ದೇವಳದ ಜೀರ್ಣೋದ್ದಾರಡ್ದ್ ಊರುಗ್ ಶ್ರೇಯಸ್ಕರ – ಪೇಜಾವರ ಶ್ರೀ

ಪೆರ್ಣಂಕಿಲ ದೇವಳದ ಜೀರ್ಣೋದ್ಧಾರ ಪ್ರಕ್ರಿಯೆ ಆರಂಭ
ದೇವಳದ ಜೀರ್ಣೋದ್ದಾರಡ್ದ್ ಊರುಗ್ ಶ್ರೇಯಸ್ಕರ – ಪೇಜಾವರ ಶ್ರೀ
ಉಡುಪಿ
ಪರತ್ ಕುಂಟುನ್ ದೆತ್ತುದು ಪೊಸ ಕುಂಟುನ್ ತುತ್ತುನವ್ ವೈಯುಕ್ತಿಕವಾದ್ ವ್ಯಕ್ತಿಗ್ ಎಂಚ ಶ್ರೇಯಸ್ಕರನಾ , ಅಂಚೆನೇ ಜೀರ್ಣೋದ್ಧಾರ ಆಯಿನ ದೇವಾಲಯಲೆನ್ ಉದ್ಧಾರ ಮಲ್ಪುನವ್ ಊರುಗ್ ಶ್ರೇಯಸ್ಕರವಾಯಿನವ್, ಅಂಚಾದ್ ದೇವಾಲಯೊಲೆನ ಜೀರ್ಣೋದ್ಧಾರಡ್ ಊರುದಕುಲು ಮಾತಾ ಒಂಜೇ ಮನಸ್ಸುಡ್ ಸೇವೆ ಮಲ್ಪೊಡ್ ಪಂಡುದು ಪೇಜಾವರ ಮಠದ ಶ್ರೀ ವಿಶ್ವಪ್ರಸನ್ನ ತೀರ್ಥ ಸ್ವಾಮೀಜಿ ತೆರಿಪಾಯೆರು.
ಆರು ಸೋಮವಾರ, ಮುಲ್ಪದ ಪೆರ್ಣಂಕಿಲದ ಶ್ರೀ ಮಹಾಗಣಪತಿ ಮಹಾಲಿಂಗೇಶ್ವರ ದೇವಾಲಯದ ಜೀರ್ಣೋದ್ಧಾರ ಪ್ರಕ್ರಿಯೆ ಪ್ರಾರಂಭದ ಸಂದರ್ಭಡ್ ನಡತಿನ ಧಾರ್ಮಿಕ ಸಭೆಟ್ ಅನುಗ್ರಹ ಸಂದೇಶ ಕೊರಿಯೆರು.
ಈ ಸಂದರ್ಭಡ್ ಶ್ರೀಕುಳು ದೇವಾಲಯಗ್ ಭೂಮಿ, ಮರ, ಧನ ದಾನ ಮಾಡಿದಕ್ಲೆನ್ ಗೌರವಿಸಾಯೆರ್. ಅವದಾನಿ ಗುಂಡಿಬೈಲು ಸುಬ್ರಹಣ್ಯ ಭಟ್ ಊರುದಕ್ಲೆಗ್ ದೀಕ್ಷಾಬದ್ಧತೆನ್ ವಿವರಿಸಾಯೆರ್.
ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರಾಯಿನ ಪೆರ್ಣಂಕಿಲ ಹರಿದಾಸ ಭಟ್ ಪ್ರಾಸ್ತಾವಿಕ ಪಾತೆರಿಯೆರ್. ಸಮಿತಿದ ಪ್ರಧಾನ ಕಾರ್ಯದರ್ಶಿ ಶ್ರೀಶಾ ನಾಯಕ್, ಮಠದ ದಿವಾನೆರಾಯಿನ ಸುಬ್ರಹ್ಮಣ್ಯ ಭಟ್, ವಿದ್ವಾನ್ ರಘುರಾಮ ಆಚಾರ್ಯೆರು ವೇದಿಕೆಡಿತ್ತೆರ್. ಉಮೇಶ್ ನಾಯಕ್ ಬೊಕ್ಕ ಸದಾನಂದ ಪ್ರಭು ಕಾರ್ಯಕ್ರಮ ನಿರೂಪಣೆ ಮಲ್ತೆರ್.
ಸಭಾಕಜ್ಜೊಡ್ ದುಂಬು ಸರ್ವೇಶ ತಂತ್ರಿಗಳ ನೇತೃತ್ವಡ್ , ಶ್ರೀಕುಲೆನ್ ಉಪಸ್ಥಿತಿಡ್ ಸಾಮೂಹಿಕ ಪ್ರಾರ್ಥನೆ ಮಲ್ತುದ್, ಮಧುಸೂದನ ತಂತ್ರಿಲೆನ ಮಾರ್ಗದರ್ಶನಡ್ ದೇವೆರೆನ ಬಿಂಬೊನ್ ಬಾಲಾಲಯಡ್ ಪ್ರತಿಷ್ಠಾಪನೆ ಮಲ್ಪುನ ಮುಖೇನ ಜೀರ್ಣೋದ್ಧಾರ ಕಾರ್ಯಗ್ ಚಾಲನೆ ಕೊರಿಯೆರ್.