ತುಳು ಬಾಸೆ ಸಂಸ್ಕೃತಿ ಒರಿಪಾವುನ ನಿಟ್ಟುಡ್ ತುಳುನಾಡು ಡ್ ಅವ್ವೇತೋ ಸಂಘಟನೆಲು ಬೇಲೆ ಮಲ್ತೊಂದಿತ್ತುದ್,ತುಳು ಭಾಷೆಗ್ ಮಾನಾದಿಗೆ ತಿಕ್ಕೊಡ್ ಪನ್ಪಿನ ಪೊರಂಬಾಟ ಮಲ್ತೊಂದುಲ್ಲೆರ್.ಈ ನಿಟ್ಟುಡ್ ಉಂದುವೇ ಬರ್ಪಿನ ಸೆಪ್ಟೆಂಬರ್ 18 ತಾರೀಕುಗ್ ರಾಜ್ಯದ ಮಾನ್ಯ ಮುಖ್ಯಮಂತ್ರಿಲು ನಮ್ಮ ತುಳುನಾಡು ಡ್ ಸಂಪುಟ ಸಭೆ ಮಲ್ಪುನವ್ ನಮ್ಮ ತುಳುನಾಡುಗೇ ಪೆರ್ಮೆದ ಸಂಗತಿಯಾತುಂಡ್.ಆ ನಿಲೆಟ್ ನಾನಾ ತುಳುಪರ ಸಂಘಟನೆಲು ಸೇರ್ದ್ ಪತ್ರಿಕಾ ಗೋಷ್ಠಿ ಮಲ್ತುದ್ ಸಂಪುಟ ಸಭೆಟ್ ತುಳುಬಾಸೆನ್ ರಾಜ್ಯದ ರಡ್ಡನೇ ಅಧಿಕೃತ ಬಾಸೆ ಆದ್ ಘೋಷಣೆ ಮಲ್ಪೊಡ್ ಪಂಡುದ್ ಉಡುಪಿ ಪತ್ರಿಕಾ ಭವನಡ್ ಪತ್ರಿಕಾ ಗೋಷ್ಠಿ ಮಲ್ತುದ್ ಆಗ್ರಹ ಮಲ್ತುದೆರ್.
ಪತ್ರಿಕಾ ಗೋಷ್ಠಿಡ್ ಸಿರಿ ತುಳುವ ಚಾವಡಿ ಒಡಿಪುದ ಗೈಮೆದ ಗುರ್ಕಾರೆರಾಯಿನ ಈಶ್ವರ್ ಶೆಟ್ಟಿ ಚಿಟ್ಪಾಡಿ, ಸಿರಿ ತುಳುವ ಚಾವಡಿ ಒಡಿಪುದ ಮಾಜಿ ಗುರ್ಕಾರೆರಾಯಿನ ಡಾ.ಗಣನಾಥ ಎಕ್ಕಾರ್,ಆಳುಪ ವಂಶಸ್ಥೆರಾಯಿನ ತುಳು ಅಕಾಡೆಮಿದ ಮಾಜಿ ಸದಸ್ಯೆರಾಯಿನ ಡಾ.ಆಕಾಶ್ ರಾಜ್ ಜೈನ್,ಜೈ ತುಳುನಾಡ್ ಸಂಘಟನೆ ಒಡಿಪು ಎಗ್ಗೆದ ಗುರ್ಕಾರೆರಾಯಿನ ಸಂತೋಷ್ ಕಟಪಾಡಿ, ಕೋಶಾಧಿಕಾರಿ ಅಂಬಿಕಾ ರಾವ್ ಉಪಸ್ಥಿತರಿತ್ತೆರು.
by 