ತುಲುಟ್ ಪರೀಕ್ಷೆ ಬರೆಯಿನ ಉಡುಪಿದ 17 ಜೋಕುಲು ಪಾಸ್..

ಕರಿನ ಎಪ್ರಿಲ್ ತಿಂಗಳೊಡ್ ನಡತಿನ ಈ ಸಾಲುದ ಎಸ್ ಎಸ್ ಎಲ್ ಸಿ ಪಬ್ಲಿಕ್ ಪರೀಕ್ಷೆಡ್ ಉಡುಪಿ ಬಾಲಕಿಯರ ಪ ಪೂ ಕಾಲೇಜಿದ ಪ್ರೌಢಶಾಲಾ ವಿಭಾಗ ಶೇಕಡ 95.44 % ಫಲಿತಾಂಶ ದಾಖಲಿಸಿದುಂಡ್.ಪರೀಕ್ಷೆ ಬರೆಯಿನ 109 ಪೊಣ್ಣುಲೆಡ್ 104 ಜೋಕುಲು ಉತ್ತೀರ್ಣರಾದಿತ್ತುದ್ 28 ಜೋಕುಲು ವಿಶಿಷ್ಟ ಶ್ರೇಣಿ ಬೊಕ್ಕ 68 ಜೋಕುಲು ಸುರುತ್ತ ಶ್ರೇಣಿಡ್ ಪಾಸಾತೆರ್. ಸಂಸ್ಥೆದ ಕು ಮೇಘನಾ (605) ಸುರುತ್ತ , ಕು ಸಿಂಚನ (596) ರಡ್ಡನೇ ಬೊಕ್ಕ ಕು ದೀಪ್ರಿ (595) ಮೂಜನೇ ಸ್ಥಾನದೊಟ್ಟುಗ್ ಸಂಸ್ಥೆಗ್ ಕೀರ್ತಿ ಕನದೆರ್.
ಈ ಬಾರಿ ಮೂಜನೇ ಬಾಸೆ ತುಳು ವಿಷಯೊನ್ ದೆತೊಂದ್ ಪರೀಕ್ಷೆ ಬರೆಯಿನ 17 ಬಾಲಕಿಯರೆಡ್ ಮಾತೆರ್ಲಾ ಉತ್ತೀರ್ಣರಾದಿತ್ತುದ್, 12ಜೋಕುಲು 100 ಗ್ 100 ಅಂಕೊ (ಪೂರ್ಣ ಅಂಕ) ಪಡೆದೆರ್ .ನಮ್ಮ ಸಂಸ್ಥೆದ 86.61% ಅಂಕದೊಟ್ಟುಗ್ ಗುಣಾತ್ಮಕ ಫಲಿತಾಂಶಕ್ಕಾದ್ A ಗ್ರೇಡ್ ಪಡೆತೊಂದುಂಡ್.

ತುಲುಟ್ ಪರೀಕ್ಷೆ ಬರೆದ್ ಪಾಸಾಯಿನ ಮಾತಾ ವಿದ್ಯಾರ್ಥಿಲೆಗ್ ಉಡುಪಿ ತುಳುಕೂಟ ಅಭಿನಂದನೆ ತೆರಿಪಾದುಂಡ್. ಸುಚಿತ್ರಾ ಮೇರ್ ತುಳುಟ್ ಕಲ್ಪುನ ಜೋಕುಲೆಗ್ (ಕಲ್ಪಾದಿ) ಟೀಚರ್ ಆದಿತ್ತುದ್,ಇಂದಿರಾ ಬಿ.ಮೇರ್ ಶಾಲೆದ ಮುಖ್ಯಸ್ಥೆರಾದ್ ತುಳುಟ್ ಕಲ್ಪುನ ಜೋಕ್ಲೆಗ್ ಎಡ್ಡೆ ಪ್ರೋತ್ಸಾಹ ಕೊರ್ತೆರ್. ಶಾಲೆಡ್ ಕರಿನ ಸಾಲುಡ್ ಮುಖ್ಯ ಶಿಕ್ಷಕೆರಾದಿತ್ತುದ್,ಇತ್ತೆ ನಿವ್ರತ್ತಿ ಪಡೆಯಿನ ವಿಶ್ವನಾಥ ಬಾಯರಿ ಮೇರ್ ಶಾಲೆಜೋಕುಲೆಗ್ ತುಲುಟ್ ಕಲ್ಪರೆಗ್ ಪ್ರೋತ್ಸಾಹ ಕೊರೊಂದುಲ್ಲೆರ್..ಈ ನಿಟ್ಟುಡ್ ಕರಿನ ಕೆಲವ್ ವರ್ಷೊಡಿಂಚಿ ತುಲುಬಾಸೆನ್ ಕಲ್ಪಾದ್ ಜೋಕುಲೆನ್ ತುಳುತ್ತ ಅಭಿವೃದ್ಧಿ ಗ್ ತಯಾರ್ ಮಲ್ತೊಂದುಪ್ಪುನ ಉಡುಪಿ ಬಾಲಕಿಯರ ಕಾಲೇಜ್ ತುಳುನಾಡುಗೇ ಪೆರ್ಮೆದ ಕಾಲೇಜ್ ಪನರೆಗ್ ಕುಷಿಯಾಪುಂಡ್.