ಕೊಡವೂರು ಗಣೇಶೋತ್ಸವ

ಕೊಡವೂರು ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿದ ವತಿಡ್ದ್  ಆಚರಣೆ ಮಲ್ಪುನ 56 ನೇ ಗಣೇಶೋತ್ಸವದ ಪ್ರಯುಕ್ತ ಉಡುಪಿ ತಾಲೂಕು ಮಟ್ಟದ ಪ್ರಾಥಮಿಕ ಬೊಕ್ಕ ಪ್ರೌಢ ಶಾಲಾ ವಿದ್ಯಾರ್ಥಿಲೆಗ್ ಗಣೇಶನ ಚಿತ್ರ ಬಡ್ಪಾವುನ ಸ್ಪರ್ಧೆ ಬೊಕ್ಕ ಪೊಂಜೊವುನಕ್ಲೆಗ್  ರಂಗವಲ್ಲಿ ಪಂಥೊ ಆ.25 ಗ್   ಶ್ರೀ ಶಂಕರನಾರಾಯಣ ದೇವಸ್ಥಾನದ ಸಭಾಂಗಣಡ್  ನಡತುಂಡ್.
ಪಂತೊನ್  ಶ್ರೀ ದೇವಳದ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷರಾಯಿನ ಸಾಧು ಸಾಲ್ಯಾನ್ ಉದಿಪನ ಮಲ್ತೆರು.ಮಲ್ಲ ಬಿನ್ನೆದಿ  ಸಾಹಿತಿ ಪೂರ್ಣಿಮಾ ಜನಾರ್ದನ್ ಪಾತೆರ್ದ್  ಜೋಕ್ಲೆನ  ಪ್ರತಿಭೆದ  ಅನಾವರಣಗ್  ಇಂಚಿನ ಸ್ಪರ್ಧಾ ಕಾರ್ಯಕ್ರಮೊಲು ಉತ್ತೇಜನಕಾರಿಯಾದುಂಡ್.  ನಮ್ಮ ಸಂಸ್ಕೃತಿನ್  ಒರಿಪಾದ್ ಬುಲೆಪಾವುನ  ನಿಟ್ಟುಡ್ ಪೂರಕ ವಾತಾವರಣ ಸೃಷ್ಟಿ ಮಲ್ಪುಂಡ್ ಪಂಡೆರು.ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿದ ಅಧ್ಯಕ್ಷ ಕೃಷ್ಣ ದೇವಾಡಿಗ, ಕೋಶಾಧಿಕಾರಿ ವಾದಿರಾಜ್ ಟಿ ಸಾಲ್ಯಾನ್ ಉಪಸ್ಥಿತರಿತ್ತೆರು. ಕರಿನ 20 ವರುಷಡಿಂಚಿ ನಿರಂತರವಾದ್  ಈ ಸ್ಪರ್ಧಾ ಕಾರ್ಯಕ್ರಮದ ತೀರ್ಪುಗಾರೆರಾದ್ ಸಹಕಾರ ಕೊರೊಂದುಪ್ಪುನ ಹಿರಿಯ ಚಿತ್ರ ಕಲಾವಿದ ತಾರಾನಾಥ್ ತೊಟ್ಟಂ, ಸಂಗೀತ ಕಲಾವಿದ
ಸುನೀಲ್ ಕುಮಾರ್ ಅಂಬಲಪಾಡಿ ಮೆರೆನ್ ಮಾನಾದಿಗೆ ಮಲ್ತೆರ್.ದೇವಳದ ವ್ಯವಸ್ಥಾಪನಾ ಸಮಿತಿ ಸದಸ್ಯೆ ಚಂದ್ರಾವತಿ ಕಾನಂಗಿ ಮಹಿಳೆಯರ ರಂಗವಲ್ಲಿ ಸ್ಪರ್ಧೆಗ್ ಚಾಲನೆ ಕೊರಿಯೆರು. ಸತೀಶ್ ಕೊಡವೂರು ಸ್ವಾಗತ ಮಲ್ತುದ್ ನಿರೂಪಣೆ ಮಲ್ತೆರು.ಜಗದೀಶ್ ಶೆಟ್ಟಿ ಬೆಳ್ಕಳೆ ಸೊಲ್ಮೆ ಸಂದಾಯ್ತ ಮಲ್ತೆರು.