ಭೀಮಾ ಜ್ಯುವೆಲ್ಲರ್ಸ್ ಮಾಲಕೆರಾಯಿನ ಕೊಡುಗೈ ದಾನಿ ಕೃಷ್ಣನ್ ದೇವೆರೆನ ಪಾದ ಸೇರಿಯೆರ್ . ಕೇರಳ ಕರ್ನಾಟಕ ತಮಿಳುನಾಡು ಆಂಧ್ರ ಸೇರ್ದ್ ಮಸ್ತ್ ಕಡೆಟ್ ಪುಗಾರ್ತೆ ಪಡೆಯಿನ ಭೀಮಾ ಜ್ಯುವೆಲ್ಲರ್ಸ್ ಸಂಸ್ಥೆಲೆನ ಮಾಲಕೆರಾಯಿನ ಕೊಡುಗೈ ದಾನಿ ಬಿ ಕೃಷ್ಣನ್ ( 76) ಇನಿ ಸೋಮವಾರ ರಾತ್ರೆ ಅಲ್ಪಕಾಲದ ಅನಾರೋಗ್ಯಡಾದ್ ತೀರು ಪೋಯೆರ್ . ಪತ್ನಿ , ಮೂಜಿ ಜನ ಪೊಣ್ಣು ಜೋಕುಲು, ಒರಿ ಮಗನ್ ಮೇರು ಅಗತುದೆರ್.
ಉದ್ಯಮದ ಲಾಭಾಂಶೊಡ್ ಬೇತೆ ಬೇತೆ ಧಾರ್ಮಿಕ ಸಾಂಸ್ಕೃತಿಕ ಸಾಮಾಜಿಕ ಕಾರ್ಯೊಲೆಗ್ ಉದಾರವಾಯಿನ ದಾನ ಮಲ್ತುದ್ ಧರ್ಮಬೀರು ಪಂಡುದೇ ಪುಗಾರ್ತೆ ಪಡೆದೆರ್. ಉಡುಪಿದ ಕೃಷ್ಣ ಮಠತ್ತ ಅಷ್ಟಮಠೊಲೆಗ್ ಅಪಾರ ವಾಯಿನ ದೇಣಿಗೆ ಕೊರೊಂದಿತ್ತೆರ್.
ಅದಮಾರು ,ಪೇಜಾವರ ಪಲಿಮಾರು ಪುತ್ತಿಗೆ , ಕಾಣಿಯೂರು ಕೃಷ್ಣಾಪುರ ,ಸೇರಿನಂಚ ಅಷ್ಟಮಠಾಧೀಶೆರು , ಶಾಸಕೆರಾಯಿನ ರಘುಪತಿ ಭಟ್ ಸಚಿವೆರಾಯಿನ ಕೋಟ ಶ್ರೀನಿವಾಸ ಪೂಜಾರಿ ಸೇರ್ದ್ ಗಣ್ಯೆರು ಕೃಷ್ಣನ್ ಸಾವುಗ್ ತೀವ್ರ ಆಘಾತ ಸಂತಾಪ ವ್ಯಕ್ತಪಡಿಸಾದೆರ್.
by 