ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘ ರಜತ ಮಹೋತ್ಸವ ಸಮಿತಿ, ಉಡುಪಿ ಪತ್ರಿಕಾ ಭವನ ಸಮಿತಿದ ಸಹಯೋಗ ದೊಟ್ಟುಗ್ ಪತ್ರಿಕಾ ದಿನಾಚರಣೆನ್ ಉಡುಪಿ ಐಎಂಎ ಭವನಡ್ ಜು.1ತಾರೀಕುಗ್ ಕಾಂಡೆ 10.30 ಗಂಟೆಗ್ ಆಯೋಜನೆ ಮಲ್ದುಂಡ್.
ಕಾರ್ಯಕ್ರಮನ್ ಕುಂದಾಪುರ ಉಪವಿಭಾಗಾಧಿಕಾರಿ ರಶ್ಮಿ ಎಸ್.ಆರ್. ಉದಿಪನ ಮಲ್ಪುವೆರ್. ಸುದ್ದಿಯಾನ ಡಿಜಿಟಲ್ ಮೀಡಿಯಾದ ಪ್ರಧಾನ ಸಂಪಾದಕೆರಾಯಿನ ಹರಿಪ್ರಸಾದ್ ಎ. ವಿಶೇಷ ಉಪನ್ಯಾಸ ಕೊರ್ಪೆರ್. ಸಂಘದ ಅಧ್ಯಕ್ಷೆರಾಯಿನ ರಾಜೇಶ್ ಶೆಟ್ಟಿ ಅಲೆವೂರು ಗುರ್ಕಾರ್ಮೆಡಿಪ್ಪುವೆರ್.
ಮಲ್ಲ ಬಿನ್ನೆರಾದ್ ಕರ್ನಾಟಕ ಜಾನಪದ ಪರಿಷತ್ ಉಡುಪಿ ಜಿಲ್ಲಾ ಅಧ್ಯಕ್ಷ ಡಾ.ತಲ್ಲೂರು ಶಿವರಾಮ ಶೆಟ್ಟಿ, ಕರ್ನಾಟಕ ಕಾರ್ಯನಿರತ ಪತ್ರಕರ್ತರ ಸಂಘದ ಉಪಾಧ್ಯಕ್ಷ ಅಜ್ಜಮಾಡ ರಮೇಶ್ ಕುಟ್ಟಪ್ಪ ಪಾಲ್ ಪಡೆಯರೆಗುಲ್ಲೆರ್. ಈ ಪೊರ್ತುಡ್ ಕಾರ್ಕಳದ ಹಿರಿಯ ಪತ್ರಕರ್ತೆರಾಯಿನ ರಾಧಾಕೃಷ್ಣ ತೋಡಿಕಾನ ಮೆರೆಗ್ ಪತ್ರಿಕಾ ದಿನಾಚರಣೆಯದ ಮಾನಾದಿಗೆ ಕೊರ್ಪುಂಡ್.
ರಜತ ಮಹೋತ್ಸವ ಸಮಿತಿದ ಸಂಚಾಲಕೆರಾಯಿನ ಮುಹಮ್ಮದ್ ಶರೀಫ್, ಇಂಡಿಯನ್ ಫೆಡರೇಶನ್ ಆಫ್ ವರ್ಕಿಂಗ್ ಜರ್ನಲಿಸ್ಟ್ಸ್ ಅರುಣ್ ಕುಮಾರ್ ಶಿರೂರು, ಸಂಘದ ರಾಜ್ಯ ಸಮಿತಿ ಸದಸ್ಯ ಕಿರಣ್ ಮಂಜನಬೈಲು, ಉಡುಪಿ ಪತ್ರಿಕಾ ಭವನ ಸಮಿತಿ ಸಂಚಾಲಕ ಅಜಿತ್ ಆರಾಡಿ ಗೌರವ ಉಪಸ್ಥಿತರಿಪ್ಪುವೆರ್. ಪಂಡುದ್ ಸಂಘದ ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ ಬೊಕ್ಕ ರಜತ ಮಹೋತ್ಸವ ಸಮಿತಿದ ಪ್ರಧಾನ ಕಾರ್ಯದರ್ಶಿ ಜಯಕರ ಸುವರ್ಣ ಪ್ರಕಟಣೆಡ್ ತೆರಿಪಾದೆರ್.
by 