ಬಸ್ ಪಲ್ಟಿ

ಬ್ರೇಕಿಂಗ್ ನ್ಯೂಸ್

ಫರಂಗಿಪೇಟೆಡ್ ಬಸ್ ಪಲ್ಟಿ : ಮಸ್ತ್ ಜನಕ್ ಗಾಯ

ಫರಂಗಿಪೇಟೆ : ಆಗಸ್ಟ್ 16: ಬೆಂಗ್ಳೂರುರ್ದು ಕುಡ್ಲಗ್ ಪೋವೊಂದು ಇತ್ತಿನ ಖಾಸಗಿ ಬಸ್ ಒಂಜಿ ಚಾಲಕನ ನಿಯಂತ್ರಣ ತತ್ತ್ ದ್ ಪಲ್ಟಿಯಾದ್ 10 ರ್ದ್ ಜಾಸ್ತಿ ಜನಕ್ ಗಂಭೀರವಾದ್ ಗಾಯ ಆಯಿನ ಘಟನೆ ಫರಂಗಿಪೇಟೆ ಕೈತಲ್ ದ ಹತ್ತನೇ ಮೈಲಿಕಲ್ಲು ದ ಕೈತಲ್ ಇನಿ ಕಾಂಡೆ ನಡತುಂಡು .

ಚಾಲಕನ ಬಾರಿ ವೇಗದ ಚಾಲನೆ ಅತ್ತುಂಡ ಗಾಡಿಡ್ ಆಯಿನ ತಾಂತ್ರಿಕ ದೋಷರ್ದ್ ಅಪಘಾತ ಆದ್ ಉಪ್ಪು ಪಂದ್ ಅಂದಾಜು ಮಲ್ದೆರ್.

ಘಟನೆರ್ದ್ ಗಾಯ ಆಯಿನಕ್ಲೆನ ಪುದರ್ ವಿಳಾಸದ ಮಾಹಿತಿ ಒವುಲಾ ತಿಕ್ಕಿದೀಜಿ ‌. ಗಾಯ ಆಯಿನ ಮಾತೆರೆನ್ಲ ಕುಡ್ಲದ ಖಾಸಗಿ ಆಸ್ಪತ್ರೆಗ್ ದಾಖಲ್ ಮಲ್ದೆರ್ . ಕೈತಲ್ ದ ಜವಣ್ಯೆರ್ ಗಾಯ ಆಯಿನಕ್ಲೆನ್ ಬಸ್ ರ್ದ್ ಪಿದಾಯಿ ದೆತ್ತ್ ದ್ ಮಾರ್ಗಡ್ ಪೋವೊಂದು ಇತ್ತಿನ ಗಾಡಿಡ್ ಪಾರ್ದ್ ಕುಡ್ಲದ ಆಸ್ಪತ್ರೆಗ್ ಸೇರಾಯೆರ್.

ಜಾಗೆಗ್ ಬಂಟ್ವಾಳ ಸಂಚಾರ ಪೊಲೀಸೆರ್ ಭೇಟಿ ಕೊರ್ದು ಪರಿಶೀಲನೆ ನಡಪಾವೊಂದು ಉಲ್ಲೆರ್ .