ಮಣಿಪಾಲ: `ದೇಶ ಪ್ರೇಮ ಎಲ್ಯಪ್ರಾಯೊಡೇ ಬುಲೆಪಾವೊನೊಡ್. ದೇಶದ ಬಗೆಟ್ ಪ್ರೇಮ ಇತ್ತುಂಡ ಮಾತ್ರ ಸಶಕ್ತ ಭಾರತದ ನಿರ್ಮಾಣ ಸಾಧ್ಯ. ಈ ಹಿನ್ನಲೆಡ್ ಪ್ರೌಢಶಾಲಾ ವಿದ್ಯಾರ್ಥಿಲೆಡ್ ದೇಶಪ್ರೇಮ ಪುಟ್ಟಾವುನ ಉದ್ದೇಶಡಾದ್ ರೇಡಿಯೋ ಮಣಿಪಾಲ್ ಡ್ ಆಯೋಜನೆ ಮಲ್ದಿನ ದೇಶಭಕ್ತಿಗೀತೆ ಸಮೂಹ ಗಾಯನ ಸ್ಪರ್ಧಾ ಕಾರ್ಯಕ್ರಮ ಅಭಿನಂದನೀಯ’ ಪಂಡುದು ಮಣಿಪಾಲ್ ಅಕಾಡೆಮಿ ಆಫ್ ಹೈಯರ್ ಎಜ್ಯುಕೇಶನ್ ದ ಸಹ ಕುಲಾಧಿಪತಿ ಡಾ. ಎಚ್ ಎಸ್ ಬಲ್ಲಾಳ್ ಪಂಡೆರು.
ಆರು ಮಣಿಪಾಲ್ ಅಕಾಡೆಮಿ ಆಫ್ ಜನರಲ್ ಎಜುಕೇಶನ್ ಬೊಕ್ಕ ಮಣಿಪಾಲ್ ಇನ್ಟಿಟ್ಯೂಟ್ ಆಫ್ ಕಮ್ಯುನಿಕೇಶನ್ ಸಹಯೋಗಡ್ ರೇಡಿಯೋ ಮಣಿಪಾಲ್ ಸಮುದಾಯ ಬಾನುಲಿ ಕೇಂದ್ರ ಸ್ವಾತಂತ್ರೋತ್ಸವದ ಅಂಗವಾದ್ ಪ್ರೌಢಶಾಲಾ ವಿದ್ಯಾರ್ಥಿಲೆಗ್ ಆಯೋಜನೆ ಮಲ್ದಿನ ಉಡುಪಿ ಜಿಲ್ಲಾ ಮಟ್ಟದ ದೇಶಭಕ್ತಿ ಗೀತೆ ಸಮೂಹ ಗಾಯನ ಸ್ಪರ್ಧೆದ ಬಹುಮಾನ ವಿತರಣಾ ಸಮಾರಂಭಡ್ ಆರು ಮುಖ್ಯ ಅತಿಥಿಯಾದ್ ಪಾತೆರಿಯೆರು.
ಮಣಿಪಾಲ್ ಇನ್ಟಿಟ್ಯೂಟ್ ಆಫ್ ಕಮ್ಯುನಿಕೇಶನ್ (ಎಮ್ ಐ ಸಿ) ಸಂಸ್ಥೆದ ನಿರ್ದೆಶಕೆರಾಯಿನ ಡಾ. ಪದ್ಮಾ ರಾಣಿ ಮೇರು ಪ್ರಾಸ್ತವಿಕ ಪಾತೆರ್ದ್ `ಇಂಚಿನ ಸ್ಪರ್ಧಾ ಕಾರ್ಯಕ್ರಮಡ್ ಪ್ರೌಢಶಾಲಾ ವಿದ್ಯಾರ್ಥಿಲೆಗ್ ದೇಶಪ್ರೇಮ ಪುಟ್ಟರೆಗ್ ಸಾಧ್ಯ’ ಪಂಡುದು ಅಭಿಪ್ರಾಯ ಪಟ್ಟಿಯೆರು.
ಉಡುಪಿ ಜಿಲ್ಲೆದ ಒಟ್ಟು 11 ಪ್ರೌಢಶಾಲಾ ವಿದ್ಯಾರ್ಥಿ ತಂಡೊಲು ಸ್ಪರ್ಧೆಡ್ ಪಾಲ್ ಪಡೆದಿತ್ತುಂಡ್. ಸುರುತ ಇನಾಮುನ್ ಮಾಧವ ಕೃಪಾ ಆಂಗ್ಲ ಮಾದ್ಯಮ ಶಾಲೆ ಮಣಿಪಾಲ್, ರಡ್ಡನೇ ಇನಾಮುನ್ ಟಿ. ಎ. ಪೈ ಇಂಗ್ಲೀಷ್ ಮೀಡಿಯಂ ಹೈಸ್ಕೂಲ್ ಕುಂಜಿಬೆಟ್ಟು, ಮೂಜನೇ ಇನಾಮುನ್ ಜ್ಙಾನಸುಧಾ ಇಂಗ್ಲೀಷ್ ಮೀಡಿಯಂ ಸ್ಕೂಲ್ ಕಾರ್ಕಳ ಪಡೆಯೆರು. ಸಮಧಾನಕಾರ ಬಹುಮಾನ ಸೈಂಟ್ ಫ್ರಾನ್ಸೀಸ್ ಝೇವಿಯರ್ ಇಂಗ್ಲೀಷ್ ಮೀಡಿಯಂ ಸ್ಕೂಲ್ ಉದ್ಯಾವರ ಬೊಕ್ಕ ಗ್ರೀನ್ ಪಾರ್ಕ್ ಸೆಂಟ್ರಲ್ ಸ್ಕೂಲ್ ಹಿರಿಯಡಕ ತಂಡ ಪಡೆತೊಂಡ್.
ರೇಡಿಯೋ ಮಣಿಪಾಲ್ ಸಮುದಾಯ ಬಾನುಲಿ ಕೇಂದ್ರದ ಸಹಾಯಕ ಪ್ರಾಧ್ಯಾಪಕೆರು ಬೊಕ್ಕ ಸಂಯೋಜಕೆರಾಯಿನ ಡಾ. ರಶ್ಮಿ ಅಮ್ಮೆಂಬಳ ಮೇರು ಸೊಲ್ಮೆ ಸಂದಾಯ್ತ ಮಲ್ತೆರ್. ಮಣಿಪಾಲ್ ಇನ್ಟಿಟ್ಯೂಟ್ ಆಫ್ ಕಮ್ಯುನಿಕೇಶನ್ ಸಂಸ್ಥೆದ ವಿದ್ಯಾರ್ಥಿನಿ ಲೆರಿಸಾ ಡಿ’ಸೋಜ ನಿರೂಪಣೆ ಮಲ್ತೆರು. ಸಿಬ್ಬಂದಿಲಾಯಿನ ಮಂಜುನಾಥ್ ಜಿ.ಹೆಚ್, ಮೋಹನ್ ದಾಸ್ ಪೈ, ಪೀಟರ್ ಡಿಸೋಜ,ಕುಶಲ್ ಕುಮಾರ್ ಬಿ., ಸುಧೀರ್ ಸಾಮಂತ್, ವಿನಾಯಕ್ ಅಂಕೋಲಾ ಸಹಕಾರ ಕೊರಿಯೆರು.
by 