ಮಲಬಾರ್ ಗೋಲ್ಡ್ ಆ್ಯಂಡ್ ಡೈಮಂಡ್ಸ್ ಆರ್ಟಿಸ್ಟ್ರಿ ಕಲಾತ್ಮಕ ಬಂಗಾರ್ದ ತೂಪರಿಕೆಗ್ ಚಾಲನೆ

ಮಲಬಾರ್ ಗೋಲ್ಡ್ ಆ್ಯಂಡ್ ಡೈಮಂಡ್ಸ್ ಆರ್ಟಿಸ್ಟ್ರಿ ಕಲಾತ್ಮಕ ಬಂಗಾರ್ದ ತೂಪರಿಕೆಗ್ ಚಾಲನೆ

ನಗರದ ಮಲಬಾರ್ ಗೋಲ್ ಆ್ಯಂಡ್ ಡೈಮಂಡ್ಸ್ ಉಡುಪಿ ಶಾಖೆಡ್ ಡಿ.31 ಡ್ದ್ ಜ.08 ಮುಟ್ಟ ಆಯೋಜನೆ ಮಲ್ದಿನ ಆರ್ಟಿಸ್ಟ್ರಿ ಕಲಾತ್ಮಕ ಬಂಗಾರ್ದ ಓಲೆದ ಮಲ್ಲಮಟ್ಟದ ತೂಪರಿಕೆ ಬೊಕ್ಕ ಮಾರಾಟ ಮೇಳಗ್ ಶನಿವಾರ ವಿದ್ಯುಕ್ತವಾದ್ ಚಾಲನೆ ಕೊರಿಯೆರ್.
ಈ ಪ್ರದರ್ಶನಡ್ ಟೆಂಪಲ್ ಸಂಗ್ರಹನ್ ಇಲಾ ಕಿರಣ್ ಶೆಟ್ಟಿ,ಮೈನ್ ಡೈಮಂಡ್ಸ್ ನ್ ವೈಷ್ಣವಿ ಕೊಡವೂರು,ಜೆಮ್ಸ್ ಸ್ಟೋನ್ ಸಂಗ್ರಹನ್ ನೊಲಿಟ ಸಲ್ಡಾನ ಅನಾವರಣ ಮಲ್ತೆರ್.

ಇಲಾ ಕಿರಣ್ ಶೆಟ್ಟಿ ಪಾತೆರ್ದ್ ಬಂಗಾರ್ದ ಓಲೆಲು ಪೊಂಜೊವುನಕ್ಲೆಗ್ ಧೈರ್ಯ, ಆತ್ಮವಿಶ್ವಾಸ ಕೊರ್ಪುಂಡ್ ಪಂಡೆರ್.

ನೊಲಿಟ ಸಲ್ಡಾನ ಪಾತೆರ್ದ್ ವ್ಯಾಪಾರದ ಒಟ್ಟುಗ್ ಸಾಮಾಜಿಕ ಕಳಕಳಿದ ಬಗ್ಗೆ, ವೈಷ್ಣವಿ ಕೊಡವೂರ್ ಆರ್ಟಿಸ್ಟ್ರಿದ ಸಂಗ್ರಹದ ಬಗ್ಗೆ ಮೆಚ್ಚುಗೆ ವ್ಯಕ್ತ ಪಡಿಸಾಯೆರ್.

ವಿಶೇಷ ಆಕರ್ಷಣೆಯಾದ್ ಸ್ವಾತಿ ಕುಲಾಲ್,ಪವಿತ್ರ ಶೆಣೈ ರಾಂಪ್ ವಾಕ್ ಮಲ್ತುದ್ ಮನರಂಜನೆ ಕೊರಿಯೆರ್.

ಉಡುಪಿ ಶಾಖಾ ಮುಖ್ಯಸ್ಥ ಹಫೀಝ್ ರೆಹಮಾನ್, ಪುರಂದರ ತಿಂಗಳಾಯ, ರಾಘವೇಂದ್ರ ನಾಯಕ್, ತಂಝೀಮ್ ಶಿರ್ವ, ಮುಸ್ತಫಾ ಉಪಸ್ಥಿತರಿತ್ತೆರ್. ಸಂದೇಶ್ ಪೆರ್ಡೂರು ಸ್ವಾಗತ ಮಲ್ತುದ್ , ವಿಘ್ನೇಶ್ ಸೊಲ್ಮೆ ಸಂದಾಯ್ತ ಮಲ್ತೆರ್.

ಮೈನ್‍ ಡ್ ವಜ್ರಾಭರಣೊಲೆನ ಅಭೂತ ಪೂರ್ವ ಸಂಗ್ರಹ, ಪೊಸ ಮದಿಮಾಲೆನ ವಿಶಿಷ್ಟ ಸಂಗ್ರಹ ಬೊಕ್ಕ ಪ್ರಮಾಣಿಕೃತ ವಜ್ರಾಭಾರಣ ಇತ್ತುದ್, `ಡಿವೈನ್‍ ಡ್ ಭಾರತೀಯ ಸಂಸ್ಕೃತಿನ್ ಪ್ರತಿಬಿಂಬಿಸಾವುನ ಬಂಗಾರ್ದ ಓಲೆದ ಸಂಗ್ರಹ ಉಂಡು. `ಪ್ರಿಶಾ’ ಡ್ ರುಬಿ, ಎಮರಾಲ್ದ್ ಅಮೂಲ್ಯ ಹರಳುಲೆನ ಸಮಕಾಲೀನ ಬಂಗಾರ್ದ ಓಲೆದ ಸಂಗ್ರಹ ಇತ್ತುದ್, ಎಥಿನಿಕ್ಸ್ ಡ್ ಕೈಕುಶಲತೆದ ಸೊಬಗುದ ಪಾರಂಪರಿಕ ಬಂಗಾರ್ದ ಓಲೆದ ಪ್ರದರ್ಶನ ಬೊಕ್ಕ ಮಾರಾಟ ಉಂಡು. `ಎರ’ ಅನ್ಕಟ್ ಡೈಮಂಡ್ಸ್ ಬೊಕ್ಕ ಚಿನ್ನಾಭರಣಲೆನ ಅಪೂರ್ವ ಸಂಗ್ರಹ ಇತ್ತುಂಡ
ವಿಶೇಷ ಕೊಡುಗೆಯಾದ್ ಬಂಗಾರ್ದ ಮಿತ್ತ್ ಫೇರ್ ಪ್ರೈಸ್,ವಜ್ರಗ್ ಶೇ.25 ಮುಟ್ಟ ಕಮ್ಮಿ ಆಪುಂಡ್ ಪಂಡುದು ತೆರಿಪಾಯೆರ್.

ಈ ಸಂದರ್ಭಡ್ ಸಿಬ್ಬಂದಿ ವರ್ಗದಕುಲು ,ಗ್ರಾಹಕೆರು ಉಪಸ್ಥಿತರಿತ್ತೆರ್.