ಕಡಲಪ್ಪೆ ಜೋಕುಲು ಗಂಗಾದೇವಿನ್ ಸುಗಿತಿನ ಪೊರ್ತು..

ಕಡಲುನೇ ನಂಬೊಂದ್ ಬದುಕುನ ಕಡಲಪ್ಪೆ ಜೋಕುಲು ಗಂಗಾದೇವಿಗ್ ಪೂಜೆ ಮಲ್ಪುನ ಕ್ರಮ ವರ್ಷಗೊರ ಕಡಲಬರಿಟ್ ನಡಪುಂಡ್.ಆನಿದ ದಿನೊ ಕಡಲುದ ಕಸುಬುಗ್ ರಜೆ ಪಾಡ್ದ್ ತಂಕುಲು ನಂಬಿನ ದೈವ-ದೇವೆರೆಗ್ ಪೂಜೆ ಮಲ್ತುದ್,ಅಲ್ಪದ ಪ್ರಸಾದನ್ ಕನತುದ್ ಗಂಗಾದೇವಿಗ್ ಅರ್ಪಣೆ ಮಲ್ಪುವೆರ್.ಈ ಪೊರ್ತುಡ್ ಕಡಲುಡ್ ಸಂಪತ್ತು ಉರ್ಕುದ್ ಬರಡ್..ಕಡಲುಡ್ ಬೆನ್ಪುನ ಎಂಕ್ಲೆಗ್ ಒವ್ವೇ ರೀತಿದ ಆಪತ್ತು ಬರಂದಿಲೆಕ್ಕ ಈ ಪೊರ್ತುಡ್ ಭಕ್ತಿಡ್ ಸುಗಿಪುವೆರ್.

ಆ ಪ್ರಯುಕ್ತ ಮಲ್ಪೆದ ಕಡಲಬರಿಟ್ ಇನಿತ್ತ ದಿನೊ ಸಮುದ್ರಪೂಜೆ ಗೌಜಿಡ್ ನಡತುಂಡ್..ವಡಬಾಂಡೇಶ್ವರ ದೇವಸ್ಥಾನಡ್ ಪೂಜೆ ಮಲ್ತುದ್, ಅಲ್ಪಡ್ದ್ ಮೆರವಣಿಗೆಡ್ ಪ್ರಸಾದ ಕನತುದ್,ಕಡಲಬರಿಟ್ ಇತ್ತೆದ ಸಂಪ್ರದಾಯದ ಪ್ರಕಾರ(ದುಂಬು ಇತ್ತುಜಿ) ಹೋಮ ಮಲ್ತುದ್, ಕಡಲಪ್ಪೆ ಗಂಗಾದೇವಿಗ್ ಪೇರ್ ಮೈತೆರ್..