ಕೊರೊನಾ ಪಾಸಿಟಿವ್ ಕೇಸ್ ದಿನೊಡ್ದ್ ದಿನೊಕ್ ಹೆಚ್ಚಾವೊಂದುಪ್ಪುನೆಡ್ದಾವರ ದೇಶದ ಪ್ರತಿಯೊರಿಲಾ ಕಡ್ಡಾಯವಾದ್ ಲಸಿಕೆ ದೆತೊನೊಡ್ ಪಂಡುದ್ ಕೇಂದ್ರ ಸರ್ಕಾರ ಆದೇಶ ಮಲ್ದುಂಡ್. ಈ ನಿಟ್ಟುಡ್ ಅಂಗವಿಕಲೆರೆಗ್, ದುರ್ಬಲೆರೆಗ್ ಲಸಿಕಾ ಕೇಂದ್ರೊಗ್ ಪೋದ್ ಲಸಿಕೆ ಪಾಡೊನರೆಗ್ ಬಾರೀ ಬಂಗದ ಕೆಲಸ.ಆಂಡ ಊರುದ ಸಂಘ ಸಂಸ್ಥೆ ಮನಸ್ ಮಲ್ತುಂಡ ಈ ಕೆಲಸಲಾ ಸುಲಭ ಸಾಧ್ಯ ಪನ್ಪಿನೇಕ್ ಉಡುಪಿ ಕೊಡವೂರುದ ಜವನೆರ್ ತೋಜಾದ್ ಕೊರ್ತೆರ್.
ಊರುದ ಸಂಘ ಸಂಸ್ಥೆಲೆನ ಸಹಯೋಗಡ್ ಏರ್ ಮಾತಾ ಊರುಡ್ ದುರ್ಬಲೆರ್,ಅಂಗವಿಕಲೆರ್,ನಡಪರೆಗಾವಂದಿನಕುಲ್ ಉಲ್ಲೆರಾ ಅಕಲೆಗ್ ಇಲ್ಲಡೆಗೇ ಪೋದು ಲಸಿಕೆ ಕೊರ್ಪಾವುನ ಬೇಲೆ ಊರುದ ಜವನೆರ್ ಒಟ್ಟಾದ್ ಮಲ್ದೆರ್.ಸೆಪ್ಟೆಂಬರ್ 4 ತಾರೀಕುದಾನಿ ಇಲ್ಲ-ಇಲ್ಲಗ್ ಪೋದು ಲಸಿಕೆ ಕೊರ್ಪಿನ ಅಭಿಯಾನಡ್ 5 ಲಸಿಕಾ ಕೇಂದ್ರ ಮಲ್ತುದ್, ಈ ಅಭಿಯಾನದ ಮುಖೇನ ಕೊಡವೂರು ವಾರ್ಡ್ 100% ಲಸಿಕಾವಾರ್ಡ್ ಮಲ್ಪುನೈಟ್ ಯಶಸ್ವಿಯಾತುಂಡ್.
ಮಲ್ಪೆದ ಪ್ರೈಮರಿ ಹೆಲ್ತ್ ಸೆಂಟರ್ ವೈದ್ಯಕೀಯ ತಂಡ,ಆಶಾ ಕಾರ್ಯಕರ್ತೆರ್ ನರ್ಸ್ ಮೊಕ್ಲೆನ ಸಹಕಾರೊಡ್ ಈ ಅಭಿಯಾನ ನಡತುಂಡ್.
ಓಟುದ ಪೊರ್ತುಡು ಮಾತ್ರ ಇಲ್ಲ ಇಲ್ಲಗ್ ಪೋದು ಓಟು ಕೇನುನತ್ತ್ ಜನಕ್ಲೆಗ್ ಸಮಸ್ಯೆ ಬತ್ತುಂಡ ಅಕಲ್ನ ಇಲ್ಲಗೇ ಪೋದು ಅಕಲೆಗ್ ಸರಿಯಾಯಿನ ವ್ಯವಸ್ಥೆ ಮಲ್ತ್ ಕೊರೊಡ್ ಪನ್ಪಿನ ಉದ್ದೇಶೊಡ್ ಕೊಡವೂರು ವಾಡರ್್ದ ಕಾರ್ಯಕರ್ತೆರ್ ಕೊರೊನಾದ ಈ ಭೀಕರ ಪೊರ್ತುಡು ಪ್ರತೀ ಒರಿಯಗ್ ಲಸಿಕೆ ಕೊರ್ಪಾವರೆಗ್ ಮಲ್ದಿನ ಈ ಅಭಿಯಾನ ನಿಜವಾದುಲಾ ಇಡೀ ದೇಶೊಗೇ ಮಾದರಿ.
ಈ ಅಭಿಯಾನೊಡ್ ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಸ್ವಯಂಸೇವಕೆರ್,ಶ್ರೀದೇವಿ ಜ್ಞಾನೋದಯ ಪಾಂಡುರಂಗ ಭಜನಾ ಮಂದಿರ ಕಾನಂಗಿದ ಸರ್ವಸದಸ್ಯೆರ್, ಸ್ನೇಹಿತ ಯುವಸಂಘ ಕೊಪ್ಪಲ್ ತೋಟ,ಉದ್ದಿನಹಿತ್ಲು ಫ್ರೆಂಡ್ಸ್, ವೈಷ್ಣವಿ ಲೇಔಟ್,ವಾಸುಕಿ ನಗರದ ಮಹಾಲಕ್ಷ್ಮೀ ಮಹಿಳಾ ಸಂಘ ಅಂಚೆನೇ ಕೊಡವೂರುದ ಬೇತೆ ಬೇತೆ ಸಂಘ ಸಂಸ್ಥೆದ ಸಹಯೋಗಡ್ ನಡತುಂಡ್.
by 