ತುಳು ಸಂಸ್ಕೃತಿ ಬೆಳಗಿನ ಆಕಾಶದೀಪ

ತುಳು ಸಂಸ್ಕೃತಿ ಬೆಳಗಿನ ಆಕಾಶದೀಪ

* ಇತಿಹಾಸ ನೆನಪು ಮಲ್ತಿನ ಪರ್ಕಳ ವಾಲಿಬಾಲ್ ಫ್ರೆಂಡ್ಸ್
* ದೀಪಾವಳಿಗ್  ಜೀವನ ಜ್ಞಾನದ ಕೊಡುಗೆ


ಕ್ರೀಡಾಕ್ಷೇತ್ರದೊಟ್ಟುಗ್ ಸಮಾಜಿಕ ಕಾರ್ಯದ ಮೂಲಕಲೋ ನಾಡುದ  ಗಮನ ಸೆಳೆಯೊಂದುಪೊಪುನ ಪರ್ಕಳದ ಶ್ರೀ ಮಹಾಲಿಂಗೇಶ್ವರ ಮಹಾಗಣಪತಿ ವಾಲಿಬಾಲ್ ಫ್ರೆಂಡ್ಸ್ ತಂಡ ಈ ಬಾರಿ ತುಳುನಾಡುದ ವೈಭವ ನೆಂಪು ಮಲ್ಪುನ ಆಕಾಶದೀಪದೊಟ್ಟುಗ್ ದೀಪಾವಳಿ ಆಚರಣೆ ಮಲ್ದುಂಡ್.

ಬದುಕುದ ಅಂಧಕಾರ ಕಳೆಪಿನ ಬೊಲ್ಪುದ  ಪರ್ಬದ ಸಂದರ್ಭಡ್  ಸಾರ್ವಜನಿಕವಾದ್  ದಾದಾಂಡಲಾ ವಿಶೇಷ ಜ್ಞಾನ ಕೊರ್ಪಿನ ಈ ಸಂಘಟನೆದ ವಿಶಿಷ್ಟತೆಯಾದುಂಡ್.

ತುಳು ಭಾಷೆಗ್ ಮಾನ್ಯತೆ
ಇಂಚಪ್ಪೊಗ್ ರಾಜ್ಯ ಸರ್ಕಾರ ತುಳು ರಡ್ಡನೇ ಅಧಿಕೃತ ಭಾಷೆಯಾದ್ ಘೋಷಣೆ ಮಲ್ದುಂಡ್.ಇಂಚಾದ್ ತುಳುನಾಡುದ ವಿಶಿಷ್ಟತೆ, ಸಂಸ್ಕೃತಿ, ಸಂಪ್ರದಾಯ ಬೊಕ್ಕ ಜನಜೀವನ ಬಿಂಬಿಸಾವುನ ಬೃಹತ್ ಆಕಾಶದೀಪ ತಯಾರ್ ಮಲ್ದುಂಡ್.. ಸಹಕಾರ ಭಾರತಿ ಬೊಕ್ಕ ಪರ್ಕಳದ ಶ್ರೀ ಮಹಾಲಿಂಗೇಶ್ವರ ಮಹಾಗಣಪತಿ ಮಹಿಷಮರ್ಧಿನಿ ದೇವಸ್ಥಾನದ ಸಹಕಾರಡ್  ದೇಗುಲದ ಮುಂಭಾಗದ ರಸ್ತೆಡ್ ಬೃಹತ್ ಆಕಾಶದೀಪ ಅಳವಡಿಸಾದುಂಡ್.

ಅಷ್ಟಾಕೃತಿದ ಗೂಡುದೀಪ
13 ಫೀಟ್ ಎತ್ತರ, 6 ಫೀಟ್ ಅಗಲದ ಅಷ್ಟಾಕೃತಿದ ಆಕಾಶದೀಪಡ್  ತುಳುನಾಡುದ ಆಚರಣೆದ ಚಿತ್ರನ್ ಬುಡ್ಪಾದುಂಡ್.. ಕೋಲ, ಯಕ್ಷಗಾನ, ಕುರಲು ಕಟ್ಟುನ, ಕಂಬುಲ,, ಆಟಿ ಕಳಿಂಜ, ಕೋರಿದ ಕಟ್ಟ, ಪಿಲಿ ಕುಣಿತ, ಭತ್ತಕೃಷಿ, ಡೋಲು, ಗರಡಿ ನೇಮೋತ್ಸವ ಇಂಚ ತುಳುನಾಡುದ ಬೇತೆ ಬೇತೆ ಜನಪದೀಯ ಸಂಸ್ಕೃತಿನ್ ಬಿಂಬಿಸಾದುಂಡ್.

ಬರ್ಪಿನ  ಚಂಪಾಷಷ್ಠಿಮುಟ್ಟ  ಈ ಆಕಾಶದೀಪ ತುಳುನಾಡುದ ಸಂಸ್ಕೃತಿ, ವೈಭವನ್  ಸಾರುಂಡ್.. ಕರಿನ ವರ್ಷ ‘ಆಪರೇಷನ್ ಸಿಂಧೂರ’ ಆಕಾಶದೀಪದ ಮೂಲಕ ಭಾರತಾಂಬೆನ ‘ವಿಜಯದ ಸ್ಮರಣೆ’ ಮಲ್ದಿತ್ತೆರ್.. ಈ ಬಾರಿ ತುಳುಕ್  2ನೇ ಭಾಷೆದ ಸ್ಥಾನಮಾನನ್ ತುಳುನಾಡುದ ಸಂಸ್ಕೃತಿ, ಪರಶುರಾಮನ ಶಕ್ತಿ-ಭಕ್ತಿದ ಜ್ಞಾನ ಸ್ಮರಣೆ ಮಲ್ಪುನಂಚ ಮಲ್ದುಂಡ್ ಪಂಡುದ್  ಪರ್ಕಳದ ವಾಲಿಬಾಲ್ ಫ್ರೆಂಡ್ಸ್ ತಂಡ ತೆರಿಪಾದುಂಡ್.
.