ಪ್ರೊ.ಕೆ.ಪಿ.ರಾವ್ ಗ್ ಪುಗಾರ್ತೆದ ಸಂಸ್ಥೆಲೆಡ್ದ್ ಅಭಿನಂದನೆ

ನಾಡುದ ಹಿರಿಯ ವಿದ್ವಾಂಸೆರಾಯಿನ ಕಂಪ್ಯೂಟರ್ ಕ್ಷೇತ್ರೊಡ್ ಗಣನೀಯ ಸಾಧನೆ ಮಲ್ದಿನ
ನಾಡೋಜ ಪ್ರೊ|ಕೆ.ಪಿ.ರಾವ್ ಮೆರೆಗ್ ಉಡುಪಿ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತು, ಉಡುಪಿ
ತಾಲೂಕು ಘಟಕದ ಸಹಕಾರದೊಟ್ಟುಗ್ ನಾಡೋಜ ಕೆ.ಪಿ.ರಾವ್ ಅಭಿನಂದನ ಸಮಿತಿ ಅಭಿನಂದನಾ ಕಾರ್ಯಕ್ರಮೊನ್ ಆಯೋಜನೆ ಮಲ್ದುಂಡ್
ಉಡುಪಿದ ಬೇತೆ ಬೇತೆ ಸಂಘ -ಸಂಸ್ಥೆಲು, ಶಿಕ್ಷಣ ಸಂಸ್ಥೆಲೆನ ಸಹಭಾಗಿತ್ವಡ್ ಉಡುಪಿದ ಎಂಜಿಎ0 ಕಾಲೇಜಿದ ಪೊಸ ರವೀಂದ್ರ
ಮಂಟಪಡ್ ಆಗಸ್ಟ್ 6 _ತಾರೀಕುಗ್ ಕಾಂಡೆ 9 ಗಂಟೆಗ್
ನಡಪರೆಗುಂಡ್..

ಕಾಂಡೆ ೯:೧೫ ಡ್ದ್ ೯:೪೫ ಮುಟ್ಟ ಸರಿಗಮ ಭಾರತಿ ಪರ್ಕಳ ಮೊಕ್ಲೆಡ್ದ್ ಸಾಂಸ್ಕೃತಿಕ ಸೌರಭ ನಡಪರೆಗುಂಡ್. ೯.೫೦ಡ್ದ್ ೧೦:೩೦ಮುಟ್ಟ ಉದಿಪನ ಕಜ್ಜೊ ನಡಪರೆಗುಂಡ್. ಈ ಕಾರ್ಯಕ್ರಮಡ್ ನುಡಿ ಸಂದೇಶ: ಸ್ವಸ್ತಿಶ್ರೀ ಭಟ್ಟಾರಕ ಚಾರುಕೀರ್ತಿ ಪಂಡಿತಾಚಾರ್ಯವರ್ಯ ಮಹಾಸ್ವಾಮೀಜಿಲು, ಮಠಾಧಿಪತಿಲು, ಶ್ರೀ ಜೈನ ಮಠ ಮೂಡುಬಿದಿರೆ, ಜಿಲ್ಲಾಧಿಕಾರಿ ಡಾ| ಕೆ.ವಿದ್ಯಾ ಕುಮಾರಿ, ಪ್ರೊ| ಲಕ್ಷ್ಮೀನಾರಾಯಣ ಕಾರಂತ್, ನೀಲಾವರ
ಸುರೇಂದ್ರ ಅಡಿಗ, ಪೂರ್ಣಿಮಾ, ಡಾ.ಪಿ.ವಿ ಭಂಡಾರಿ, ಉಡುಪಿ ವಿಶ್ವನಾಥ ಶೆಣೈ, ಜಯಕರ್ ಶೆಟ್ಟಿ ಇಂದ್ರಾಳಿ ಉಪಸ್ಥಿತರಿಪ್ಪುವೆರು. ೧೦:೩೦
ಡ್ದ್ ೧೦:೪೫ಮುಟ್ಟ ಡಾ| ಯು.ಬಿ.ಪವನಜ ಬೆಂಗಳೂರು ಕಂಪ್ಯೂಟರ್ ಬೊಕ್ಕ ಕೆ.ಪಿ.ರಾವ್ ಬಗ್ಗೆ ವಿಷಯ ಮಂಡನೆ ಮಲ್ಪುವೆರ್.
೧೦:೪೫ಡ್ದ್ ೧೧:೦೦ ಮುಟ್ಟ ಪ್ರೊ| ವರದೇಶ ಹಿರೇಗಂಗೆ ಮೇರ್ ಕೆ.ಪಿ.ರಾವ್ ಬದುಕು ಬೊಕ್ಕ ವರ್ಣಕ ಕಾದಂಬರಿ ಬಗ್ಗೆ ಪಾತೆರುವೆರ್. ೧೧:೦೦ಡ್ದ್
೧೧:೦೫ ಡಾ| ಎನ್.ಟಿ.ಭಟ್ ಮೇರ್ ಕೆ.ಪಿ.ರಾವ್‌ ನೊಟ್ಟುಗ್ ಒಡನಾಟದ ಬಗ್ಗೆ ಪಾತೆರುವೆರ್.

೧೧:೦೫ ಡ್ದ್ ೧೨.೦೫ಮುಟ್ಟ ಕೆಪಿ ರಾವ್ ಅರೆನೊಟ್ಟುಗ್ ಪಾತೆರಕತೆ ಪನ್ಪಿನ ವಿಷಯೊಡ್ ಪಾದೆಕಲ್ಲು ವಿಷ್ಣು ಭಟ್, ಡಾ| ಮಹಾಲಿಂಗ ಭಟ್,
ಡಾ| ನೀತಾ ಇನಾ೦ದಾರ್, ಡಾ.ಉದಯ ಶಂಕರ ಹೆಚ್.ಎನ್, ಸುಶ್ಮಿತಾ ಶೆಟ್ಟಿ, ಪಲ್ಲವಿ ಕೊಡಗು ಪಾಲ್ ಪಡೆಯರೆಗುಲ್ಲೆರ್. ಬೊಕ್ಕ ೧೨.೦೫ ಡ್ದ್
೧೨.೧೦ಮುಟ್ಟ ಪಾಡಿಗಾರು ಲಕ್ಷ್ಮೀನಾರಾಯಣ ಉಪಾಧ್ಯ ಮೆರೆಡ್ದ್ ಪದರಂಗತ. ೧೨.೧೫ ಡ್ದ್ ೧.೧೫ ಮುಟ್ಟ ನಾಡೋಜ ಪ್ರೊ.ಕೆಪಿ ರಾವ್
ಅಭಿನಂದನ ಸಮಾರಂಭಡ್ ಡಾ.ಎಚ್.ಎಸ್ ಬಳ್ಳಾಲ್ ಗುರ್ಕಾರ್ಮೆಡ್ , ಅಭಿನಂದನ ಪಾತೆರೊನ್ ಡಾ|ಜಯಂತ್ ಕಾಯ್ಕಿಣಿ ಮಲ್ಪರೆಗುಲ್ಲೆರ್.
ಡಾ.ಬಿ. ಜಗದೀಶ ಶೆಟ್ಟಿ, ಪ್ರೊ.ಸೇಡಿಯಾಪು ಜಯರಾಮ ಭಟ್, ಉಡುಪಿ ವಿಶ್ವನಾಥ ಶೆಣೈ, ಜಯಕರ ಶೆಟ್ಟಿ ಇಂದ್ರಾಳಿ ಉಪಸ್ಥಿತರಿಪ್ಪುವೆರು.

ನಾಡೋಜ ಕೆ. ಪಿ. ರಾವ್ ಅರೆನ ಕಿನ್ನ ಪರಿಚಯ: ಕಿನ್ನಿಕಂಬಳ ಪದ್ಮನಾಭ ರಾವ್ (ಫೆಬ್ರವರಿ ೨೯, ೧೯೪೦), ಭಾರತೀಯ ಭಾಷೆಲೆಡ್ ಕಂಪ್ಯೂಟರ್ ಕ್ಷೇತ್ರದ
ಪಿತಾಮಹರೆಂದೇ ಪುಗಾರ್ತೆ ಪಡೆದಿನಾರು. ಇತ್ತೆ ವ್ಯಾಪಕವಾದ್ ಗಲಸೊಂದುಪ್ಪುನ ಕರ್ನಾಟಕ ಸರ್ಕಾರದ ಅಧಿಕೃತ ಕೀಲಿಮಣೆತ್ತ ಮೂಲ ವಿನ್ಯಾಸನ್ (‘ನುಡಿ’
ವಿನ್ಯಾಸ) ರೂಪಿಸಾದ್, ಶ್ರೀ ಕೆ. ಪಿ. ರಾವ್ ಅರೆನ ಸಾಧನೆ.

ಅರೆನ ಪುಟ್ಟು ಬೊಕ್ಕ ವಿದ್ಯಾಭ್ಯಾಸ : 1940 ಫೆಬ್ರುವರಿ 26 ತಾರೀಕುಗ್ , ಮಂಗಳೂರು ಕೈತಲುದ
ಕಿನ್ನಿಕಂಬಳಡ್ ಪುಟ್ಟಿನ ಮೇರ್, ಕಿನ್ನಿಕಂಬಳಡ್ ಪ್ರಾಥಮಿಕ ವಿದ್ಯಾಭ್ಯಾಸ, ಮಂಗಳೂರುಡ್ ಪ್ರೌಢಶಾಲೆ ಬೊಕ್ಕ ಕಾಲೇಜು ವ್ಯಾಸಂಗ.1959 ಡ್ ಮಂಗಳೂರುದ
ಅಲೋಶಿಯಸ್ ಕಾಲೇಜಿಡ್ದ್ ಬಿಎಸ್ಸಿ ಪದವಿ.

ಕುಟುಂಬ : ಶ್ರೀಮತಿ ನಿರ್ಮಲ ಉಡುಪಿದಾರು, ಮೆರೆನ್ 1964 ಡ್ ಮದಿಮೆ ಆಯೆರ್.. ಮೊಕ್ಲೆಗ್ ರಡ್ಡ್ ಜೋಕುಲು ಬೊಕ್ಕ ನಾಲ್ ಪುಳ್ಳಿನಕುಲು ಉಲ್ಲೆರ್.

ಉದ್ಯೋಗ : ಸುರುಕ್ ಬೊಂಬಾಯಿಡ್ ಟಾಟಾ ಇನ್‌ಸ್ಟಿಟ್ಯೂಟ್ ಆಫ್ ಫಂಡಮೆ0ಟಲ್ ರೀಸರ್ಚ್(ಟಿಐಎಫ್‌ಆರ್)ನ ಆಣುಶಕ್ತಿ ವಿಭಾಗಡ್
ಸಂಶೋಧಕೆರು. ೧೯೭೦ರ ದಶಕದಲ್ಲಿ ಟಾಟಾ ಪ್ರೆಸ್ ಸೇರಿನಪಗ ಅಕ್ಷರದೊಟ್ಟುಗ್ ಒಡನಾಟ ಸುರು ಮಲ್ತೆರ್. ಬೊಕ್ಕ ಮಾನೋಟೈಪ್ ಸಂಸ್ಥೆದ
ನಿರ್ದೇಶಕೆರಾದ್, ಕ್ವಾರ್ಕ್ ಎಕ್ಸ್ಪ್ರೆಸ್ – ಅಡೋಬಿ ಸಿಸ್ಟಂಸ್ ಇಂಚಿತ್ತಿನ ಸಂಸ್ಥೆಲೆಡ್ ಸಲಹೆಗಾರೆರಾದ್, ಮಣಿಪಾಲ ಸಮೂಹ ಶಿಕ್ಷಣ ಸಂಸ್ಥೆಲೆಡ್
ಪ್ರಾಧ್ಯಾಪಕೆರಸದ್ ಕೆಲಸ ನಿರ್ವಹಣೆ.

ಸಾಧನೆಲು: ಸಿಂಧೂ ಲಿಪಿನ್ ಕಂಪ್ಯೂಟರ್ ಗಲಸುದ್ ಮುದ್ರಣ ಮಲ್ಪುನ ಪ್ರಯತ್ನೊಡ್ ಮೇರ್ ಮಹತ್ವದ ಪಾತ್ರ ಪಡೆದೆರ್.ಉಚ್ಚಾರಣಾತ್ಮಕ
ತರ್ಕ ಗಲಸಿನ ಸುರುತ್ತ ಕೀಬೋರ್ಡ್ ವಿನ್ಯಾಸದ ಸೃಷ್ಟಿ. ಅವ್ವೇ ತರ್ಕ ಗಲಸುದ್ ಕನ್ನಡದ ಕೀಬೋರ್ಡ್ ವಿನ್ಯಾಸ ತಯಾರ್ ಮಲ್ತೆರ್.ಕನ್ನಡದ ಪದಸಂಸ್ಕಾರಕ
ತಂತ್ರಾಂಶ ‘ಸೇಡಿಯಾಪು’ ರಚನೆ ಮಲ್ತುದ್ ಮುಕ್ತ ಬಳಕೆಗ್ ಕೊರಿನ ಪೆರ್ಮೆ ಮೆರೆಗ್ ಸಂದಿನವ್..

ಪ್ರಶಸ್ತಿ ಮಾನಾದಿಗೆಲು : ಕನ್ನಡ ಕೀಲಿಮಣೆ ವಿನ್ಯಾಸೊಗ್ ‘ಕರ್ನಾಟಕ ಸರಕಾರದ ಅಧಿಕೃತ ಕೀಲಿಮಣೆ ವಿನ್ಯಾಸ’ ಪನ್ಪಿನ ಮಾನ್ಯತೆ. ತುಳು ಅಕಾಡೆಮಿ ಸೇರಿನಂಚ ಬೇತೆ ಬೇತೆ ಸಂಘಸಂಸ್ಥೆಲೆಡ್ದ್ ಗೌರವ ಸಮರ್ಪಣೆ. ಆಳ್ವಾಸ್ ನುಡಿಸಿರಿ ೨೦೦೯ಡ್ ಸನ್ಮಾನ. ೨೦೧೩ ಡ್ ವಿಶ್ವಕರ್ಮ ಪ್ರಶಸ್ತಿ. ೨೦೧೩ಡ್ ಕನ್ನಡ ವಿಶ್ವ
ವಿದ್ಯಾಲಯಡ್ ನಾಡೋಜ ಪ್ರಶಸ್ತಿ. ೨೦೧೩ ರ ಏಪ್ರಿಲ್ ತಿಂಗೊಲುಡ್ ಬೆಂಗಳೂರುದ ಉದಯಭಾನು ಕಲಾಸಂಘಡ್ದ್ ಪರಿಚಯಾತ್ಮಕ ಕೃತಿ “ಕಂಪ್ಯೂಟರ್
ಕನ್ನಡ ಕೆ. ಪಿ. ರಾವ್” ಪ್ರಕಟಣೆ, ೨೦೧೩ ರ ಸಾಲುದ ರಾಜ್ಯೋತ್ಸವ ಪ್ರಶಸ್ತಿ. ೨೦೨೧ ಡ್ ‘ಕಾರಂತ ಬಾಲವನ ಪ್ರಶಸ್ತಿ’

ಕೃತಿಕುಲು: ರಾವ್ ಮೇರ್
‘ವರ್ಣಕ’ ಪನ್ಪಿನ ಕಾದಂಬರಿನ್ ಬರೆತೆರ್. ೨೦೨೧ಡ್ ಅಂಕಿತ ಪ್ರಕಾಶನಡ್ದ್ ಪ್ರಕಟ ಆತುಂಡ್.