ಉಡುಪಿ ಪತ್ರಕರ್ತರ ಕ್ಷೇಮಾಭಿವೃದ್ಧಿ ನಿಧಿಕ್ ಅನುದಾನ ಒದಗಿಸಾವರೆಗ್ ಆಗ್ರಹಿಸಾದ್ ಸಿಎಂಗ್ ಮನವಿ
ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘ ಉಡುಪಿ ಜಿಲ್ಲೆದ ಪತ್ರಕರ್ತರ ಕ್ಷೇಮಾಭಿವೃದ್ಧಿ ನಿಧಿಕ್ ರಾಜ್ಯ ಸರಕಾರಡ್ದ್ ಅನುದಾನ ಒದಗಿಸಾವರೆಗ್ ಆಗ್ರಹಿಸಾದ್ ಮುಖ್ಯಮಂತ್ರಿ ಸಿದ್ಧರಾಮಯ್ಯರೆಗ್ವ ಮನವಿ ಸಲ್ಲಿಸಾಯೆರ್.
ರಜತ ಮಹೋತ್ಸವದ ಸಂಭ್ರಮೊಡುಪ್ಪುನ ಸಂಘ 25ನೇ ವರ್ಷಾ ಚರಣೆದ ನೆನಪುಗಾದ್ ವರ್ಷ ಇಡೀ 25 ಕಾರ್ಯಕ್ರಮೊಲೆನ್ ಆಯೋಜನೆ ಮಲ್ದುಂಡ್.ನೆತ್ತ ಪೈಕಿ ಪತ್ರಕರ್ತೆರೆನ ಕ್ಷೇಮಾಭಿವೃದ್ಧಿ ನಿಧಿ ಸ್ಥಾಪನೆಲಾ ಪ್ರಮುಖ ಅಂಚೆನೇ ಮಹತ್ವಾಕಾಂಕ್ಷೆದ ಯೋಜನೆಯಾದುಂಡ್. ಅಪಘಾತ ಆಪಿನ ಅತ್ತುಂಡ ಅನಾರೋಗ್ಯಡುಪ್ಪುನ ಪತ್ರಕರ್ತರೆಗ್ ಆರ್ಥಿಕ ನೆರವು ಒದಗಿಸಾವುನ ಯೋಜನೆಗ್ ರಾಜ್ಯ ಸರಕಾರಡ್ದ್ ಗರಿಷ್ಠ ಮೊತ್ತದ ಅನುದಾನೊನ್ ಒದಗಿಸಾವೊಡ್ ಪಂಡುದು ಮನವಿಡ್ ಒತ್ತಾಯ ಮಲ್ತೆರ್.
ಅಂಚೆನೇ ಸಂಘದ ಕಾರ್ಯಾಲಯವಾದುಪ್ಪುನ ಪತ್ರಿಕಾ ಭವನದ ಮೇಲಂತಸ್ತುಡ್ ಸಂಘದ ಸದಸ್ಯೆರ್ ಬೇತೆ ಬೇತೆ ಚಟುವಟಿಕೆಲೆನ್ ನಡಪಾವರೆಗ್ ಅಗತ್ಯವಾದುಪ್ಪುನ ಸಭಾಂಗಣ, ಗ್ರಂಥಾಲಯಲೆನ್ ನಿರ್ಮಿಸಾವರೆಗ್ ಯೋಜನೆ ಪಾಡೊಂದುಂಡ್.ಅಂಚಾದ್ ಈ ಕಟ್ಟಡ ಕಾಮಗಾರಿಗುಲಾ ವಿಶೇಷ ಅನುದಾನೊನ್ ಒದಗಿಸಾವೊಡ್ ಪಂಡುದು ಮನವಿ ಮಲ್ತೆರ್.
ಉಂದುವೇ ಸಂದರ್ಭಡ್ ಜಿಲ್ಲಾ ಉಸ್ತುವಾರಿ ಸಚಿವೆ ಲಕ್ಷ್ಮೀ ಹೆಬ್ಬಾಳ್ಕರ್ ಅರೆಗುಲಾ ಸಂಘದ ವತಿಡ್ದ್ ಮನವಿ ಕೊರಿಯೆರ್. ಸಂಘದ ಜಿಲ್ಲಾಧ್ಯಕ್ಷ ರಾಜೇಶ್ ಶೆಟ್ಟಿ ಅಲೆವೂರು, ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ, ಕೋಶಾಧಿಕಾರಿ ಉಮೇಶ್ ಮಾರ್ಪಳ್ಳಿ, ರಜತ ಮಹೋತ್ಸವ ಸಮಿತಿದ ಪ್ರಧಾನ ಕಾರ್ಯದರ್ಶಿ ಜಯಕರ ಸುವರ್ಣ, ಪತ್ರಿಕಾ ಭವನ ಸಮಿತಿದ ಸಂಚಾಲಕೆರಾಯಿನ ಅಜಿತ್ ಆರಾಡಿ ಮೊಕುಲು ಉಪಸ್ಥಿತರಿತ್ತೆರು.
by 