ನಕ್ಸಲ್ ಮುಖಂಡ ವಿಕ್ರಂಗೌಡ ಎನ್ಕೌಂಟರ್
ಹೆಬ್ರಿ : ನಕ್ಸಲ್ ಮುಖಂಡ ವಿಕ್ರಂಗೌಡನ್ ಎನ್ಕೌಂಟರ್ ಮಲ್ದೆರ್. ಕರಿನ ಕೆಲದಿನಡಿಂಚಿ ಹೆಬ್ರಿ, ಶೃಂಗೇರಿ ಭಾಗಡ್ ನಕ್ಸಲ್ ಚಲನವಲನದ ಬಗ್ಗೆ ಎಎನ್‌ಎಫ್‌ಗೆ ಮಾಹಿತಿ ಲಭ್ಯವಾದಿತ್ತುಂಡ್. ANF ತಂಡ ಕೋಡೆ ಮಲ್ತಿನ ಕೂಂಬಿಂಗ್ ಪೊರ್ತುಡ್ ವಿಕ್ರಂಗೌಡ ನೇತೃತ್ವದ ನಕ್ಸಲ್ ತಂಡ ಮುಖಾಮುಖಿಯಾಯಿನಪಗ ಶೂಟೌಟ್‌ ಡ್ ಎನ್ಕೌಂಟರ್ ಆತೆ.. ಹೆಬ್ರಿ ವ್ಯಾಪ್ತಿಡ್ ಸೀತಂ ಬೈಲ್ ಡ್ ಘಟನೆ ನಡೆದುಂಡ್ ಪಂಡುದ್ ಪ್ರಾಥಮಿಕ ಮಾಹಿತಿ ಲಭ್ಯವಾತುಂಡ್.
ಕರಿನ ಸೆಪ್ಟೆಂಬರ್ ತಿಂಗಳುಡ್ ನಕ್ಸಲ್ ಮುಖಂಡ ವಿಕ್ರಂ ಗೌಡ ಬೊಕ್ಕ ಆಯ ನ ಒಟ್ಟುಡಿತ್ತಿನ ಆಜಿ ಜನ ಪೊಲೀಸೆರೆಗ್ ಶರಣಾದ್ ಸಮಾಜದ ಮುಖ್ಯ ವಾಹಿನಿಗ್ ಬರ್ಪೆರ್ ಪಂಡುದ್ ವದಂತಿ ಆದಿತ್ತುಂಡ್.. ಕೇಂದ್ರ ಸರ್ಕಾರದ ಸೂಚನೆದಂಛ ಕೇರಳ, ಛತ್ತೀಸ್ಗಢ, ಆಂಧ್ರಡ್ ನಕ್ಸಲ್ ವಿರೋಧಿ ಕಾರ್ಯಾಚರಣೆ ತೀವ್ರವಾದಿತ್ತುದ್ ಕಾಡಿತ್ತಿನ ಗ್ರಾಮಡ್ ಬೆಂಬಲ ಸಿಕ್ಕಂದೇ ಇತ್ತುದ್ ಅಕ್ಲೆಗ್ ಅಲ್ಪ ಉಂತುನ ವ್ಯವಸ್ಥೆ ಪ್ರಶ್ನೆಯಾದಿತ್ತುಂಡ್.ಇಂಚಪ್ಪೊಗ್ ಅವ್ , ಸುರುಕ್ ಸುಬ್ರಹ್ಮಣ್ಯ ದಲ್ಪದ ಕೂಜಿಮಲೆದಲ್ಪ ನಕ್ಸಲೆರು ತೋಜಿದಿತ್ತೆರ್. ಆಂಡ ಎಎನ್‌ಎಫ್ ಕೂಂಬಿಂಗ್ ಡುಲಾ ಅಕುಲು ತಿಕ್ಕುಜೆರ್.
ವಿಕ್ರಂ ಗೌಡ ಕರಿನ 10 ವರ್ಷಡಿಂಚಿ ಪಶ್ಚಿಮ ಘಟ್ಟದ ನಕ್ಸಲರಿಗೆ ಮುಖಂಡೆ ಆದಿತ್ತೆ. 2012 ಡ್ ಕರ್ನಾಟಕ ಭಾಗಡ್ ನಕ್ಸಲ್ ಕಾರ್ಯಾಚರಣೆ ತೀವ್ರ ಆಯಿಬೊಕ್ಕ ಕೇರಳದಂಚಿ ಪರಾರಿಯಾದಿತ್ತೆರು. ಕರಿನ ವರ್ಷ ವಯನಾಡು ಸೇರಿನಂಚ ಕೇರಳಡ್ ನಕ್ಸಲೆರೆನ ವಿರುದ್ಧ ಕಾರ್ಯಾಚರಣೆ ಚುರುಕು ಆದಿತ್ತುಂಡ್.. ಬೊಕ್ಕ ದಕ್ಷಿಣ ಕನ್ನಡ, ಉಡುಪಿ ಜಿಲ್ಲೆದ ಪಶ್ಚಿಮ ಘಟ್ಟದ ವ್ಯಾಪ್ತಿಡ್ ನಕ್ಸಲೆರು ತೋಜಿದಿತ್ತೆರು.
ಕಬ್ಬಿನಾಲೆ ಗ್ರಾಮದ ಸೀತಂಬೈಲು ಡ್ ಸೋಮವಾರ ರಾತ್ರೆ ನಕ್ಸಲ್ ಕೂಂಬಿಂಗ್ ಕಾರ್ಯಾಚರಣೆ ನಡೆದುಂಡ್. ಈ ಪೊರ್ತುಡ್ ಗುಂಡುದ ಕಾಳಗಡ್ ನಕ್ಸಲ್ ಮುಖಂಡೆ ವಿಕ್ರಂ ಗೌಡ ಎಂಟರ್ ಆತೆ ಪಂಡುದು ತೆರಿದುಂಡ್. ಇಂಚಪ್ಪೊಗ್ ಚಿಕ್ಕಮಗಳೂರು ಜಿಲ್ಲೆಯ ಜಯಪುರ ಪೊಲೀಸ್ ಠಾಣಾ ವ್ಯಾಪ್ತಿದ ಒಂಟಿ ಇಲ್ಲಗ್ ನಕ್ಸಲೆರು ಭೇಟಿ ಕೊರಿನ ಬಗ್ಗೆ ವರದಿಯಾದಿತ್ತುಂಡ್. ಕೊಪ್ಪ ತಾಲೂಕುದ ಯಡಗುಂದ ಗ್ರಾಮಗುಲಾ ನಕ್ಸಲೆರು ಭೇಟಿ ಕೊರ್ದ್ , ಅರಣ್ಯ ಒತ್ತುವರಿ ಬೊಕ್ಕ ಕಸ್ತೂರಿ ರಂಗನ್ ವರದಿ ಜಾರಿ ವಿಚಾರಡ್ ಚರ್ಚೆ ಮಲ್ದೆರ್.
ಈ ಹಿನ್ನೆಲೆಡ್ ನಕ್ಸಲ್ ವಿರೋಧಿ ಕೂಂಬಿಂಗ್ ಕಾರ್ಯ ಚುರುಕು ಮಲ್ದಿತ್ತೆರ್.. ಕೋಡೆ ರಾತ್ರೆಡ್ ಕಬ್ಬಿನಾಲೆ ಗ್ರಾಮಗ್ ದಿನಸಿ ಸಾಮಗ್ರಿ ಕನರೆಗ್ ಐನ್ ಜನ ನಕ್ಸಲೆರು ಎಂಟ್ರಿ ಕೊರ್ತೆರ್. ಈ ಪೊರ್ತುಡ್ , ಗುಂಡುದ ಚಕಮಕಿ ನಡೆದಿತ್ತುದ್ ವಿಕ್ರಂ ಗೌಡ ಬಲಿಯಾತೆರ್. ಬಾಕಿದ ನಾಲ್ವೆರು ಪರಾರಿಯಾತೆರ್.
by 