ಪ್ರತಿಭಾವಂತ ಜೋಕ್ಲೆಗ್ ಇಲ್ಲಡೆಗೇ ಪೋದ್ ಮಾನಾದಿಗೆ ಮಲ್ತೆರ್..

ಕೊಡವೂರು ವಾರ್ಡ್ ದ ಪ್ರತಿಭಾವಂತ ವಿದ್ಯಾರ್ಥಿಲೆಗ್ ಅಕಲ್ನ ಇಲ್ಲಡೆಗೇ ಪೋದ್ ಮಾನಾದಿಗೆ ಮಲ್ಪುನ ಕಜ್ಜೊ ಕ 20-05-2022 ದಾನಿ ನಡತುಂಡ್.

ಕೊಡವೂರು ವಾರ್ಡ್ ಡ್ ಮಸ್ತ್ ಸಮಿತಿ ರಚನೆ ಮಲ್ದಿತ್ತುದ್, ವಿದ್ಯಾರ್ಥಿ ಸಮಿತಿಲಾ ಒಂಜಿ.
ವಿದ್ಯಾರ್ಥಿ ಸಮಿತಿದ ಮುಖೇನ ಮಸ್ತ್ ವಿದ್ಯಾರ್ಥಿಲೆಗ್ ಪುಸ್ತಕ, ಬ್ಯಾಗ್ ಇಂಚ ವಿದ್ಯಾರ್ಥಿಲೆಗ್ ಕಲ್ಪರೆಗ್ ಪ್ರೋತ್ಸಾಹ ಮಲ್ಪುನ ಕಾರ್ಯ ನಡತೊಂದಿತ್ತುದ್. ಎಸೆಸೆಲ್ಸಿ ಪರೀಕ್ಷೆಡ್ ಕೊಡವೂರು ವಾರ್ಡ್ ಗ್ ಪುದರ್ ಕನದಿನ ವಿದ್ಯಾರ್ಥಿಲೆಗ್ ಅಕಲೆನ ಇಲ್ಲಡೆಗೇ ಪೋದ್ ಗೌರವಿಸಾವುನ ಕಜ್ಜೊ ನಡತುಂಡ್.

ಈ ಸಂದರ್ಭಡ್ ನಗರ ಸಭಾ ಸದಸ್ಯೆರಾಯಿನ ವಿಜಯ್ ಕೊಡವೂರು, ವಾರ್ಡ್ ಅಭಿವೃದ್ದಿ ಸಮಿತಿದ ಅಧ್ಯಕ್ಷೆರಾಯಿನ ಅಶೋಕ್ ಶೆಟ್ಟಿಗಾರ್,ಸಚಿನ್ ಮುಂಬೈ,ಆರೆಸಸ್ ಹಿರಿಯೆರಾಯಿನ ರಮೇಶ್ ಅಂಬಲ್ಪಾಡಿ, ಅಜಿತ್, ವಿನಯ್ , ಚಂದ್ರಕಾಂತ್,ಕಿಶನ್, ಮೋಹನ್, ಉಪಸ್ಥಿತರಿತ್ತೆರ್..