ನಾರಾಯಣ ಗುರು ಅಶಕ್ತೆರೆನ ಬದುಕುಗ್ ಬೊಲ್ಪಾಯಿನಾರ್:ಕೆ.ಟಿ.ಪೂಜಾರಿ.

ಕೊಡವೂರು : ಬ್ರಹ್ಮಶ್ರೀ ನಾರಾಯಣಗುರುಕುಲೆನ ಜನ್ಮ ದಿನಾಚರಣೆ

ಸಾಮರಸ್ಯದ ಸದ್ಭಾವನಾ ಸಂದೇಶ ಜಾಥಾ

ಸಾರ್ವಕಾಲಿಕ ಸತ್ಯಸಂದೇಶದ ಪ್ರವರ್ತಕೆರಾಯಿನ ಮಾನವತೆದ ಮಹಾತ್ಮೆ ಬ್ರಹ್ಮಶ್ರೀ ನಾರಾಯಣಗುರುಕುಲೆನ 168ನೇ ಜನ್ಮ ದಿನಾಚರಣೆದ ಅಂಗವಾದ್ ಕೊಡವೂರು ನಾರಾಯಣಗುರು ಸೇವಾ ಬಳಗದ ವತಿಡ್ದ್ ಸಾಮರಸ್ಯದ ಸದ್ಭಾವನಾ ಸಂದೇಶ ವಾಹನ ಜಾಥಾನ್ ಶನಿವಾರ ಆಯೋಜನೆ ಮಲ್ದಿತ್ತೆರ್.

ಮಲ್ಪೆ ಬಿಲ್ಲವರ ಸೇವಾ ಸಂಘಡ್ದ್ ಸುರುವಾಯಿನ ಜಾಥಾಗ್ ಮಲ್ಪೆ ಬಿಲ್ಲವರ ಸೇವಾ ಸಂಘದ ಅಧ್ಯಕ್ಷೆರಾಯಿನ ಕೃಷ್ಣಪ್ಪ ಜತ್ತನ್ ಬೊಕ್ಕ ಮಾಜಿ ಸಚಿವೆರಾಯಿನ ವಿನಯ್ ಕುಮಾರ್ ಸೊರಕೆ ಚಾಲನೆ ಕೊರಿಯೆರ್.
ಜಾಥಾ ಮಲ್ಪೆ ಸರ್ಕಲ್ ಮುಖೇನ ಕೊಪ್ಪಲ್ ತೋಟ, ಕೊಡವೂರು, ಪಾಳೆಕಟ್ಚೆ, ಲಕ್ಷ್ಮೀ ನಗರ, ಗರ್ಡೆ, ಶ್ರೀನಗರ, ತೆಂಕನಿಡಿಯೂರು, ಗರಡಿಮಜಲು ಮುಖೇನ ಕೊಡವೂರು ಯುವಕಸಂಘಡ್ ಪೂ ನಮನ ಸಲ್ಲಿಸಾವುನ ಮುಖೇನ ಸಾಮಾಜಿಕ ನ್ಯಾಯದ ಸತ್ಪುರುಷೆರಾಯಿನ ಸದ್ಗುರುನ ಸಂದೇಶ ಜಾಥ ಸಂಪನ್ನ ಆಂಡ್.

ಹಿರಿಯ ಬಿಲ್ಲವ ಮುಖಂಡ ಕೆ.ಟಿ.ಪೂಜಾರಿ ಆರು ಪೂ ನಮನ ಸಲ್ಲಿಸಾದ್ ಪಾತೆರ್ದ್ ನಾರಾಯಣ ಗುರು ಸಮಸ್ತ ಅಶಕ್ತೆರೆನ ಬದುಕುಗ್ ಬೊಲ್ಪಾಯಿನಾರ್. ಅರೆನ ತತ್ವ ಸಂದೇಶೊಲ್ ಸರ್ವಕಾಲಿಕ. ಆರು ಒಂಜಿ ಸಮಾಜಗ್ ಸಿಮೀತ ಅತ್ತ್ , ಸಮಸ್ತ ಮನುಕುಲಗ್ ಆರು ಗುರು ಪಂಡೆರ್. ವೈಕುಂಠ ಬಾಳಿಗ ಕಾನೂನು ಮಹಾವಿದ್ಯಾಲಯದ ಉಪನ್ಯಾಸಕಿ ಸುರೇಖಾ ಕೆ. ಆರು ಗುರು ತತ್ವಾದರ್ಶೊಲೆನ ಬಗ್ಗೆ ವಿಸ್ತ್ರತವಾದ್ ಮಾಹಿತಿ ಕೊರಿಯೆರು.

ಈ ಸಂದರ್ಭಡ್ ಬಿಲ್ಲವ ಮುಖಂಡೆರಾಯಿನ ರತ್ನಾಕರ್ ಅಮೀನ್, ಅರುಣ್ ಕುಮಾರ್, ಭಾಸ್ಕರ್ ಪಾಲನ್ ಬಾಚನಬೈಲು, ಪ್ರಕಾಶ್ ಜಿ. ಕೊಡವೂರು ಪುಟ್ಟಯ್ಯ ಪೂಜಾರಿ, ಮಾಧವ ಬನ್ನಂಜೆ, ಶಶಿಧರ್ ಅಮೀನ್, ಶೇಖರ್ ಪೂಜಾರಿ ಉದ್ದಿನಹಿತ್ಲು, ಗಣೇಶ್ ಕೊಪ್ಪಲ್ ತೋಟ, ರತ್ನಾಕರ್ ಕೋಟ್ಯಾನ್, ದಯಾನಂದ ಪೂಜಾರಿ, ಪ್ರಕಾಶ್ ಕರ್ಕೇರ, ವಿಶ್ವನಾಥ್ ಕಲ್ಮಾಡಿ, ಪ್ರಭಾತ್ ಕೊಡವೂರು, ಸುರೇಶ್ ಕುರ್ಕಾಲು, ವಿನಯ್ ಪಡುಕರೆ, ಪ್ರವೀಣ್ ಜಿ., ಕೃಷ್ಣ ದೇವಾಡಿಗ, ಮೆಲ್ವಿನ್ ಮೆಂಡೋನ್ಸ, ಕಿಶೋರ್ ಕುಮಾರ್ ಗರ್ಡೆ, ವಿನಯ್ ಕುಮಾರ್ ಕಲ್ಮಾಡಿ, ಕೆ. ಟಿ. ಪ್ರಸಾದ್, ವಿಜಯ್ ಕೊಡವೂರು , ಶೇಖರ್ ಮಾಬೆನ್ ಬೊಕ್ಕ ಮಲ್ಪೆ ಬಿಲ್ಲವ ಸಂಘದ ಪದಾಧಿಕಾರಿಲು, ಗ್ರಾಮಸ್ಥೆರು ಉಪಸ್ಥಿತರಿತ್ತೆರ್. ಬಾಲಕೃಷ್ಣ ಕೊಡವೂರು ಕಾರ್ಯಕ್ರಮ ನಿರೂಪಣೆ ಮಲ್ತೆರ್.