ತನು ಯೋಗ ಭೂಮಿ

ಸಾಧ್ಯ ಆಯಿನಾತ್ ವಿದ್ಯಾರ್ಥಿಲೆಗ್ ಯಾನು ಕಲ್ತಿನ ಯೋಗನ್ ಎಂಕ್ ಪುರುಸೋತ್ತ್ ಉಪ್ಪನಗ ಕಲ್ಪಾವೊಡ್ ಪಂಡುದ್ ಎನ್ನ ಆಸೆ . ಈ ಕಾರಣಡ್ದಾವರ ಎನ್ನ ರಕ್ಷಕೆರೆನ ಪ್ರೋತ್ಸಾಹಡ್ದ್ ತನು ಯೋಗ ಭೂಮಿ ಪನ್ಪಿನ ಯೋಗಪ್ರಧಾನವಾಯಿನ ಕಾರ್ಯಕ್ರಮನ್ ಇದಮುಟ್ಟ 40ಗ್ ಲಾ ಜಾಸ್ತಿ ಶಿಕ್ಷಣ ಸಂಸ್ಥೆಲೆಡ್ ಪ್ರದರ್ಶನ ಮಲ್ದೆ. ಈ ಸರ್ತಿ ಕ್ರಿಸ್ ಮಸ್ ರಜಾ ದಿನೊಕ್ಲೆಡ್ 6 ದಿನಟ್ 11 ಶಾಲೆದ 3492 ವಿದ್ಯಾರ್ಥಿಲೆನ ಎದುರುಡ್ ಈ ಕಾರ್ಯಕ್ರಮ ಪ್ರದರ್ಶನ ಆತುಂಡ್. ಸದ್ಯೊಗೇ 50ನೇ ಪ್ರದರ್ಶನದ ನಿರೀಕ್ಷೆಡ್ ಉಲ್ಲೆ.ಎಂಕ್ ಕಾರ್ಯಕ್ರಮ ಮಲ್ಪರೆಗ್ ಪ್ರೋತ್ಸಾಹ ಮಲ್ತಿನ ಮಾತೆರೆಗ್ಲಾ ಯಾನು ಚಿರ ಋಣಿ
ಪಂಡುದ್ ಯೋಗಬಾಲೆ ತನುಶ್ರೀ ಪಿತ್ರೋಡಿ ಪಂಡೆರ್.
ಉಡುಪಿಯ ಯೋಗಬಾಲೆ ತನುಶ್ರೀ ಪಿತ್ರೋಡಿ ಕ್ರಿಸ್ ಮಸ್ ರಜೆತ್ತ ಪೊರ್ತುನ್ ಎಡ್ಡೆ ರೀತಿಡ್ ಗಲಸೊಂದೆರ್. ಅರೆನ ವಿಶಿಷ್ಟ ಪರಿಕಲ್ಪನೆದ ಯೋಗ ನೃತ್ಯ ಬೊಕ್ಕ ವಾಚಿಕಾಭಿನಯದ ತನು ಯೋಗ ಭೂಮಿ ಪನ್ಪಿನ ಕಾರ್ಯಕ್ರಮನ್ ರಜಾ ಅವಧಿಡ್ ನಿರಂತರವಾದ್ ಕೊರ್ತೆರ್. ಕೇವಲ 6ದಿನಟ್ 11 ಶಾಲೆದ 3492 ವಿದ್ಯಾರ್ಥಿಲು ಈ ಕಾರ್ಯಕ್ರಮ ವೀಕ್ಷಣೆ ಮಲ್ದೆರ್. ಇದಮುಟ್ಟ 41 ತನು ಯೋಗ ಭೂಮಿ ಕಾರ್ಯಕ್ರಮ‌ ಕೊರ್ತಿನ ಬಗ್ಗೆ ಮೇರ್ ಸದ್ಯೊಡೇ 50ನೇ ಪ್ರದರ್ಶನಗ್ ತಯಾರಾತೆರ್.