ಶಿವಪಾಡಿ ಶ್ರೀ ಉಮಾಮಹೇಶ್ವರ ದೇವಸ್ಥಾನದ ಅತಿರುದ್ರ ಮಹಾಯಾಗಡ್ ನಿಸ್ವಾರ್ಥ ಸೇವೆ ಮಲ್ತೊಂದುಪ್ಪುನ ” ಸ್ವಚ್ಛಂ ಸಿಬ್ಬಂದಿಲು”…

ಶಿವಪಾಡಿ ಶ್ರೀ ಉಮಾಮಹೇಶ್ವರ ದೇವಸ್ಥಾನಡ್ ಫೆ.22 ಡ್ದ್ ನಡತೊಂದುಪ್ಪುನ ಅತಿರುದ್ರ ಮಹಾಯಾಗ ಧಾರ್ಮಿಕ ವಿಧಿವಿಧಾನದೊಟ್ಟುಗ್ ಬಾರೀ ಗೌಜಿಡ್ ನಡತೊಂದುಂಡ್.ಕಾಂಡೆ ಸುರವಾಯಿನ ಮಧ್ಯಾಹ್ನ ಮುಟ್ಟ ನಡತುದ್,ಕಾಂಡ ಉಪಾಹಾರ,ಮಧ್ಯಾಹ್ನ ಸಾರ್ವಜನಿಕ ಅನ್ನಸಂತರ್ಪಣೆ,ಬಯ್ಯಗ್ ಕುಡೊರ ಉಪಾಹಾರದ ವ್ಯವಸ್ಥೆ, ಬಯ್ಯಗ್ ಧಾರ್ಮಿಕ ಸಭಾಕಜ್ಜೊ,ಉಪನ್ಯಾಸ, ಸಾಂಸ್ಕೃತಿಕ ಕಜ್ಜೊಲ್ ನಿರಂತರವಾದ್ ನಡತೊಂದುಂಡ್. ಫೆ.22 ಡ್ದ್ ನಡತೊಂದುಪ್ಪುನ ಅತಿರುದ್ರ ಮಹಾಯಾಗಡ್ ದೇವಸ್ಥಾನ, ಯಾಗಮಂಟಪ,ಅನ್ನಛತ್ರ,ಸಭಾವೇದಿಕೆ, ದಲ್ಪ ತೂಯರಡ ಒಂಜೇ ಒಂಜೇ ಕಸಕಡ್ಡಿ ಉಪ್ಪಂದೆ ಸಂಪೂರ್ಣ ಸ್ವಚ್ಛಮಯವಾದುಂಡ್..ನಿರ್ಮವಾಯಿನ ವಾತಾವರಣ ಅಲ್ಪ ಉಪ್ಪೊಡಾಂಡ ಅಯಿಕ್ ಕಾರಣೀಭೂತೆರ್ ಸ್ವಚ್ಛಂ ಕ್ಲೀನಿಂಗ್ ಸೆಂಟರ್ ಉಡುಪಿದ ಸಿಬ್ಬಂದಿ ವರ್ಗ.. ಈ ಸಂಸ್ಥೆದ ಮಾಲಕೆರಾಯಿನ ಶ್ರೀ ತಾರಾನಾಥ ಪೂಜಾರಿ ಬಡಾನಿಡಿಯೂರು ಮೆರೆನ ಮುತಾಲಿಕೆಡ್ ಸುಮಾರ್ 50 ಜನತ್ತ ತಂಡ ಕಾಂಡೆಡ್ದ್ ರಾತ್ರೆಮುಟ್ಟ ಅಲ್ಪನೇ ಇತ್ತುದ್ ದೇವಸ್ಥಾನದ ವಠಾರೊನ್ ಸ್ವಚ್ಛ ಮಯವಾದ್ ದೀದ್ ಬರ್ಪಿನ ಭಕ್ತಾದಿಲೆಗ್ ಒವ್ವೇ ರೀತಿದ ತೊಂದರೆ ಆವಂದಿಲೆಕ್ಕ ಬೇಲೆ ಮಲ್ತೊಂದುಲ್ಲೆರ್.ಮೊಕುಲೆನ ನಿಸ್ವಾರ್ಥ ಸೇವೆನ್ ನಿಜವಾದುಲಾ ಮೆಚ್ಚೊಡಾಯಿನವ್ವೇ..