????ಬ್ರೇಕಿಂಗ್ ನ್ಯೂಸ್

ಮುಲ್ಕಿಡ್ ಇನಿಲ ಚಿರತೆ!

ಮುಲ್ಕಿ ವಿಜಯಾ ಕಾಲೇಜಿದ ಕೈತಲ್ ಇನಿಲ (ಗುರುವಾರ) ರಾತ್ರೆ 7 ಗಂಟೆದ ಪೊರ್ತುಡು ಚಿರತೆ ತೂವರೆ ತಿಕ್ ದ್ಂಡ್ !

ಬುಧವಾರ ರಾತ್ರೆ 8 ಗಂಟೆಗ್ ಅವ್ವೇ ಜಾಗೆಡ್ ಮಲ್ಲ ಚಿರತೆ ಪಾಸ್ ಆತಿ‌ನ ಆಟೊರಿಕ್ಷಾ ಮಾಲಕೆರ್ ಕಿಶೋರ್ ತೂದಿತ್ತೆರ್. ಆಂಡ ಇನಿ ರಾತ್ರೆ ಒಂತೆ ಬೇಗನೆ ಏಳ್ ಗಂಟೆದ ಪೊರ್ತುಡು ಮಲ್ಲ ಗಾತ್ರದ ಚಿರತೆ ಮಾರ್ಗೊಡು ಬಲ್ತೊಂದು ಪೋಯಿನೆನ್ ಸ್ಕೂಟರ್ ಡ್ ಪೋವೊಂದಿತ್ತಿನ ಕಕ್ವದ ಒಂಜಿ ಜನ ಈ ಚಿರತೆನ್ ತೂಯೆರ್ ಪಂದ್ ಮುಲ್ಕಿ ನಗರ ಪಂಚಾಯತ್ ಸದಸ್ಯೆರ್ ಬಾಲಚಂದ್ರ ಕಾಮತ್ ತೆರಿಪಾಯೆರ್. ಕೊಯ್ಯಾರ್ ಡಂಪಿಂಗ್ ಯಾರ್ಡ್ , ಪೋಸ್ಟ್ ಆಫೀಸ್ ಪರಿಸರದ ಗುಡ್ಡೆರ್ದ್ ವಿಜಯ ಕಾಲೇಜಿದಲ್ಪ ಚಿರತೆ ಪಾಸ್ ಆತ್ಂಡ್. ಈ ಬಗೆಟ್ಟ್ ಅರಣ್ಯ ಇಲಾಖೆದಕ್ಲೆಗ್ ಮಾಹಿತಿ ಕೊರ್ತೆ ಪಂದ್ ಕಾಮತ್ ಪಂಡೆರ್.
ಮುಲ್ಕಿ ಪೇಂಟೆದ ಪರಿಸರೊಡು ರಡ್ಡ್ ತಿಂಗೊಲುರ್ದಿಂಚಿ ರಡ್ಡ್ ಕಿನ್ನಿ ಚಿರತೆಲೆನ ಒಟ್ಟುಗು ರಡ್ಡ್ ಮಲ್ಲ ಚಿರತೆ ಅಕ್ಕಸಾಲಿಗರ ಕೇರಿ, ಕೊಯ್ಯಾರ್ ದಲ್ಪ ಸಂಚಾರ ಮಲ್ತೊಂದಿತ್ತ್ ದ್ ಜನಕುಲು ಪೋಡಿಗೆಡ್ ಕತ್ತಲೆ ಆವೊಡ್ಡನೇ ಇಲ್ಲ್ ಸೇರೊಂದಿತ್ತೆರ್. ಅರಣ್ಯ ಇಲಾಖೆದಕುಲು ಅಲ್ಪಲ್ಪ ಗೂಡು ದೀದ್ ಕಾತ್ ಕುಲ್ದಿತ್ತೆರ್. ಆಂಡ ಇಂಚೊಗು ಚಿರತೆಗ್ ದೀತಿನ ಗೂಡುನು ಕಿನ್ನಿಗೋಳಿದ ಎಳತ್ತೂರುದ ಕೃಷಿಕನ ಮಿತ್ತ್ ಚಿರತೆ ಅಟ್ಯಾಕ್ ಮಲ್ದಿನ ಹಿನ್ನೆಲೆಡ್ ಅಂಚಿ ಶಿಫ್ಟ್ ಮಲ್ತ್ ದೆರ್ ಪಂದ್ ಬಾಲಚಂದ್ರ ಕಾಮತ್ ತೆರಿಪಾಯೆರ್.