ಉಚ್ಚಿಲ ಶ್ರೀ ಮಹಾಲಕ್ಷ್ಮಿ ದೇವಸ್ಥಾನದ ಸಮಗ್ರ ಜೀರ್ಣದ್ದಾರ ಪ್ರಯುಕ್ತ ಶ್ರೀ ಮಹಾಲಕ್ಷ್ಮಿ ಸ್ವರ್ಣ ಕಲಶ ನಿರ್ಮಾಣ ಸಮಿತಿದ ವತಿಡ್ದ್ ಸ್ವರ್ಣ ಕಲಶ ರಶೀದಿ ಪುಸ್ತಕ ಬುಡುಗಡೆ ಸಮಾರಂಭ ಉಚ್ಚಿಲೊಡ್ ನಡತುಂಡ್.
ಸಮಾರಂಭೊನ್ ಉದಿಪನ ಮಲ್ತುದ್ ಪಾತೆರಿನ ನಾಡೋಜ ಜಿ ಶಂಕರ್ ಮೇರು ಅಪ್ಪೆ ಮಹಾಲಕ್ಷ್ಮಿ ಗ್ ಬಂಗಾರ್ ಪಂಡ ಮಸ್ತ್ ಪ್ರಿಯವಾಯಿನವ್ವ್., ಅಂಚಾದ್ ದೇವಿನ ದೇವಸ್ಥಾನೊಡ್ ಒಂಜಿ ಕೋಟಿ ರೂಪಾಯಿ ಮೌಲ್ಯದ ಚಿನ್ನಾಭರಣೊಲೆನ ನಿಧಿ ಕುಂಭ ಸ್ಥಾಪನೆ ಆದಿತ್ತುದ್ , ನನ ಐನ್ ಕಿಲೋ ತೂಕದ ಬಂಗಾರ್ದ ಮುಗುಳಿನ್ ದೇವಸ್ಥಾನ ದ ಶಿಖರೊಡ್ ಸ್ಥಾಪನೆ ಮಲ್ಪುಂಡ್. ಅಪ್ಪೆ ಮಹಾಲಕ್ಷ್ಮಿ ಗ್ ಮಾತಾ ಭಕ್ತೆರು ತಂಕುಲೆಡ ಕೈಟಾಪಿನ ಬಂಗಾರುನ್ ಅರ್ಪಣೆ ಮಲ್ಪುನ ಮುಖೇನ ಮಹಾಲಕ್ಷ್ಮಿನ ಕೃಪೆಕ್ ಪಾತ್ರರಾವೊಡ್ , ಆ ಮುಖೇನ ಮಾತೆರೆನ ಬದುಕುನ್ ಅಪ್ಪೆ ಬಂಗಾರ ಮಲ್ಪಡ್ ಪಂಡೆರ್.
ಈ ಪೊರ್ತುಡ್ ದಕ್ಷಿಣ ಕನ್ನಡ ಮೊಗವೀರ ಮಹಾಜನ ಸಂಘದ ಅಧ್ಯಕ್ಷರಾಯಿನ ಜಯ ಸಿ ಕೋಟ್ಯಾನ್, ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷರಾಯಿನ ಗುಂಡು ಬಿ ಅಮೀನ್ ಕ್ಷೇತ್ರದ ಸಮಿತಿ ಅಧ್ಯಕ್ಷರಾಯಿನ ವಾಸುದೇವ ಸಾಲಿಯಾನ್ ಅರ್ಚಕೆರಾಯಿನ ರಾಘವೇಂದ್ರ ಉಪಾಧ್ಯ, ಸುವರ್ಣ ಕಲಶ ಸಮಿತಿ ಅಧ್ಯಕ್ಷರಾಯಿನ ಮನೋಜ್ ಉಳ್ಳಾಲ ಬೊಕ್ಕ ಸಮಿತಿದ ಪದಾಧಿಕಾರಿಲು ಉಪಸ್ಥಿತರಿತ್ತೆರ್.
ಸುವರ್ಣ ಕಲಶ ಸಮಿತಿದ ಅಧ್ಯಕ್ಷೆರಾಯಿನ ಮನೋಜ್ ಉಳ್ಳಾಲ್ ಪ್ರಾಸ್ತಾವಿಕ ಪಾತೆರಿಯೆರ್.ಮೊಗವೀರ ಸಂಘಟನೆದ ಉಡುಪಿ ಜಿಲ್ಲಾಧ್ಯಕ್ಷೆರಾಯಿನ ಶಿವರಾಮ ಕೋಟ ಕಾರ್ಯಕ್ರಮ ನಿರೂಪಣೆ ಮಲ್ತೆರ್.ಸ್ವರ್ಣ ಕಲಶ ಸಮಿತಿದ ನಾಲು ವಲಯದ ಅಧ್ಯಕ್ಷೆರ್, ಕಾರ್ಯದರ್ಶಿ ವೇದಿಕೆಡ್ ಉಪಸ್ಥಿತರಿತ್ತೆರ್.5 ವಲಯದ ಪದಾಧಿಕಾರಿಲೆಗ್ ರಶೀದಿ ಪುಸ್ತಕ ಕೊರ್ದ್ ಅಕಲೆಗ್ ಸ್ವರ್ಣ ಕಲಶೊದ ಜವಾಬ್ದಾರಿ ಕೊರಿಯೆರ್.
by 