ಪುದೆಕಾಣಿಕೆ

ಮುಲ್ಕಿ ಸೀಮೆರ್ದ್ ಕಾಪುದಪ್ಪೆನ ನಡೆಕ್ಕ್  ಪುದೆ ಕಾಣಿಕೆ ಮೆರವಣಿಗೆ

ಮುಲ್ಕಿ : ಮುಲ್ಕಿ ಸೀಮೆದ ಒರ್ಂಬ ಮಾಗಣೆದ ವತಿರ್ದ್ ಕಾಪುದ ಪೊಸ ಮಾರಿಗುಡಿತ್ತ ಬ್ರಹ್ಮಕಲಶೋತ್ಸವಗ್  ಪುದೆ ಕಾಣಿಕೆ ಮೆರವಣಿಗೆಗ್ ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನಡ್ ಶನಿವಾರ (ಫೆ.22) ಚಾಲನೆ ಕೊರಿಯೆರ್.
ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರಿ ದೇವಿನ ನಡುಟ್ಟು ಕ್ಷೇತ್ರದ ಪ್ರಧಾನ ಅರ್ಚಕೆರಾಯಿನ ಶ್ರೀಪತಿ ಭಟ್ ಪ್ರಾರ್ಥನೆ ಮಲ್ತೆರ್. ಸುಳ್ಯರ್ದ್ ಮುಲ್ಕಿ ಸೀಮೆ ಮುಟ್ಟದ “ದಕ್ಷಿಣವಾಹಿನಿ” ಹಸಿರುವಾಣಿಹೊರೆ ಕಾಣಿಕೆ ಮೆರವಣಿಗೆ ದೇವಿನ ಅನುಗ್ರಹೊಡು ದಾಲ ವಿಘ್ನ ದಾಂತೆ ಕಾಪುದಪ್ಪೆನ ನಡೆಕ್ಕ್ ಸೇರೊಡು ಪಂದ್ ಪ್ರಾರ್ಥನೆ ಮಲ್ತೆರ್.
ಮಾಣಿಲ ಶ್ರೀಧಾಮದ ಶ್ರೀ ಮೋಹನದಾಸ ಸ್ವಾಮೀಜಿ ಮೆರವಣಿಗೆಗ್ ಚಾಲನೆ ಕೊರಿಯೆರ್. ಈ ಪೊರ್ತುಡು ಮುಲ್ಕಿ ಸೀಮೆದ ಅರಸೆರ್ ದುಗ್ಗಣ್ಣ ಸಾವಂತೆರ್, ಬಪ್ಪನಾಡ್ ದೇವಸ್ಥಾನದ ಆಡಳಿತ ಮೊಕ್ತೇಸರೆರ್ ಮನೋಹರ ಶೆಟ್ಟಿ, ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಮಿಥುನ್ ರೈ, ಜಾಗತಿಕ ಬಂಟರ ಸಂಘಗಳ ಒಕ್ಕೂಟ ದ ಗುರ್ಕಾರೆ ಐಕಳ ಹರೀಶ್ ಶೆಟ್ಟಿ, ಪ್ರಧಾನ ಕಾರ್ಯಂತೆರ್ ಇಂದ್ರಾಳಿ ಜಯಕರ ಶೆಟ್ಟಿ, ಚಂದ್ರಹಾಸ ಶೆಟ್ಟಿ, ತೋಕೂರು ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಗುರುರಾಜ್ ಪೂಜಾರಿ, ಮುಲ್ಕಿ ನಾಲ್ ಪಟ್ಣ ಮೊಗವೀರ ಸಭಾದ ಅಧ್ಯಕ್ಷೆರ್ ಸುಜಿತ್ ಸಾಲ್ಯಾನ್, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಮಾಜಿ ಅಧ್ಯಕ್ಷೆರ್ ದಯಾನಂದ ಕತ್ತಲ್ ಸಾರ್, ಬಪ್ಪನಾಡು ಕ್ಷೇತ್ರದ ಅರ್ಚಕೆರ್ ಬಾಲಕೃಷ್ಣ ಭಟ್, ಮ್ಯಾನೇಜರ್ ಶಿವಶಂಕರ್, ಸುನಿಲ್ ಆಳ್ವ, ಕಾರ್ತಿಕ್ ಕೊಳಚಿಕಂಬಳ, ಚಿತ್ತರಂಜನ್ ಭಂಡಾರಿ ಐಕಳ, ಕುಶಲ್ ಭಂಡಾರಿ, ದಿವಾಕರ ಸಾಮಾನಿ ಚೇಳಾಯಿರುಗುತ್ತು, ಪ್ರಕಾಶ್ ಶೆಟ್ಟಿ ಪಂಜ ನಲ್ಯಗುತ್ತು, ವಿನೋದ್ ಸಾಲ್ಯಾನ್, ಧರ್ಮಾನಂದ ಶೆಟ್ಟಿಗಾರ್, ಮಹಿಮ್ ಹೆಗ್ಡೆ ಮೊಕುಲು ಮಾತ ಇತ್ತೆರ್.
ಉಳ್ಳಾಲದ‌ ಮುಸ್ಲಿಂ ಬಾಂಧವೆರ್ ಲ ಹೊರೆ ಕಾಣಿಕೆ ಕಡಪುಡ್ದು ಕೊರ್ತಿನವು ವಿಶೇಷವಾದಿತ್ತ್ಂಡ್.