ಇತಿಹಾಸೊಡೇ ಪುಗಾರ್ತೆನ್ ಪಡೆಯಿನ ನಂದಳಿಕೆ ಸಿರಿಜಾತ್ರೆ ಉಂದುವೇ ಬರ್ಪಿನ ಎಪ್ರಿಲ್ 6 ತಾರೀಕುಗ್ ನಡಪರೆಗಿತ್ತುದ್, ಜಾತ್ರೆದ ಪ್ರಚಾರ ಉಡುಪಿ ಜಿಲ್ಲೆಡ್ ವಿಭಿನ್ನ ಪ್ರಕಾರೊಡ್ ನಡತೊಂದುಪ್ಪುನವ್ ವಿಶೇಷ..
ಪ್ರತೀ ವರ್ಷ ಒಂಜೊಂಜಿ ವಿಭಿನ್ನ ಪ್ರಕಾರೊಡ್ ಪ್ರಚಾರ ಮಲ್ತೊಂದುಪ್ಪುನವ್ ನಮಕ್ ಮಾತೆರೆಗ್ ತೆರಿದಿನ ವಿಚಾರ.ಈ ಸರ್ತಿಲಾ ಒಂಜಿ ವಿಶೇಷ ಕಲ್ಪನೆ ಸಮಾಜಮುಖಿ ಚಿಂತನೆ ದೀಯೊಂದ್ ಪ್ರಚಾರ ನಡತೊಂದುಂಡ್. ಈ ಸರ್ತಿ ಉಡುಪಿ ಜಿಲ್ಲೆಡ್ ವಿಪರೀತ ದೊಂಬುಗ್ ಪಕ್ಕಿಲು ನೀರು ತಿಕ್ಕಂದೆ ಒದ್ದಾಟ ಮಲ್ಪುನವ್ವೆನ್ ಗಮನೊಗ್ ದೀಯೊಂದ್ ಉಡುಪಿ ಜಿಲ್ಲೆಡ್ ಅಲ್ಪಲ್ಪ ಜಾತ್ರೆದ ಪ್ರಚಾರದೊಟ್ಟುಗ್ ಪಕ್ಕಿಲೆಗ್ ನೀರು ದೀದ್ ಪಕ್ಕಿಲೆನ ಜೀವ ಒರಿಪಾವುನ ಬೇಲೆ ಜನಮಾನಸೊಗ್ ಕುಷಿ ಕೊರ್ತುಂಡ್…ಮಲ್ಲ ಮಲ್ಲ ಬ್ಯಾನರ್ ಪಾಡುದ್ ಪರಿಸರ ಹಾಳ್ ಮಲ್ಪುನವ್ವೆಡ್ದ್ ಇಂಚ ಪ್ರಚಾರದೊಟ್ಟುಗ್ ಪರಿಸರಡುಪ್ಪುನ ಜೀವಸಂಕುಲೊನ್ ಒರಿಪಾವುನ ಬೇಲೆ ನಿಜವಾದುಲಾ ಮೆಚ್ಚೊಡಾಯಿನವ್ವ್.
by 