625 ಅಂಕೊ ಪಡೆಯಿನ ಉಡುಪಿದ ಸಾಧಕೆರೆಗ್ ಜಿಲ್ಲಾಧಿಕಾರಿಲೆಡ್ದ್ ಗೌರವಾರ್ಪಣೆ..

ಎಸ್ಎಸ್ಎಲ್ಸಿ ಪರೀಕ್ಷೆಡ್ 625 ಅಂಕೊದ ಸಾಧನೆ ಮಲ್ತಿನ ಸರಕಾರಿ ಪದವಿ ಪೂರ್ವ ಕಾಲೇಜು, ಮಲ್ಪೆ ಮುಲ್ಪದ ಪುನೀತ್ ನಾಯಕ್ ಬಾಲಕಿಯರ ಸರಕಾರಿ ಪದವಿಪೂರ್ವ ಕಾಲೇಜು ಉಡುಪಿ ಮುಲ್ಪದ ಗಾಯತ್ರಿ ಬೊಕ್ಕ ಸರಕಾರಿ ಪ್ರೌಢಶಾಲೆ ಕಾಳಾವರದ ನಿಶಾ ಮೊಕ್ಲೆನ್ ಜಿಲ್ಲಾಧಿಕಾರಿ ಕಚೇರಿಡ್ ಮಾನ್ಯ ಜಿಲ್ಲಾಧಿಕಾರಿಲು ಸನ್ಮಾನ ಮಲ್ತೆರ್. ವೈದ್ಯೆರಾಪುನ, ಐಎಎಸ್ ಮಲ್ಪುನ ಕನ ದೀಯೊಂದಿನ ಈ ಪ್ರತಿಭಾವಂತ ಯುವ ಪ್ರತಿಭೆಲೆಗ್ ಸೂಕ್ತ ಮಾರ್ಗದರ್ಶನೊನ್ ಜಿಲ್ಲಾಧಿಕಾರಿ ಕೂರ್ಮರಾವ್ ಕೊರಿಯೆರ್. ಜಿಲ್ಲಾ ಪಂಚಾಯತ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಪ್ರಸನ್ನ, ಉಪನಿರ್ದೇಶಕರು ಸಾರ್ವಜನಿಕ ಶಿಕ್ಷಣ ಇಲಾಖೆ ಗೋವಿಂದ ಮಡಿವಾಳ, ಶ್ರೀಮತಿ ಜಾನ್ಹವಿ ಶಿಕ್ಷಣಾಧಿಕಾರಿಲು ಡಾಕ್ಟರ್ ಅಶೋಕ ಕಾಮತ್, ಕ್ಷೇತ್ರ ಶಿಕ್ಷಣಾಧಿಕಾರಿ ಮೊಕುಲು ಉಪಸ್ಥಿತರಿತ್ತೆರ್..