ಶರವು ಶ್ರೀ ಮಹಾಗಣಪತಿ ದೇವಸ್ಥಾನಡ್ ಕಾಪು ಪೊಸ ಮಾರಿಗುಡಿ ಬ್ರಹ್ಮಕಲಶ ಉಚ್ಚಯದ ಹೊರೆ ಕಾಣಿಕೆ ಸಂಗ್ರಹಣೆ ಕಚೇರಿ ಉದಿಪನ

ಕುಡ್ಲ : ಶರವು ಶ್ರೀ ಮಹಾಗಣಪತಿ ದೇವಸ್ಥಾನಡ್ ಕಾಪು ಶ್ರೀ ಹೊಸ ಮಾರಿಗುಡಿ ದೇವಸ್ಥಾನದ ಹೊರೆ ಕಾಣಿಕೆ ಒಟ್ಟು ಮಲ್ಪುನ ನಿಲೆಟ್ಟ್ ಕಚೇರಿ ಉದಿಪನದ ಲೇಸ್ ಗುರುವಾರ ನಡತ್ಂಡ್. ಶರವು ಶ್ರೀ ಕ್ಷೇತ್ರದ ಆಡಳಿತ ಮೊಕ್ತೇಸರೆರ್ ರಾಘವೇಂದ್ರ ಶಾಸ್ತ್ರಿಲು ಉದಿಪನ ಮಲ್ತ್ ದ್, ದೇವೆರ್ನ ಕೆಲಸೊಡು ಮಾತೆರ್ಲ ಪಾಲ್ ಪಡೆದ್ ಶ್ರೀ ಮಾರಿಯಮ್ಮನ ಅನುಗ್ರಹ ದೆತೊನುಗ. ಒವ್ವೇ ಎಡ್ಡೆ ಕೆಲಸ ಸುರು ಮಲ್ಪುನಗ ಗಣಪತಿ ದೇವೆರ್ನ ಸ್ಮರಣೆ ಮಲ್ಪುನವು ಮುಖ್ಯ. ಇಂಚಾದ್ ಶರವು ದೇವಸ್ಥಾನಡ್ ಗಣಪತಿ ದೇವೆರೆನ್ ಸ್ಮರಣೆ ಮಲ್ತ್ ದ್ ಕಾಪು ಕ್ಷೇತ್ರಗ್ ದಕ್ಷಿಣ ವಾಹಿನಿದ ಹೊರೆ ಕಾಣಿಕೆ ಕಚೇರಿ ಶರವು ಕ್ಷೇತ್ರಡ್ ಉದಿಪನೆ ಮಲ್ತ್ ದ್ ಹೊರೆ ಕಾಣಿಕೆ ಒಟ್ಟು ಮಲ್ಪುನ ಕಜ್ಜೊಗು ಚಾಲನೆ ಕೊರಿಯೆರ್.
ಫೆ.25 ರ್ದ್ ಮಾರ್ಚ್ 5 ತಾರೀಕ್ ಮುಟ್ಟ ಕಾಪುದ ಅಮ್ಮನ ಪ್ರತಿಷ್ಠಾ ಬ್ರಹ್ಮಕಲಶೋತ್ಸವ ನಡಪರೆ ಉಂಡು. ಈ ಪುಣ್ಯ ಕಾರ್ಯಡ್ ಮಾತೆರ್ಲ ಪಾಲ್ ಪಡೆಗ ಪಂದ್ ಪಂಡೆರ್.
ಈ ಪೊರ್ತುಡು ಪಾತೆರ್ನ ಆರ್, ಹಸಿರು ವಾಣಿ ಹೊರೆ ಕಾಣಿಕೆ ಸಮಿತಿದ ಅಧ್ಯಕ್ಷೆರ್ ದೇವಿಪ್ರಸಾದ ಶೆಟ್ರ್ ಕಾಪುಸ ಅಮ್ಮನ ದೇವಾಲಯ ದಕ್ಷಿಣ ಭಾರತಡೇ ಅತೀ ಸುಂದರವಾಯಿನ ಧಾರ್ಮಿಕ ಕ್ಷೇತ್ರ ಆದ್ ಬೆಳಗೊಂದುಂಡು. ವಾಸ್ತು ಶಾಸ್ತ್ರಗ್ ಅನುಗುಣವಾದ್ ದೇವಸ್ಥಾನದ ಬೇಲೆ ನಡತೊಂದಿತ್ತ್ ದ್ ಕವಚ,ಗಂಟೆ, ತಿರುಪತಿ ಮಾದರಿದ ಗೋಪುರ, ವಿಶಾಲ ಅನ್ನಚತ್ರ, ಭದ್ರತೆ ಹುಂಡಿ, ಮೂಸಿಯಮ್, ಹೈಟೆಕ್ ಶೌಚಾಲಯ ಇಂಚಿನ ಮಾತ ಸೌಲಭ್ಯ ಉಂಡು. ಮಾರಿಯಮ್ಮನ ದೇವವಾಕ್ಯದ ಪ್ರಕಾರ ಕೆಲಸ ನಡತೊಂದುಂಡು. ಬ್ರಹ್ಮಕಲಶೊಗು ವಿಶೇಷ ವಿಮಾನದ ಮುಕೇನ ಗಂಗಾ ಜಲ ಬರ್ರೆ ಉಂಡು. 9 ದಿನತ್ತ ಬ್ರಹ್ಮಕಲಶ ಉಚ್ಚಯೊಡು 9 ರೀತಿದ ಬೇಲೆ ನಡಪರೆ ಉಂಡು. 18 ರಾಷ್ಟ್ರಡ್ ಜೀರ್ಣೋದ್ಧಾರ ಸಮಿತಿ ರಚನೆ ಆತ್ಂಡ್. ಸುಳ್ಯರ್ದ್ ಮುಲ್ಕಿ ಮುಟ್ಟ ಮಾತ ಭಜನಾ ಮಂಡಳಿದ ಮುಕೇನ ಸಭೆ ನಡತ್ ದ್ಂಡ್ ಪಂಡೆರ್.
ಅಮ್ಮನ ಇಚ್ಛೆದ ಪ್ರಕಾರ ಮಾತ ಕೆಲಸ ಕಾರ್ಯಲು ಪರಿಪೂರ್ಣ ಆದ್ ಫೆ.25 ಕ್ಕ್ ಇತಿಹಾಸ ನಿರ್ಮಾಣ ಆವರೆ ಉಂಡು ಪಂಡೆರ್.
ಶ್ರೀ ಕ್ಷೇತ್ರಗ್ ಮಾತಾ ಕಡೆರ್ದ್ ಬರ್ಪಿನ ಪುದೆ ಕಾಣಿಕೆಗ್ ಶರವು ದೇವಸ್ಥಾನ ಕೇಂದ್ರವಾದ್ ಈ ಪುಣ್ಯ ಕಾರ್ಯಗ್ ಬಂಟ್ವಾಳ, ಬೆಳ್ತಂಗಡಿ, ಸುಳ್ಯ,ಪುತ್ತೂರು,ಮಂಗಳೂರು ಉತ್ತರ, ಮಂಗಳೂರು ದಕ್ಷಿಣ ಬೊಕ್ಕ ಆ ಭಾಗದ ಬೇತೆ ಬೇತೆ ಜಾಗೆರ್ದ್ ಹಸಿರು ಹೊರೆ ಕಾಣಿಕೆ ಮೆರವಣಿಗೆ ಬರಿಯರೆ ಉಂಡು. ಈ ಮೆರವಣಿಗೆಡ್ ಪಾಲ್ ಪಡೆದ್ ಈ ಕಾರ್ಯಕ್ರಮ ಯಶಸ್ವಿ ಮಲ್ತ್ ದ್ ಕಾಪುದ ಅಪ್ಪೆನ ಕೃಪೆಗ್ ಪಾತ್ರರಾವೊಡು ಪಂದ್ ಕುದ್ರೋಳಿ ಕ್ಷೇತ್ರದ ಕೋಶಾಧಿಕಾರಿ ಪದ್ಮರಾಜ್ ಪೂಜಾರಿ ವಿನಂತಿ ಮಲ್ತೆರ್.
ಸಮಾರಂಭಡ್ ಐಕಳ ಬಾವ ಚಿತ್ತರಂಜನ್ ಭಂಡಾರಿ, ದೀಕ್ಷಿತ್ ಭಂಡಾರಿ ಉಳ್ಳಾಲಗುತ್ತು, ಚಂದ್ರಹಾಸ ಶೆಟ್ಟಿ ರಂಗೋಲಿ, ಉಲ್ಲಾಸ್ ಶೆಟ್ಟಿ ಪೆರ್ಮುದೆ, ಅರುಣ್ ಶೆಟ್ಟಿ ಪಾದೂರು, ಮಿಥುನ್ ರೈ, ಶಶಿಕುಮಾರ್ ರೈ ಬಾಲ್ಯೊಟ್ಟು, ಜಯಪ್ರಕಾಶ್ ರೈ ಸುಳ್ಯ, ಸಿಎ ಶಾಂತಾರಾಮ ಶೆಟ್ಟಿ, ಶೆಡ್ಡೆ ಸಂತೋಷ್ ಶೆಟ್ಟಿ, ಪದವು ಮೇಗಿನ ಮನೆ ಉಮೇಶ್ ರೈ,
ಜಗನ್ನಾಥ ಶೆಟ್ಟಿ ಬಾಳ,
ಬಾಲಕೃಷ್ಣ ಶೆಟ್ಟಿ, ಚಂದ್ರಶೇಖರ ಉಚ್ಚಿಲ, ಸುಕೇಶ್ ಚೌಟ ಉಳ್ಳಾಲಗುತ್ತು, ಮಾಜಿ ಮೇಯರ್ ಭಾಸ್ಕರ ಮೊಯ್ಲಿ, ಸುಧಾಕರ ರಾವ್ ಪೇಜಾವರ, ಆನಂದ ಶೆಟ್ಟಿ ತೊಕ್ಕೊಟ್ಟು, ಸಂದೀಪ್ ಬೆಂಗ್ರೆ ಮೊಕುಲು ಮಾತ ಇತ್ತೆರ್.