ನಾಗರಪಂಚೆಮಿ

ನಾಗರ ಪಂಚೆಮಿ

ಪುಡೆಮಿನ್ ತುಂಬುದಿನ ಪಾತಾಳ ವಾಸಿ
ವಾಸುಕಿ ಆದಿಶೇಷ ಉಭಯ ಬನವಾಸಿ
ಕಾಡಗುಡ್ಡೆದ ನಿರೆಲ್ ಮಣ್ಣ ಪುಂಚದ ಮಡಲ್
ಪಂಚೆಮಿಗ್ ಕೇನುಂಡು ಪುಂಗಿದಾ ಸುಯಿಲ್

ಪಂಚ ವರ್ಣದ ಮಣ್ಣ್ ನಿನ್ನ ನಡೆಟ್
ಪುಡೆಮಿನ್ ಮೂಡಾಯ ಭಕ್ತಿ ಕಲಟ್
ಕೇದಾಯಿ ಪಿಂಗಾರ ಮಂಜಲ್ದ ಪೂ ಸಾರ
ಅರ್ಪಣೆಗ್ ಬೈದ್ಂಡ್ ಜನಸಾಗರ

ನಾಗಬನ ಕಟ್ಟೆಡ್ ಕುಕ್ಕೆನಾ ತಲೊಟು
ಪೊರಿ ಬಜಿಲ್ ಪೇರಾ ಜಲಕದಾ ನಡುಟು
ಆದಿಮೂಲನ್ ನಾಡ್ದ್ ಬತ್ತಿನಾ ಭಕ್ತೆರೆಗ್
ತೋಜುನಾ ದೇವೆರ್ ನರಮಾನಿ ಕಣ್ಣ್ ಗ್

ನಾಗನಾ ಪೂಜೆನೇ ಪಸಂದ್ರ ಆರಾಧನೆ
ಪಸಂದ್ರ ಒರಿಂಡನೇ ಪಂಚೆಮಿಗ್ ಅರ್ಥನೆ
ಬದಲಾತ್ಂಡ್ ಇತ್ತೆ ಭಕ್ತೆರೆನ ವರ್ತನೆ
ಆವೊಡು ಆದಿದ ಪಂಚೆಮಿ ಪುನರಾವರ್ತನೆ.

ಎಚ್ಕೆ ನಯನಾಡು.
ತುಲುವೆರೆ ಕಲ