ಮೀನುಗ್ ಗಾಳ ಪಾಡರೆ ಪೋದ್ ತುದೆಪಾಲಾಯಿನ ಎಲ್ಯ ಪ್ರಾಯೊಡೇ ದೈವನಲಿಕೆಡ್ ಪುಗರ್ತೆನ್ ಪಡೆದಿನ ದಿಲೀಪ್

ತುದೆಟ್ ಮೀನುಗ್ ಗಾಳ ಪಾಡರೆಗ್ ಪೋತಿನಲ್ಪ ಆಕಸ್ಮಿಕವಾದ್ ಕಾರುಜಾರ್ದ್ ಶಿರ್ವದ 33 ವರ್ಸ ಪ್ರಾಯದ ದಿಲೀಪ್ ತುದೆಕ್ ಬೂರ್ದೆರ್.ಶಿರ್ವ ನಡಿಬೆಟ್ಟು ಅಣೆಕಟ್ಟುದ ಕೈತಲ್ ಐತಾರದಾನಿ ದಿಲೀಪ್ ಬೊಕ್ಕ ಅರೆನ ಮೂಜಿ ಜನ ದೋಸ್ತಿನಕ್ಲೆನೊಟ್ಟುಗ್ ಗಾಳ ಪಾಡೊಂದಿತ್ತೆರ್.ಈ ಪೋರ್ತುಡ್   ದಿಲೀಪ್ ಮೇರು ಆಕಸ್ಮಿಕವಾದ್ ಕಾರು ಜಾರ್ದ್ ತುದೆಕ್ ಬೂರ್ದೆರ್ ಪಂಡುದ್ ಸುದ್ದಿ ಆತುಂಡ್.

ದಿಲೀಪ್ ಮೇರು ಎಲ್ಯ ಪ್ರಾಯೊಡೇ ತುಳುನಾಡೊರ್ಮೆ   ದೈವಸ್ಥಾನೊಲೆಡ್ ದೈವನಲಿಕೆ ಮಲ್ತೊಂದಿತ್ತುದ್ ಪುಗರ್ತೆನ್ ಪಡೆದೆರ್.ಹೆಚ್ಚಾದ್ ಬಬ್ಬುಸ್ವಾಮಿ ದೈವದ ನಲಿಕೆಗ್ ಪುದರ್ ಪಡೆಯಿನಾರ್.

ಇತ್ತೆ ಪುರುಸೋತ್ತುಡುಪ್ಪುನೆಡ್ದಾವರ ಹವ್ಯಾಸೊಗಾದ್ ತುದೆಟ್ ದೋಸ್ತಿನಕುಲು ಕೂಡ್ದ್ ಗಾಳ ಪಾಡರೆಗ್ ಪೋವೊಂದಿತ್ತೆರ್.ಅಂಚ ಕೋಡೆದ ದಿನೊಟ್ ಈ ಘಟನೆ ನಡತುಂಡ್.
ಶಿರ್ವ ಪೊಲೀಸೆರ್,ಅಗ್ನಿಶಾಮಕ ದಳ ಬೊಕ್ಕ ಮಲ್ಪೆದ ಮುಳುಗುತಜ್ಞೆರಾಯಿ ಈಶ್ವರ್ ಮಲ್ಪೆ ಕೋಡೆ ತಡರಾತ್ರೆಮುಟ್ಟ ದಿಲೀಪ್ನ್ ನಾಡರೆಗ್ ಪ್ರಯತ್ನ ಮಲ್ತುದೆರ್.ಆಂಡ ನನಲಾ ತಿಕ್ಕುಜಿ ಪಂಡುದ್ ತೆರಿಪಾದೆರ್.ಕಾರ್ಯಾಚರಣೆ ಮಲ್ತೊಂದುಲ್ಲೆರ್ ಪಂಡುದ್ ತೆರಿದ್ ಬೈದುಂಡ್