ದೇವೆರೆನ ಪಾದ ಸೇರಿನ ನಿಂಜೂರು ಕಂಬುಲದ ರೂವಾರಿ ಜಾರ್ಕಳ ಅಜಿತ್ ಹೆಗ್ಡೆ

ಸಾರ  ವರ್ಸೊದ ಪರತಿರಿ ಉಪ್ಪುನ ನಿಂಜೂರು ಕೊಡಮಣಿತ್ತಾಯ ದೇವಸ್ಥಾನದ ಆಡಳಿತ ಮುಕ್ತೇಸರೆರಾಯಿನ ಜಾರ್ಕಳ ಅಜಿತ್ ಹೆಗ್ಡೆ ಸೆಪ್ಟೆಂಬರ್ 29 ತಾರೀಕುದಾನಿ ದೇವೆರೆನ ಪಾದ ಸೇರಿಯೆರ್.72 ವರ್ಸ ಪ್ರಾಯದ ಮೇರ್ ಕರಿನ ಕೆಲವು ವರ್ಸೊಡಿಂಚಿ ಕೊಡಮಣಿತ್ತಾಯ ದೇವಳದ ಮುಕ್ತೇಸರೆರಾದ್ ಸೇವೆ ಮಲ್ತೊಂದಿತ್ತುದ್, ತುಳುನಾಡ್ದ್ ಜಾನಪದ ಆಚರಣೆ ಕಂಬುಲದ ರೂವಾರಿ ಆದಿತ್ತೆರ್.ಅಜಿತ್ ಹೆಗ್ಡೆ ಕುಟುಂಬ ಪಿರಾಕುಡಿಂಚಿಲಾ ಕಂಬುಲ ನಡಪಾವೊಂದ್ ಬರೊಂದಿತ್ತುದ್ ಕಾರ್ಣಿಕದ ದೈವ ಕೊಡಮಣಿತ್ತಾಯನ ತಲಜಾಗೆಡ್ ಸಾಂಪ್ರದಾಯಿಕವಾದ್ ಕಂಬುಲ ನಡತೊಂದಿತ್ತುಂಡ್.
ಸಮಾಜಸೇವೆಡ್ ನಿರಂತರವಾದ್ ತೊಡಗಿಸಾವೊಂದಿತ್ತಿನ ಮೇರ್ ಲತಾ ಮೆಡಿಕಲ್ಸ್ ಕಾರ್ಕಳದ ಸ್ಥಾಪಕೆರಾದಿತ್ತೆರ್.

ಕೋಡೆ ದೇವೆರೆನ ಪಾದ ಸೇರಿನ ಮೇರ್ ಬುಡೆದಿ,3 ಜನ ಪೊಣ್ಣು ಜೋಕುಲು,ಪುಳ್ಳಿನಕುಲು,ಬೊಕ್ಕ ಮಸ್ತ್ ಜನ ಬಂಧುಲೆನ್ ಅಗತುದೆರ್.
ಮೆರೆನ ಕಡೆತ್ತ ದರ್ಶನ ಗುರುವಾರ ಕಾಂಡೆ 8.30 ಗಂಟೆಡ್ದ್ 10 ಗಂಟೆಮುಟ್ಟ ಅರೆನ ಸ್ವಂತ ಇಲ್ಲ್ “ಕಸ್ತೂರಿ” ತೆಳ್ಳಾರ್ ರಸ್ತೆ,ಕಾರ್ಕಳಡ್ ನಡಪರೆಗಿತ್ತುದ್,ಮಧ್ಯಾಹ್ನ 12.30 ಗಂಟೆಗ್ ನಿಂಜೂರುದ ಪಡ್ಡಾಯಿದಿಲ್ಲಡ್ ಕಡೇತ್ತ ಸಂಸ್ಕಾರ ನಡಪರೆಗುಂಡ್.