮ ತುಳುಕ್ ಮಾನ್ಯತೆ ತಿಕ್ಕರೆಗ್ ಪೊರಂಬಾಟ ಮಲ್ಪೊಡಾಯಿನವ್ ಅನಿವಾರ್ಯ ಪಂಡೆರ್.

ಸಭೆತ್ತ ಅಧ್ಯಕ್ಷೆರಾದಿತ್ತಿನ ಒಡಿಪು ತುಳುಕೂಟದ ಅಧ್ಯಕ್ಷೆರಾಯಿನ ಜಯಕರ ಶೆಟ್ಟಿ ಇಂದ್ರಾಳಿ ಪಾತೆರ್ದ್ ತುಳು ಲಿಪಿನ್ ಕಲ್ಪಾವುನ ಒಂಜಿ ತಂಡೊಲ್ ತುಳುಲಿಪಿನ್ ತುಳುನಾಡೊಮರ್ೆ ಕಲ್ಪಾವೊಂದುಲ್ಲೆರ್.ಉಂದೊಂಜಿ ಎಡ್ಡೆ ಬುಲೆಚ್ಚಿಲ್ ಪಂಡುದೇ ಪನೊಲಿ ಪಂಡೆರ್.ತುಳುನಿಘಂಟುಗ್ ಪೊರಂಬಾಟ ಮಲ್ದಿನ ಡಾ.ಯು.ಪಿ.ಉಪಾಧ್ಯಾಯ ಬೊಕ್ಕ ಸುಶೀಲ ಉಪಾಧ್ಯಾಯ ಮೊಕ್ಲೆನ್ ಈ ಪೋರ್ತುಡ್  ಆರು ನೆನೆತೆರ್.
ತೆಂಕನಿಡಿಯೂರು ಕಾಲೇಜಿದ ಕನ್ನಡ ಉಪನ್ಯಾಸಕಿ ರತ್ನಮಾಲಾ ಮೇರು ಕಜ್ಜೊದ ಮದಿಪು ಕೊರಿಯೆರ್.