ಸನ್ಯಾಸಿಮಠತ್ತ ದುರ್ಗಾಪರಮೇಶ್ವರಿ ಅಮ್ಮನವರ ದೇವಸ್ಥಾನೊಡ್ ಮಾರ್ಣಮಿ ಉಚ್ಚಯದ ಗೌಜಿ

ಶ್ರೀದುರ್ಗಾಪರಮೇಶ್ವರಿ ಅಮ್ಮನವರ ದೇವಸ್ಥಾನ ಸನ್ಯಾಸಿಮಠ ಮುಲ್ಪ ಸೆಪ್ಟೆಂಬರ್ 7ತಾರೀಕುಡ್ದ್ 14 ತಾರೀಕುಮುಟ್ಟ ಮಾರ್ಣಮಿ ಉಚ್ಚಯ ಸಾಂಪ್ರದಾಯಿಕವಾದ್ ನಡಪರೆಗುಂಡ್.ಕೊರೊನಾ ಮಹಾಮಾರಿದ ಕಾರಣ ಸಾಂಸ್ಕೃತಿಕ ಕಾರ್ಯಕ್ರಮ ಈ ಸರ್ತಿ   ಉಪ್ಪುಜಿ.ಕೈತಲುದ ಭಜನಾಮಂದಿರದ ಸದಸ್ಯೆರೆಡ್ದ್ ದಿನೊಲಾ ಭಜನಾ ಸೇವೆ ನಡಪರೆಗುಂಡ್.
13ತಾರೀಕುದಾನಿ ಬುಧವಾರ “ದುರ್ಗಾಷ್ಟಮಿ ” ದಾನಿ ಕಾಂಡೆ “ಚಂಡಿಕಾಹೋಮ” 11 ಗಂಟೆಗ್  ಪೂರ್ಣಾಹುತಿ ಬೊಕ್ಕ ಮಧ್ಯಾಹ್ನ ಮಹಾನುಪ್ಪುಪ್ರಸಾದ ನಡಪರೆಗುಂಡ್.ಆನಿ ಬೈಯಗ್ ಜೋಕ್ಲೆನ ಯಕ್ಷಗಾನ ತರಬೇತಿ ಕೇಂದ್ರ ಸನ್ಯಾಸಿಮಠ ಮೊಕ್ಲೆಡ್ದ್ ಬಡಾನಿಡಿಯೂರು ಕೇಶವ ರಾವ್ ನಿರ್ದೇಶನದ “ಅಭಿಮನ್ಯು ಕಾಳಗ” ಯಕ್ಷಗಾನ ನಡಪರೆಗುಂಡ್.

15 ತಾರೀಕು ಶುಕ್ರವಾರ ವಿಜಯದಶಮಿದಾನಿ ಕಾಂಡೆ 6 ಗಂಟೆಗ್ ನವರಾತ್ರಿ ಸರ್ವ ಪೂಜೆ, ದುರ್ಗಾ ಸಪ್ತಶತಿ ಪಾರಾಯಣ,ರಂಗಪೂಜೆ,ದೀಪಾರಾಧನೆ,ಪೂತಪೂಜೆ ಬೊಕ್ಕ ರಾತ್ರೆಡ 8ಗಂಟೆಗ್ ಮಹಾಪೂಜೆ ನಡಪರೆಗುಂಡ್.
ಭಕ್ತಾಭಿಮಾನಿಲು ಮಾತೆರ್ಲಾ ದೇವಸ್ಥಾನೊಡ್ ಮಾರ್ಣಮಿ ಉಚ್ಚಯದ ಪ್ರಯುಕ್ತ ನಡಪರೆಗುಪ್ಪುನ ಮಾತಾಧಾರ್ಮಿಕ   ಕಜ್ಜೊಲೆಡ್ ಪಾಲ್ ಪಡೆದ್ ದೇವಿನ ಅನುಗ್ರಹ ಪಡೆತೊನೊಡ್ ಪಂಡುದ್ ದೇವಳದ ಆಡಳಿತ ಮುಕ್ತೇಸರೆರ್,ಆಡಳಿತ ಸಮಿತಿ,ಜೀರ್ಣೋದ್ದಾರ ಸಮಿತಿ,ಅರ್ಚಕ ವೃಂದ ಬೊಕ್ಕ ಮಾತೃಮಂಡಳಿದಕುಲು ಬಿನ್ನಪ ಮಲ್ತುದೆರ್.