ದಿವ್ಯಾಂಗ ರಕ್ಷಣಾ ಸಮಿತಿದ ವತಿಡ್ದ್ ಡಿಸಿ ಭೇಟಿ

ದಿವ್ಯಾಂಗ ರಕ್ಷಣಾ ಸಮಿತಿ ಕೊಡವೂರು ವತಿಡ್ದ್ ಜಿಲ್ಲಾ ಆರೋಗ್ಯಾಧಿಕಾರಿಲೆನ ಭೇಟಿ

ಉಡುಪಿ ಜಿಲ್ಲೆದ ಜಿಲ್ಲಾಧಿಕಾರಿಯಾಯಿನ ಡಾ. ನಾಗಭೂಷಣ್ ಉಡುಪ ಮೆರೆನ್ ಭೇಟಿಯಾದ್ ಉಡುಪಿ ಜಿಲ್ಲೆದ ಬೆನ್ನುಹುರಿ ಅಪಘಾತವಾಯಿನ ದಿವ್ಯಾಂಗೆಋನ ಪುನಶ್ಚೇತನ ಕೇಂದ್ರೊಗ್ ಕೊರಂಗ್ರಪಾಡಿದ ಸರ್ಕಾರಿ ಶಾಲೆದ ಜಾಗನ್ ಸೇವಾಭಾರತಿ ಸಂಸ್ಥೆಗ್ ಕಲ್ಪಿಸಾವುಲೆಕ್ಕ ಮನವಿ ಮಲ್ತೆರ್.

ಉಡುಪಿ ಜಿಲ್ಲೆಡುಪ್ಪುನ ಒಟ್ಟು 80 ಮಂದಿ ಬೆನ್ನುಹುರಿ ಅಪಘಾತವಾಯಿನ ದಿವ್ಯಾಂಗೆರೆನ ಇಲ್ಲಗ್ 108 ಅಂಬುಲೆನ್ಸ್ ದ ಮುಖಾಂತರ ಆರೋಗ್ಯ ಸ್ಪರ್ಶ ಯೋಜನೆಯಡಿ ಇಲ್ಲ ಇಲ್ಲಗ್ ಭೇಟಿ ಕೊರ್ದ್ ತಪಾಸಣೆ ಮಲ್ಪುನ ಬಗ್ಗೆ ಚರ್ಚೆ ಮಲ್ತೆರ್.

ಉಡುಪಿ ಜಿಲ್ಲೆಡುಪ್ಪುನ ಟಿಬಿ ರೋಗಸ್ಥೆರೆನ ಬಗ್ಗೆ ಚರ್ಚಿಸಾದ್ ಅಯಟ್ ಉಡುಪಿ ನಗರ ವ್ಯಾಪ್ತಿಡುಪ್ಪುನ ಟಿಬಿ ರೋಗಸ್ಥರೆನ್ ದತ್ತು ಸ್ವೀಕಾರ ಮಲ್ತುದ್ ನರೇಂದ್ರ ಮೋದಿನ ಕಲ್ಪನೆ ಯೋಜನೆದಲೆಕ್ಕ ಟಿಬಿ ಮುಕ್ತ ದೇಶ ಮಲ್ಪರೆಗ್ ಪಿದಾಡಿನ ಯೋಜನೆನ್ ಟಿಬಿ ರೋಗಮುಕ್ತ ಉಡುಪಿ ಮಲ್ಪರೆಗ್ ತೀರ್ಮಾನ ಮಲ್ತೆರ್. ಈ ಸಂದರ್ಭಡ್ ಉಡುಪಿ ಜಿಲ್ಲೆದ ಕೊಡವೂರು ವಾರ್ಡುದ ನಗರಸಭಾ ಸದಸ್ಯರಾಯಿನ ಕೆ ವಿಜಯ ಕೊಡವೂರು ಬೊಕ್ಕ ಸಾಮಾಜಿಕ ಕಾರ್ಯಕರ್ತರಾಯಿನ ರಾಧಾಕೃಷ್ಣ ಮೆಂಡನ್ ಬೊಕ್ಕ ಅಖಿಲೇಶ್. ಎ ಮೊಕುಲು ಉಪಸ್ಥಿತರಿತ್ತೆರು.