ಶಕ್ತಿ ಯೋಜನೆಡ್ದ್ ಶಾಲೆ ಜೋಕುಲೆಗ್ ಸಮಸ್ಯೆ: ಎಬಿವಿಪಿ

ಸರ್ಕಾರಿ ಬಸ್ ದ ಕೊರತೆ & ಸಮಸ್ಯೆಲೆನ ಬಗ್ಗೆ ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ದ ವತಿಡ್ದ್ ನಡತಿನ ರಾಜ್ಯಾದ್ಯಂತ ಹೋರಾಟದ ಅಂಗವಾದ್ ಅ ಭಾ ವಿ ಪ ಉಡುಪಿ ವತಿಡ್ದ್ ಅಜ್ಜರಕಾಡು ಯುದ್ಧ ಸ್ಮಾರಕದ ಕೈತಲ್ ಪ್ರತಿಭಟನೆ ನಡತುಂಡ್. ರಾಷ್ಟ್ರೀಯ ಕಾರ್ಯಕಾರಿಣಿ ಸದಸ್ಯ ಸುಮುಖ ಭಟ್, ತಾಲೂಕು ಸಂಚಾಲಕ ಶ್ರೀಹರಿ , ನಗರ ಕಾರ್ಯದರ್ಶಿ ಗಣೇಶ್ ಪೂಜಾರಿ & ಪ್ರಮುಖೆರಾಯಿನ ಆಶೀಶ್ ಶೆಟ್ಟಿ, ಅಜಿತ್, ವಿನೋದ,ನವೀನ್ ,ಉಪಸ್ಥಿತರಿತ್ತೆರು. ನಗರ ಸಹ ಕಾರ್ಯದರ್ಶಿ ಶ್ರೀವತ್ಸ ಪಾತೆರ್ದ್ ಗ್ರಾಮೀಣ ಭಾಗೊಲೆಡ್ ಬೊಕ್ಕ ನಗರದ ಬೇತೆ ಬೇತೆ ಕಾಲೇಜ್ ದ ಜೋಕುಲು ಕಾಲೇಜಿಗ್ ಬರ್ಪಿನ ಪೊರ್ತುಡ್ ಶಕ್ತಿ ಯೋಜನೆಡಾದ್ ಮಲ್ಲ ಮಟ್ಟದ ಸಮಸ್ಯೆ ಸುರುವಾದಿತ್ತುದ್ ಈ ಸಮಸ್ಯೆ ಸರಿಮಲ್ತುಜಿಡ ದುಂಬುದ ದಿನೊಟ್ ಸರಕಾರಿ ಬಸ್ ಗ್ ಮುತ್ತಿಗೆ ಪಾಡುದ್ ಪೋವರೆಗೇ ಬುಡ್ಪುಜ ಪನ್ಪಿನ ಎಚ್ಚರ ಕೊರಿಯೆರು.