ಸಂತೆಕಟ್ಟೆಡ್ ಕಬ್ಬೆ ಬೂರಿನ ಟ್ಯಾಂಕರ್

ಉಡುಪಿದ ಸಂತೆಕಟ್ಟೆಡ್ ರಾಷ್ಟ್ರೀಯ ಹೆದ್ದಾರಿದ ಕಾಮಗಾರಿ ನಡತೊಂದಿತ್ತುದ್, ಅಲ್ಪ ಆಯಿಲ್ ದ ಟ್ಯಾಂಕರ್ ಪೋವನಗ ಮಣ್ಣು ಜಾರ್ದ್ ಟ್ಯಾಂಕರ್ ಕಬ್ಬೆ ಬೂರ್ದುಂಡ್.. ಈ ಅಪಘಾತಡ್ ಎರೆಗುಲಾ ತೊಂದರೆ ಆತುಜಿ ಪಂಡುದ್ ಸುದ್ದಿಮೂಲಡ್ ತೆರಿದುಂಡ್.. ಆಂಡಲಾ ಸಂತೆಕಟ್ಟೆಡ್ ವಾಹನಚಾಲಕೆರ್ ಬಾರೀ ಜಾಗರೂಕತೆಡ್ ಸಂಚಾರ ಮಲ್ಪೊಡಾಪುಂಡ್. ಇಜ್ಜಾಂಡ ಒಂಜತ್ತ್ ಒಂಜಿ ಅಪಾಯ ತಪ್ಪಂದ್. ಪಂಡುದ್ ಅಲ್ಪದ ತಾದಿದ ಅವಸ್ಥೆ ತೂವನಗನೇ ತೆರಿಯುಂಡ್. ಶಾಲೆ ಜೋಕುಲು ಪೋಪಿನ ವಾಹನೊಲು ಅಲ್ಪನೆ  ಪೋಪಿನೆಡ್ದಾವರ ಚಾಲಕೆರ್ ಬಾರೀ ಜಾಗರೂಕತೆಡ್ ಪೋವೊಡಾಪುಂಡ್.. ಕರಿನ ಕೆಲವ್ ವರ್ಷಡಿಂಚಿಲಾ ರಾಷ್ಟ್ರೀಯ ತಾದಿದ ಸಮಸ್ಯೆ ಇತ್ತುದ್, ಇತ್ತೆ ಅವ್ವ್ ಸರಿ ಆವು ಪಂಡುದ್ ಜನಕುಲು ಎನ್ನುದಿತ್ತೆರ್. ಆಂಡ ಸಮಸ್ಯೆ ಕುಡಲಾ ಜಾಸ್ತಿ ಆವೊಂದುಂಡ್.. ಈ ಸಮಸ್ಯೆಗ್ ಏಪ ಮುಕ್ತಿ ತಿಕ್ಕುವಾ?  ಸುಗಮ ಸಂಚಾರದ ವ್ಯವಸ್ಥೆ ಏಪ ಆಪುಂಡಾ?  ಕಾಪೊಡ್…