ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಉಡುಪಿ ನಗರ ವತಿಡ್ದ್ ರಡ್ಡನೇ ವರ್ಷ ನಡತೊಂದುಪ್ಪುನ ಮಿಷನ್ ಸಾಹಸಿ ಕಾರ್ಯಕ್ರಮದ ಉದ್ಘಾಟನೆ ಮಂಗಳವಾರ ಸರ್ಕಾರಿ ಸಂಯುಕ್ತ ಪ್ರೌಢ ಶಾಲೆ ವಳಕಾಡುಡ್ ನಡತುಂಡ್. ಈ ಕಾರ್ಯಕ್ರಮ ಒಂಜಿ ವಾರ ಕಾಲ ನಡಪರೆಗಿತ್ತುದ್ ಮಹಿಳಾ ಕಾಲೇಜು, ತೆಂಕನಿಡಿಯೂರು, ವಿಬಿಸಿಎಲ್, ಎಂಜಿಎಂ ಕಾಲೇಜಿದ ಒಂಜಿ ಸಾವಿರಗುಲಾ ಜಾಸ್ತಿ ವಿದ್ಯಾರ್ಥಿನಿಯರೆಗ್ ತರಬೇತಿ ಕೊರ್ಪಿನ ಗುರಿನ್ ದೀಯೊಂದುಂಡ್.
ವಿದ್ಯಾರ್ಥಿನಿಯೆರೆನ ಸ್ವ ರಕ್ಷಣಾ ಪ್ರಶಿಕ್ಷಣಕ್ಕಾದ್ 2015ಕ್ ಪ್ರಾರಂಭವಾಯಿನ ಈ ಕಾರ್ಯಕ್ರಮ ಇನಿ ದೇಶಾದ್ಯಂತ ಒಂಜಿ ಅಭಿಯನವಾದುಂಡ್ ಪಂಡುದು ಎಬಿವಿಪಿದ ಕರ್ನಾಟಕ ದಕ್ಷಿಣ ಪ್ರಾಂತ ಸಂಘಟನಾ ಕಾರ್ಯದರ್ಶಿಲಾಯಿನ ಬಸವೇಶ್ ಕೋರಿ ತೆರಿಪಾಯೆರು. ಕಾರ್ಯಕ್ರಮದ ಅಧ್ಯಕ್ಷತೆಡಿತ್ತಿನ ಶಾಲಾ ಕಾರ್ಯಕಾರಿ ಸಮಿತಿ ಅಧ್ಯಕ್ಷರಾಯಿನ ಶಾಮ್ ಪ್ರಸಾದ್ ಕುಡ್ವ ಮೇರು ಎಬಿವಿಪಿದ ಇಂಚಿನ ರಚನಾತ್ಮಕ ಕಾರ್ಯಕ್ರಮಲೆಡ್ ಮಹಿಳೆಯೆರು ಸ್ವಾವಲಂಬಿಯಾದ್ ಬದುಕರೆಗ್ ಪ್ರೇರೇಪಣೆ ಆಪುಂಡ್ ಪಂಡೆರು. ಶಾಲಾ ಮುಖ್ಯೋಾಧ್ಯಾಯಿನಿಯಾಯಿನ ಸಂಧ್ಯಾ ಸ್ವಾಗತ ಮಲ್ತುದ್ ಎಬಿವಿಪಿ ನಗರ ವಿದ್ಯಾರ್ಥಿನಿ ಪ್ರಮುಖ ಸಂಹಿತ ಶಾಸ್ತ್ರಿ ಸೊಲ್ಮೆ ಸಂದಾಯ್ತ ಮಲ್ತೆರು ಫೀನಿಕ್ಸ್ ಅಕಾಡೆಮಿದ ಸಂಸ್ಥಾಪಕರಾಯಿನ ಶಿಹಾನ್ ಕೀರ್ತಿ ಜಿ ಕ್ಲಾಸ್ ಮಲ್ತೆರು. ನಗರ ಸಹ-ಕಾರ್ಯದರ್ಶಿಯಾಯಿನ ಭಾವನಾ ನಿರೂಪಣೆ ಮಲ್ತೆರು.
ಕಾರ್ಯಕ್ರಮಡ್ ಕರಾಟೆ ತರಬೇತುದಾರ ಲಕ್ಷ್ಮಿಕಾಂತ್, ಎಬಿವಿಪಿದ ವಿಭಾಗ ಸಂಚಾಲಕರಾಯಿನ ನಿಷಾನ್ ಆಳ್ವ, ಜಿಲ್ಲಾ ಸಂಚಾಲಕರಾಯಿನ ಗಣೇಶ್ ಪೂಜಾರಿ, ತಾಲೂಕು ಸಂಚಾಲಕರಾಯಿನ ಅಜಿತ್ ಜೋಗಿ, ನಗರ ಕಾರ್ಯದರ್ಶಿಯಾಯಿನ ಶ್ರೀವತ್ಸ ಬೊಕ್ಕ ಪ್ರಮುಖೆರಾಯಿನ ನವೀನ್, ಕಾರ್ತಿಕ್, ಶಿಶಿರ್, ಅನಂತ್, ಅನೂಪ್, ಮಾಣಿಕ್ಯ ಇತ್ತೆರು.
by 