ಎಮ್ ಜಿ ಎಮ್ ಅಮ್ರತಮಹೋತ್ಸವ.

ಎಂಜಿಎಂ ಕಾಲೇಜಿದ ಅಮೃತ ಮಹೋತ್ಸವ ಸಮಾರಂಭ

ನವೆಂಬರ್ 29, 30 ಮತ್ತು ಡಿಸೆಂಬರ್ 1, 2024 ತಾರೀಕುಗ್  ನಡಪರೆಗುಂಡ್, ಎಂಜಿಎಂ ಕಾಲೇಜಿದ ಮುದ್ದಣ ಮಂಟಪಡ್ ಅಮೃತ ಮಹೋತ್ಸವ ಸಮಾರಂಭ..

ಮಹಾತ್ಮ ಗಾಂಧಿ ಮೆಮೋರಿಯಲ್ ಕಾಲೇಜಿದ  ಅಮೃತ ಮಹೋತ್ಸವ ಸಮಾರಂಭ ನವೆಂಬರ್ 29, 30 ಬೊಕ್ಕ ಡಿಸೆಂಬರ್ 1 ಗ್  ಕಾಲೇಜಿಡ್ ನಡಪರೆಗುಂಡ್. 1949ಡ್ ಡಾ.ಟಿ.ಎಂ.ಎ.ಪೈ ಮೆರೆನ  ಕನಸಾದ್   ಆರಂಭವಾಯಿನ ಉಡುಪಿಯ ಸುರುತ್ತ  ಕಾಲೇಜಾಯಿನ ಎಂಜಿಎಂ ಕಾಲೇಜು ಇನಿ  ಎಲ್ಪತ್ತ ಐನ್  ವರ್ಷಲೆನ್  ಮುಗಿತುದುಂಡ್. ಉಡುಪಿದ  ಗಾಂಧಿ ಮೈನ್ ಶಾಲೆಡ್  ಆರಂಭವಾಯಿನ  ಈ ಕಾಲೇಜು ಮರುವರ್ಷನೇ ಇತ್ತೆದ  ಸುಂದರ ಕ್ಯಾಂಪಸ್ಸುಗ್  ಸ್ಥಳಾಂತರ ಆದ್  ತನ್ನ ಗುಣಮಟ್ಟದ ವಿದ್ಯಾಭ್ಯಾಸ ಬೊಕ್ಕ ಸಾಂಸ್ಕೃತಿಕ ಪರಂಪರೆಡಾದ್ ಜನಮನ ಗೆಂದುದುಂಡ್.

ಅಮೃತ ಮಹೋತ್ಸವದ ಕಾರ್ಯಕ್ರಮೊಲು  ಮೂಜಿ  ದಿನ ನಡಪರೆಗಿತ್ತುದ್,  29-11-2024 ಕಾಂಡೆ 9 ಗಂಟೆಗ್  ಶ್ರೀ ಟಿ. ಮೋಹನದಾಸ ಪೈ ಮೆಮೋರಿಯಲ್ ‘ಅಮೃತ ಸೌಧ’ದ ಉದ್ಘಾಟನೆ  ಎಂ.ಜಿ.ಎಂ. ಕಾಲೇಜು ಟ್ರಸ್ಟ್‌ ದ ಅಧ್ಯಕ್ಷೆರಾಯಿನ  ಟಿ. ಸತೀಶ್ ಯು ಪೈ. ಮೆರೆಡ್ದ್  ನಡಪರೆಗುಂಡ್. ಶ್ರೀ ಕೃಷ್ಣಾಪುರ ಮಠದ ಶ್ರೀ ಶ್ರೀ ವಿದ್ಯಾಸಾಗರ ತೀರ್ಥ ಸ್ವಾಮೀಜಿಗಳ ದಿವ್ಯ ಉಪಸ್ಥಿತಿಡ್ ಉದ್ಘಾಟನೆ  ಆಪುಂಡ್. ಕಾಂಡೆ  9.30ಕ್  ವಸ್ತು ಪ್ರದರ್ಶನದ ಉದ್ಘಾಟನೆನ್  ಮಾನ್ಯ ಜಿಲ್ಲಾಧಿಕಾರಿಲಾಯಿನ ಡಾ. ಕೆ. ವಿದ್ಯಾಕುಮಾರಿ ಮಲ್ಪರೆಗುಲ್ಲೆರ್. ಈ ವಸ್ತುಪ್ರದರ್ಶನ  ಮೂಜಿ  ದಿನ  ನಡಪರೆಗುಂಡ್ ಬೊಕ್ಕ  ನಡಪರೆಗುಪ್ಪುನ  ಸಭಾ ಕಾರ್ಯಕ್ರಮಡ್  ಎಂ.ಜಿ.ಎಂ. ಕಾಲೇಜು ಟ್ರಸ್ಟ್‌ ದ ಅಧ್ಯಕ್ಷರಾಯಿನ  ಟಿ. ಸತೀಶ್ ಯು ಪೈ. ಅಧ್ಯಕ್ಷತೆಡಿತ್ತುದ್, ಕೃಷ್ಣಾಪುರ ಮಠದ ಶ್ರೀ ಶ್ರೀ ವಿದ್ಯಾಸಾಗರ ತೀರ್ಥ ಸ್ವಾಮೀಜಿಲು  ಆಶೀರ್ವಚನ ಕೊರ್ದು ಅಂಚೆ ಲಕೋಟೆ ಬುಡುಗಡೆ ಮಲ್ಪುವೆರ್. ಶಾಸಕೆರಾಯಿನ ಯಶ್ಚಾಲ್ ಸುವರ್ಣ, ಮಣಿಪಾಲ ಎಜಿಇಯ ರಿಜಿಸ್ಟ್ರಾರ್ ರಂಜನ್ ಆರ್.ಪೈ, ಟಿಎಂಎ ಪೈ ಫೌಂಡೇಶನ್‌ ಅಧ್ಯಕ್ಷರಾಯಿನ ಅಶೋಕ್ ಪೈ, ಎಂಜಿಎಂ ಕಾಲೇಜಿದ  ಟ್ರಸ್ಟಿ ವಸಂತಿ ಆರ್ ಪೈ, ಮಾಹೆ ಮಣಿಪಾಲದ ಸಹಕುಲಾಧಿಪತಿ ಬೊಕ್ಕ ಎಜಿಇ ಮಣಿಪಾಲದ ಅಧ್ಯಕ್ಷ ಡಾ.ಎಚ್‌ಎಸ್.ಬಲ್ಲಾಳ್, ಮಾಹೆದ  ಸಹ ಉಪಕುಲಪತಿ ಡಾ.ನಾರಾಯಣ ಸಭಾಹಿತ್, ಬೆಂಗಳೂರು ಉತ್ತರ ವಿವಿ.ದ  ಉಪಕುಲಪತಿ ಡಾ.ನಿರಂಜನ ವಾನಳ್ಳಿ ಮುಖ್ಯ ಅತಿಥಿಲಾದ್ ಬರ್ಪೆರ್. ಮಧ್ಯಾಹ್ನ 12 ಗಂಟೆಗ್  ಆಡಳಿತ ಮಂಡಳಿದ  ಸದಸ್ಯರೆಗ್ ಗೌರವಾರ್ಪಣೆ ಬೊಕ್ಕ  2 ಗಂಟೆಗ್  ವಿಶ್ರಾಂತ ಪ್ರಾಂಶುಪಾಲೆರು, ಬೋಧಕ ಬೊಕ್ಕ ಬೋಧಕೇತರ ಸಿಬ್ಬಂದಿಲೆಗ್  ಗೌರವಾರ್ಪಣೆ ನಡಪರೆಗುಂಡ್. ಮಧ್ಯಾಹ್ನ 3 ಗಂಟೆಡ್ದ್  ವಿದ್ಯಾರ್ಥಿಲೆನ  ಸಾಂಸ್ಕೃತಿಕ ಕಾರ್ಯಕ್ರಮ ಬೊಕ್ಕ 5.30 ಡ್ದ್  ಇಂದ್ರಾಳಿ ಯಕ್ಷಗಾನ ಕೇಂದ್ರದ ವತಿಡ್ದ್  ‘ವೀರ ವೃಷಸೇನ ಕಾಳಗ’ ಯಕ್ಷಗಾನ ಪ್ರದರ್ಶನ ನಡಪರೆಗುಂಡ್.

30-11-2024ಗ್  ಕಾರ್ಯಕ್ರಮದ ರಡ್ಡನೇ ದಿನ ಕಾಂಡೆ ಶೋಭಾಯಾತ್ರೆ ನಡಪರೆಗಿತ್ತುದ್, ಕಾಂಡೆ 8:15ಗ್ ಪರ್ಯಾಯ ಪುತ್ತಿಗೆ ಮಠದ ಶ್ರೀ ಶ್ರೀ ಸುಗುಣೇಂದ್ರ ತೀರ್ಥ ಸ್ವಾಮೀಜಿಲು  ಜ್ಯೋತಿ ಹಸ್ತಾಂತರ ಮಲ್ಪರೆಗಿತ್ತುದ್, 9 ಗಂಟೆಗ್  ಗಾಂಧಿ ಮೈನ್ ಸ್ಕೂಲ್ ಡ್ದ್ ಡಾ.ರಂಜನ್ ಆರ್.ಪೈ ಮೇರು ಶೋಭಾಯಾತ್ರಗ್  ವಿಧ್ಯುಕ್ತ ಚಾಲನೆ ಕೊರ್ಪೆರ್. ಈ ಶೋಭಾಯಾತ್ರೆ  ಎಂಜಿಎಂ ಕಾಲೇಜ್ ಮುಟ್ಟ  ಸಾಗುದ್  ಬರ್ಪುಂಡ್. ಕಾಂಡೆ  11.30ಕ್  ‘ಎಂಜಿಎಂ ನೆನಪು’ ಕಾರ್ಯಕ್ರಮ ನಡಪರೆಗಿತ್ತುದ್, ಕಾಲೇಜಿದ  ವಿಶ್ರಾಂತ ಪ್ರಾಂಶುಪಾಲ ಪ್ರೊ.ಎಂ.ಎಲ್.ಸಾಮಗ ಬೊಕ್ಕ  ಸಿಎ ಗುಜ್ಜಾಡಿ ಪ್ರಭಾಕರ ನಾಯಕ್ ಕಾಲೇಜಿದ  ನೆನಪುಲೆನ್  ನೆಂಪು ಮಲ್ಪುವೆರ್. ಮಧ್ಯಾಹ್ನ 12.30 ಡ್ದ್  ಎಂಜಿಎಂ ಕಾಲೇಜು ನಡತ್  ಬತ್ತಿನ ಸಾದಿದ  ಬಬಗೆಟ್  ಸಾಕ್ಷ್ಯಚಿತ್ರ ಪ್ರದರ್ಶನ ನಡಪರೆಗಿತ್ತುದ್, ಮಧ್ಯಾಹ್ನ 1.30ಡ್ದ್  ವಿದ್ಯಾರ್ಥಿಲೆನ ಸಾಂಸ್ಕೃತಿಕ ಕಾರ್ಯಕ್ರಮ ಬೊಕ್ಕ 5.30ಡ್ದ್  ಮುಂಬೈದ ‘ಊರ್ಜಾ’ ವಾದ್ಯವೃಂದಡ್ದ್  ವಾದ್ಯಮೇಳ ನಡಪರೆಗುಂಡ್.

01-12-2024ಗ್  ಮೂಜ ನೇ ದಿನ ಕಾಂಡೆ  9.30ಡ್ದ್  11ಮುಟ್ಟ ವಿದ್ಯಾರ್ಥಿಲೆಡ್ದ್  ಸಾಂಸ್ಕೃತಿಕ ಕಾರ್ಯಕ್ರಮ, 11 ಗಂಟೆಗ್  ಹಳೆವಿದ್ಯಾರ್ಥಿಲೆನ  ಕಾರ್ಯಕ್ರಮ ನಡಪರೆಗಿತ್ತುದ್, ನೀತಿ ಆಯೋಗದ ಸದಸ್ಯ ಬೊಕ್ಕ ಹೈದರಾಬಾದ್ ಪವರ್ ಫೈನಾನ್ಸ್ ಕಾರ್ಪೊರೇಷನ್‌ ದ ಸಹಪ್ರಾಧ್ಯಾಪಕ ಪ್ರೊ.ಪ್ರಸನ್ನ ತಂತ್ರಿ ಮುಖ್ಯ ಅತಿಥಿಯಾದುಪ್ಪುವೆರ್. ಮಧ್ಯಾಹ್ನ 12.30ಡ್ದ್ ವಿದ್ಯಾರ್ಥಿಲೆಡ್ದ್  ಸಾಂಸ್ಕೃತಿಕ ಕಾರ್ಯಕ್ರಮ ಬೊಕ್ಕ 2.30ಡ್ದ್  ಅಧ್ಯಾಪಕರೆಡ್ದ್  ಸಾಂಸ್ಕೃತಿಕ ಕಾರ್ಯಕ್ರಮ ನಡಪರೆಗುಂಡ್. 3.30ಡ್ದ್  ಸಮಾರೋಪ ಸಮಾರಂಭ ನಡಪರೆಗಿತ್ತುದ್  ಶ್ರೀ ಪೇಜಾವರ ಅಧೋಕ್ಷಜ ಮಠದ ಶ್ರೀ ಶ್ರೀ ವಿಶ್ವಪ್ರಸನ್ನತೀರ್ಥ ಸ್ವಾಮೀಜಿಲೆನ  ದಿವ್ಯ ಉಪಸ್ಥಿತಿ ಇಪ್ಪುಂಡ್.ಎಂ.ಜಿ.ಎಂ. ಕಾಲೇಜು ಟ್ರಸ್ಟ್‌ ದ  ಅಧ್ಯಕ್ಷೆರಾಯಿನ ಟಿ. ಸತೀಶ್ ಯು ಪೈ. ಅಧ್ಯಕ್ಷತೆಡಿತ್ತುದ್, ಮುಖ್ಯ ಅತಿಥಿಲಾದ್  ಕರ್ನಾಟಕ ಸರಕಾರದ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಸಚಿವೆ ಲಕ್ಷ್ಮೀ ಹೆಬ್ಬಾಳ್ಳರ್, ಲೋಕಸಭಾ ಸದಸ್ಯ ಕೋಟ ಶ್ರೀನಿವಾಸ ಪೂಜಾರಿ, ಶಾಸಕ ಯಶ್‌ಪಾಲ್ ಸುವರ್ಣ, ಮಂಗಳೂರು ವಿ.ವಿ. ಉಪಕುಲಪತಿ ಪ್ರೊ. ಪಿ.ಎಲ್.ಧರ್ಮ, ಪ್ರಾದೇಶಿಕ ಶಿಕ್ಷಣ ಇಲಾಖೆದ  ಜಂಟಿ ನಿರ್ದೇಶಕ ಪ್ರೊ.ರಾಮೇಗೌಡ, ಉಡುಪಿದ  ಡಿಡಿಪಿಯು ಮಾರುತಿ ಮುಖ್ಯ ಅತಿಥಿಲಾದ್ ಪಾಲ್ ಪಡೆವೆರ್. ಬಯ್ಯಗ್  5.30 ಡ್ದ್  ಶ್ರೀ ವಿದ್ಯಾಭೂಷಣ, ಬೆಂಗಳೂರು ಬೊಕ್ಕ ಕುಮಾರಿ ಮೇಧಾ ಹಿರಣ್ಯಯಿ, ಬೆಂಗಳೂರು ಮೊಕ್ಲೆಡ್ದ್  ಸಂಗೀತ ಕಾರ್ಯಕ್ರಮ ನಡಪುಂಡ್.