ಶ್ರೀ ವಿಠೋಭ ಭಜನಾ ಮಂದಿರ ಮಲ್ಪೆಡ್ ನಾರಾಯಣಗುರುಕ್ಲೆನ ಪುಟ್ಟುಪರ್ಬದ ಗೌಜಿ..

ಶ್ರೀ ವಿಠೋಭ ಭಜನಾಮಂದಿರ ಮಲ್ಪೆ,ಬಿಲ್ಲವ ಸಮಾಜ ಸೇವಾ ಸಂಘದ ವತಿಡ್ದ್ ಬ್ರಹ್ಮಶ್ರೀ ನಾರಾಯಣ ಗುರು ಸ್ವಾಮೀಜಿಲೆನ 169 ನೇ ಪುಟ್ಟುಪರ್ಬದ ಗೌಜಿ ಎಲ್ಲೆ ನಡಪರೆಗುಂಡ್.ಆ ಪ್ರಯುಕ್ತ ಕಾಂಡೆ ಗಣಹೋಮ,ಕಲಶಪ್ರತಿಷ್ಠೆ ಬೊಕ್ಕ ಗುರುಪೂಜೆ ನಡಪುಂಡ್.ವಿಠೋಭ ಭಜನಾ ಮಂದಿರದ ಭಜನಾ ಮಂಡಳಿಡ್ದ್ ಬೊಕ್ಕ ಸಿದ್ಧ ಸಮಾಧಿ ಯೋಗ ಮಲ್ಪೆದ ವತಿಡ್ದ್ ಭಜನಾ ಸಂಕೀರ್ತನೆ ,ಬಿಲ್ಲವ ಮಹಿಳಾ ಘಟಕದ ಸದಸ್ಯೆರೆಡ್ದ್ ಕುಣಿತಾ ಭಜನೆ,ಮಧ್ಯಾಹ್ನ ಸಾರ್ವಜನಿಕ ನುಪ್ಪು ಪ್ರಸಾದ ನಡಪರೆಗುಂಡ್.

ರಾತ್ತೆಗ್ 7 ಗಂಟೆಗ್ ಸಭಾಕಜ್ಜೊ ಬಿಲ್ಲವ ಸಮಾಜ ಸೇವಾ ಸಂಘದ ಗುರ್ಕಾರೆರಾಯಿನ ಶ್ರೀ ಗೋಪಾಲ ಸಿ.ಬಂಗೇರ ಮೆರೆನ ಗುರ್ಕಾರ್ಮೆಡ್ ಸಭಾಕಜ್ಜೊ ನಡಪರೆಗುಂಡ್.ಕಜ್ಜೊಡ್ ಉಡುಪಿ ಶಾಸಕೆರಾಯಿನ ಯಶ್ಪಾಲ್ ಸುವರ್ಣ,ಮಾಜಿ ಸಚಿವೆರಾಯಿನ ವಿನಯ್ ಕುಮಾರ್ ಸೊರಕೆ,ಪ್ರಮೋದ್ ಮಧ್ವರಾಜ್,ಉಡುಪಿ ಉದ್ಯಮಿ ಪ್ರಸಾದ್ ರಾಜ್ ಕಾಂಚಾನ್, ಉಡುಪಿ ಅಧಿತಿ ಬಿಲ್ಡರ್ಸ್ ದ ರಂಜನ್ ಕೆ., ಸರಕಾರಿ ಪ್ರಾಥಮಿಕ ಶಾಲೆ ನಿಟ್ಟೂರುದ ಮುಖ್ಯ ಶಿಕ್ಷಕೆರಾಯಿನ ಸಂತೋಷ್ ಕರ್ನೆಲಿಯೋ,ಶತಮಾನೋತ್ಸವ ಸಮಿತಿದ ಗುರ್ಕಾರೆರಾಯಿನ ದಿನೇಶ್ ಜಿ.ಸುವರ್ಣ ಉಪಸ್ಥಿತರಿಪ್ಪುವೆರ್.

ಸಭಾ ಕಜ್ಜೊಡ್ ನಾರಾಯಣ ಗುರು ಆಂಗ್ಲಮಾಧ್ಯಮ ಶಾಲೆ ಮಲ್ಪೆದ ಜೋಕ್ಲೆಗ್ ಪ್ರತಿಭಾ ಪುರಸ್ಕಾರ ನಡಪರೆಗುಂಡ್.ಸಭಾಕಜ್ಜೊಡ್ ಬೊಕ್ಕ ಬಿಲ್ಲವ ಮಹಿಳಾ ಘಟಕದ ಸದಸ್ಯೆರೆಡ್ದ್ ಬೊಕ್ಕ ನಾರಾಯಣ ಗುರು ಸೇವಾದಳದ ಸದಸ್ಯೆರೆಡ್ದ್ ಸಾಂಸ್ಕೃತಿಕ ಕಜ್ಜೊಲು ನಡಪರೆಗುಂಡ್..