ಕಾಪು ಪೊಸಮಾರಿಗುಡಿ ಜೀರ್ಣೋದ್ಧಾರ ಸಮಿತಿದ ವಿಶೇಷ ಸಂಕಲ್ಪ..

ಕಾಪು ಶ್ರೀ ಹೊಸ ಮಾರಿಗುಡಿ ದೇವಳದ ಜೀರ್ಣೋದ್ಧಾರ ಕಾರ್ಯೊಲ್ ಕ್ಷಿಪ್ರಗತಿಡ್ ಸಾಗೊಡ್ ಪನ್ಪಿನ ಉದ್ದೇಶಡಾದ್ ಇತ್ತೆನೇ ಬೇತೆ ಬೇತೆ ಧಾರ್ಮಿಕ ಕಾರ್ಯಕ್ರಮೊಲು ಕ್ಷೇತ್ರೊಡ್ ನಡೆದುಂಡ್.,ನೆತ್ತ ಒಟ್ಟುಗ್ ಸಮಿತಿದ ಪದಾಧಿಕಾರಿಲು, ಬೇತೆ ಬೇತೆ ಸಮಿತಿದ ಮುಖ್ಯಸ್ಥೆರ್ ನಕುಲು, ಸಿಬ್ಬಂದಿಲು, ಭಕ್ತಾದಿಲು ನಿರ್ಮಾಣ ಕಾರ್ಯ ಶೀಘ್ರಡ್ ಮುಗಿತುದು “ಅಮ್ಮ ಸ್ವರ್ಣ ಗದ್ದುಗೆಡ್” ಪ್ರತಿಷ್ಠಾಪನೆ ಆವೊಡ್ ಪಂಡುದ್ ಪ್ರಾರ್ಥನೆ ಮಲ್ತೊಂದ್ ಸಮಿತಿದ ಮಾತಾ ಪದಾಧಿಕಾರಿಲಿ ಅಮ್ಮಗ್ ಪ್ರಿಯವಾಯಿನ ದಿನ ಮಂಗಳವಾರದಾನಿ ಶಕ್ತ್ಯಾನುಸಾರವಾದ್ ಶಿಲಾಸೇವೆನ್ ಅರ್ಪಿಸಾವುನ್ ಪಂಡುದು ದೀಕ್ಷೆ ದೆತೊಂದೆರ್

ಜೂನ್ 13ರ ಮಂಗಳವಾರ ಕ್ಷೇತ್ರದ ಪ್ರಧಾನ ತಂತ್ರಿಲಾಯಿನ ವಿದ್ವಾನ್ ಶ್ರೀ ಕುಮಾರಗುರು ತಂತ್ರಿ ಮೇರ್ ಚಾಲನೆ ಕೊರ್ತೆರ್, ಅಭಿವೃದ್ಧಿ ಸಮಿತಿದ ಉಪಾಧ್ಯಕ್ಷರಾಯಿನ ಶ್ರೀ ಮನೋಹರ್ ಶೆಟ್ಟಿ ಮೇರ್ ಆರಂಭಡ್ದುಲಾ ಶಿಲಾಸೇವೆನ್ ಕೊರೊಂದಿತ್ತುದ್, ಶ್ರೀಮತಿ ಶಿಲ್ಪಾ ಗಂಗಾಧರ ಸುವರ್ಣ ಬೊಕ್ಕ ಶ್ರೀಮತಿ ಬೀನಾ ವಾಸುದೇವ ಶೆಟ್ಟಿ ಮೊಕುಲಾ ಈ ದೀಕ್ಷೆನ್ ಸ್ವೀಕರಿಸಾದೆರ್.

ಬರ್ಪಿನ ಮಾರ್ಚ್ ತಿಂಗೊಲ್ದ ಸುಗ್ಗಿ ಮಾರಿಪೂಜೆದ ಉಲಾಯಿ ಅಮ್ಮ ನಮನ್ ಮಾತೆರೆನ್ಲಾ ಸಲಹೊಡ್ ಪಂಡುದ್ ಸ್ವರ್ಣ ಗದ್ದುಗೆಡ್ ವಿರಾಜಮಾನಳಾವೊಡ್ ಪಂಡುದ್ ಭಕ್ತಸಮೂಹದಕುಲು ಶಿಲಾಸೇವೆಯ ದೀಕ್ಷೆ ಕೊರೊಂದುಪ್ಪುನವ್ ನಿಜವಾದುಲಾ ಮಾದರಿ ಕಾರ್ಯ.