ಯಶೋದ ಮೋಹನ್ ಮೆರೆಗ್ ಪಣಿಯಾಡಿ ಪ್ರಶಸ್ತಿ

ತುಳುಕೂಟ ಉಡುಪಿದ ವತಿಡ್ದ್ ಪ್ರತೀವರ್ಷ ಎಸ್.ಯು.ಪಣಿಯಾಡಿ ಮೆರೆನ ನೆಂಪುಡ್ ಕೊರ್ಪಿನ “ಪಣಿಯಾಡಿ ತುಳು ಕಾದಂಬರಿ” ಪ್ರಶಸ್ತಿ ಈ ಸರ್ತಿ ಕುಡ್ಲ ಕಾವೂರುದ ತುಳುಸಾಹಿತಿ ಯಶೋದ ಮೋಹನ್ ಮೆರೆನ “ದೇರಮಾಮುನ ದೂರನೋಟೊಲು” ಕಾದಂಬರಿಗ್ ತಿಕ್ಕುದುಂಡ್.

ಯಶೋದ ಮೋಹನ್ ಮೇರ್ ಹವ್ಯಾಸಿ ಲೇಖಕಿಯಾದಿತ್ತುದ್ ಮೆರೆನ ಬರವು ಆಕಾಶವಾಣಿ,ಪತ್ರಿಕಲೆಡ್ ಪ್ರಕಟ ಆತುಂಡ್.

ತುಳು ಸಾಹಿತ್ಯ ಅಕಾಡೆಮಿ ನಡಪಾಯಿನ ತುಳು ಕಥಾ ಸ್ಪರ್ಧೆಡ್ ಸುರೂತ ಇನಾಮು, ಕ,ಲೇ.ವಾ. ನಡಪಾಯ್ನ ವಿಮರ್ಶಾ ಸ್ಪರ್ಧೆಡ್ ಸುರೂತ ಇನಾಮು.ಲೇಖನ ಸ್ಪರ್ಧೆಡ್ ಸುರೂತ ಇನಾಮು ದೆತೊಂದೆರ್.

ತುಳು ಎಲ್ಯ ಕತೆ ‘ಒಯಿಲ್’ ತೆಲುಗು ಭಾಷೆಗ್ ಅನುವಾದ ಆತ್ಂಡ್.
ಕನ್ನಡ ಎಲ್ಯ ಕತೆ ‘ಪೇದ್ರು ಮಾಮನ ಕ್ರಿಸ್ಮಸ್ ಕಿಟ್ ‘ ಕೊಂಕಣಿ ಭಾಷೆಗ್ ಅನುವಾದೊ ಆತ್ಂಡ್.
ಸುರೂತ ಸರ್ತಿಗ್ ತುಳು ಪದ ಮುಡೆಚ್ಚಿಲ್ (crossword) ರಚನೆ ಮಲ್ತ್‌ದ್ ಅವು ವಿಜಯಕರ್ನಾಟಕ ಪತ್ರಿಕೆಡ್ ಪ್ರತೀ ವಾರ ಪ್ರಕಟ ಆವೊಂದಿತ್ತ್ಂಡ್.
‘ಪೂವರಿ’ ತುಳು ಪತ್ರಿಕೆಡ್ ‘ಕಾಲ ಪಗರ್ಂಡ್’
ಅಂಕಣ ಬರವು ಪ್ರತೀ ತಿಂಗೊಲು ಪ್ರಕಟ ಆವೊಂದುಂಡು.
ತುಳು ವಿಕಿಪೀಡಿಯಾ ಗ್ ಬರವು ಬರೆತಿನ ಅಲ್ಮೊಗ.
‘ತುಳು ಐಸಿರಿ’ ಡ್ ಪಣವುದ ಗುರ್ಕಾರ್ದಿಯಾದ್ ಬೇಲೆ ಬೆನ್ತಿನ ಅಲ್ಮೊಗ.
ಮೇರ್ ಕರಾವಳಿ ಲೇಖಕಿಯರ ಮತ್ತು ವಾಚಕಿಯರ ಸಂಗೊದ ಸದಸ್ಯೆಯಾದುಲ್ಲೆರ್.

ಪುದರ್:- ಯಶೋದ ಮೋಹನ್
ಪತ್ತೆ:
‘ಸುಧೇನು’,
ಅಭಿಮಾನ್ ಗ್ರೀನ್ ಲಾನ್ಸ್ ಲೇ ಔಟ್,
ಗಾಂಧಿನಗರ, ಕಾವೂರು,
ಮಂಗಳೂರು–15.

Mob: 9742538833
Email: whyems@gmail.com