ಮಣಿಪಾಲದ ಭಾರತೀಯ ವಿಕಾಸ ಟ್ರಸ್ಟ್ ಗ್ ಬ್ರಿಟನ್ ದ ಆಶ್ಡೆನ್ ಪ್ರಶಸ್ತಿ.

• ಜಗತ್ತುದ 800 ವಿವಿಧ ಸಂಸ್ಥೆಲೆನ ಪೈಕಿ ಬಿವಿಟಿಗ್ ಪ್ರಶಸ್ತಿದ ಮಾನಾದಿಗೆ

• ಹವಾಮಾನೊಹ್ ಪೂರಕವಾದ, ಪರಿಸರ ಸ್ನೇಹಿ ಉಪಕ್ರಮೊಲೆಗ್ ಸಂದಿನ ಗೌರವ

• ಭಾರತದ ರಡ್ಡ್ ಸಂಸ್ಥೆಲೆಗ್ ಈ ಪ್ರಶಸ್ತಿ. ಈ ಪೈಕಿ ಕರ್ನಾಟಕದ ಮಣಿಪಾಲದ ಎನ್.ಜಿ.ಓ. ಬಿವಿಟಿ ಲಾ ಒಂಜಿ.

ಮಣಿಪಾಲ: ಸುಸ್ಥಿರ ಶಕ್ತಿದ ಕೌಶಲ ವೃದ್ಧಿದ ಸಾಧನೆಗಾದ್ ತಿಕ್ಕುನ ಜಾಗತಿಕ ಮಟ್ಟದ ಆಶ್ಡೆನ್ ಪ್ರಶಸ್ತಿಗ್ ಈ ಸರ್ತಿ ಮಣಿಪಾಲದ ಭಾರತೀಯ ವಿಕಾಸ ಟ್ರಸ್ಟ್ ಆಯ್ಕೆ ಆತುಂಡ್. ನವೆಂಬರ್ 4 ತಾರೀಕುದಾನಿ ಲಂಡನ್ ದ ಗ್ಲಾಸ್ಗೋಡ್ ನಡತಿನ COP 26 ಸಮ್ಮೇಳನೊಡ್ ಪ್ರಶಸ್ತಿ ಪ್ರದಾನ ಸಮಾರಂಭ ನಡತುಂಡ್.
ಒಟ್ಟುಡ್ ಜಗತ್ತುದ ಬೇತೆ ಬೇತೆ ಕಡೆಟ್ ಸುಸ್ಥಿರ ಇಂಧನ ಕ್ಷೇತ್ರೊಡ್ ಕೆಲಸ ಮಲ್ಪುನ ಸಂಸ್ಥೆಲೆನ ಒಟ್ಟುಡ್ ಮಾಹಿತಿ ವಿನಿಮಯ ಮಲ್ಪುನ ಅವಕಾಶ, ಸಹಭಾಗಿತ್ವದ ಅವಕಾಶೊಲ್ ಬಿವಿಟಿಗ್ ತಿಕ್ಕರೆಗುಂಡ್.. ಗ್ಲಾಸ್ಗೋಡ್ ನಡತಿನ ಸಮಾರಂಭೊಡ್ ಬಿವಿಟಿದ ಮಾಸ್ಟರ್ ಟ್ರೈನರ್ ಆದುಪ್ಪುನ ಸುಧೀರ್ ಕುಲಕರ್ಣಿ ಮೇರ್ ಸುದೀಪ್ತ ಘೋಷ್ ಮೆರೆನ ಒಟ್ಟುಡ್ ಈ ಪ್ರಶಸ್ತಿ ಸ್ವೀಕಾರ ಮಲ್ತೆರ್.

ಹವಾಮಾನ ಬದಲಾವಣೆದ ತೀವ್ರತೆನ್ ಕಮ್ಮಿ ಮಲ್ಪುನ ಪರಿಹಾರೊಲೆಗ್ ಸಂಬಂಧ ಪಟ್ಟಿದ್ ಕರಿನ 20 ವರ್ಷೊಡಿಂಚಿ ಕೆಲಸ ಮಲ್ತೊಂದುಪ್ಪುನ ಆಶ್ಡೆನ್ ಸಂಸ್ಥೆ, ಉಂದುವೇ ಮಾದರಿದ ಕೆಲಸೊಲೆನ್ ಮಲ್ಪುನ ಜಗತ್ತುದ ಬೇತೆ ಬೇತೆ ಸಂಸ್ಥೆಲೆನ್ ಗುರುತಿಸಾದ್ ಪ್ರೋತ್ಸಾಹ ಮಲ್ಪುನ ನಿಟ್ಟುಡ್ ಈ ಪ್ರಶಸ್ತಿ ಕೊರೊಂದುಂಡ್. ಈ ಸರ್ತಿದ ಪ್ರಶಸ್ತಿಗಾದ್ ಜಗತ್ತುದ ಬೇತೆ ಬೇತೆ ದೇಶದ 800 ಕ್ಕೂ ಸಂಸ್ಥೆಲು ಅರ್ಜಿ ಪಾಡುದಿತ್ತೆರ್ ಈ ಪೈಕಿ ಭಾರತದ ರಡ್ಡ್ ಸಂಸ್ಥೆಲೆನ್ ಅಂತಿಮ ಸುತ್ತುಡಗ ಆಯ್ಕೆ ಮಲ್ದಿತ್ತುದ್ , ಪ್ರಶಸ್ತಿಗಾದ್ ಕರ್ನಾಟಕದ ಮಣಿಪಾಲದ ಭಾರತೀಯ ವಿಕಾಸ ಟ್ರಸ್ಟ್ಆಯ್ಕೆ ಆತಿನವ್ವ್ ಪೆರ್ಮೆದ ಸಂಗತಿ.

ಜಗತ್ತುದ ಮಾತಾ ದಿಕ್ಕುಡ್ ಪರಿಸರ ಸ್ನೇಹಿ ಉಪಕ್ರಮೊಲೆಗ್ ಸಂಬಂಧ ಪಟ್ಟಿನ ಮಸ್ತ್ ಎಡ್ಡೆ ಎಡ್ಡೆ ಯೋಜನೆಲು ಕಾರ್ಯರೂಪೊಗ್ ಬರೊಂದುಂಡ್. ಅಂಚಾದ್ ಪ್ರಶಸ್ತಿಗ್ ಗುಣಮಟ್ಟದ ಮಸ್ತ್ ಪರಿಹಾರೊಲೆನ್ ಕೇಂದ್ರೀಕರಿಸಿದಿನ ಅರ್ಜಿಲು ಸಲ್ಲಿಕೆಯಾತುಂಡ್. ಆಶ್ಡೆನ್ ಸಂಸ್ಥೆ ಪರಿಸರ ಸ್ನೇಹಿ ಉಪಕ್ರಮೊನ್ ಸಮಗ್ರವಾಯಿನ ದೃಷ್ಟಿಕೋನೊಡ್ ತೂಪುಂಡ್.

ಬಿವಿಟಿಯ ಕಾರ್ಯಕ್ಷೇತ್ರ ಹವಾಮಾನ ಬದಲಾವಣೆದ ತೀವ್ರತೆನ್ ಕಮ್ಮಿ ಮಲ್ಪುನತ್ತಾವಂದೆ ಅವ್ ದೆತೊಂದಿನ ಉಪಕ್ರಮಕುಲ್ ಉದ್ಯೋಗ ಸೃಷ್ಟಿ ಮಲ್ಪುಂಡ್. ಪರಿಸರ ಸ್ನೇಹಿ ಕೌಶಲ್ಯನ್ ಕರಗತ ಮಲ್ಪುನ ನಿಟ್ಟುಡ್ ಜನಕ್ಲೆಗ್ ತರಬೇತಿಲೆನ್ ಕೊರ್ದ್ ಅಕಲೆಗ್ ಶಿಕ್ಷಣ ಕೊರ್ಪುಂಡ್. ಈ ನಿಟ್ಟುಡ್ ಬಿವಿಟಿದ ಕಾರ್ಯವೈಖರಿಗ್ ವಿಶೇಷ ಮನ್ನಣೆ ತಿಕ್ಕುದುಂಡ್.

ಪಾರದರ್ಶಕವಾದ್ ಮಸ್ತ್ ಸುತ್ತುಲೆಡ್ ನಡತಿನ ಆಯ್ಕೆ ಪ್ರಕ್ರಿಯೆಡ್ ಆಶ್ಡೆನ್ ಸಂಸ್ಥೆ ಅಧಿಕಾರಿಲೆನ ತಂಡ ಸ್ವತಃ ಭೇಟಿ ಕೊರ್ದ್ ಬಿವಿಟಿದ ಕಾರ್ಯವೈಖರಿನ್ ತೂದ್ ಮೌಲ್ಯಮಾಪನ ಮಲ್ದುಂಡ್.

‘ಕರಿನ ರಡ್ಡ್ ದಶಕೊಡಿಂಚಿ ಸಂಸ್ಥೆದ ಪಾಲುದಾರೆರೆನ ಪೈಕಿ 1000ಗ್ ಲಾ ಜಾಸ್ತಿ ಸಿಬ್ಬಂದಿಲು ಬಿವಿಟಿ ಸೌರಶಕ್ತಿ ಕೌಶಲದ ಬಗ್ಗೆ ತರಬೇತಿ ಕೊರ್ದಿತ್ತುದ್, ಯುವಕರೆಗ್ ಉದ್ಯೋಗ ಒದಗಿಸಾವುನ ಬೊಕ್ಕ ಗ್ರಾಮೀಣ ಅಭಿವೃದ್ಧಿಗ್ ಪೂರಕವಾಯಿನ ಕೆಲಸೊಲೆನ್ ಮಲ್ದುಂಡ್. ನೇರವಾದ್ ಪಾಲುದಾರೆರೆಗ್ ತರಬೇತಿ ಕೊರ್ತಿನಿ ಮಾತ್ರ ಅತ್ತಾವಂದೆ ಬಳಕೆದಾರೆರೆಗ್ ಲಾ ತರಬೇತಿ ಕೊರ್ಪಿನ ಈ ಮಾದರಿನ್ ದೇಶಾದ್ಯಂತ ವಿಸ್ತರಿಸಾವುನ ಉದ್ದೇಶ ಬಿವಿಟಿಗ್ ಉಂಡು. ಪ್ರಶಸ್ತಿಡಾದ್ ಬಿವಿಟಿದ ಕೆಲಸೊಗ್ ಕುಡಲಾತ್ ಪ್ರೋತ್ಸಾಹ ಸಿಕ್ಕುದುಂಡ್ ಪಂಡುದ್ ಬಿವಿಟಿದ ವ್ಯವಸ್ಥಾಪಕ ಟ್ರಸ್ಟಿ, ಟಿ. ಅಶೋಕ್ ಪೈ ಅಭಿಪ್ರಾಯ ಪಟ್ಟೊಂದೆರ್.

ಭಾರತೀಯ ವಿಕಾಸ ಟ್ರಸ್ಟ್

ಭಾರತೀಯ ವಿಕಾಸ್ ಟ್ರಸ್ಟ್ ಒಂಜಿ ಸ್ವಯಂ ಸೇವಾ ಸಂಸ್ಥೆಯಾದಿತ್ತುದ್ 1978ಡ್ ಮಣಿಪಾಲಡ್ ಕಾರ್ಯಾರಂಭ ಮಲ್ದುಂಡ್. ಮಾನವ ಸಂಪನ್ಮೂಲ ಅಭಿವೃದ್ಧಿದ ಮುಖೇನ ಸ್ವ ಉದ್ಯೋಗಗ್ ನೆರವಾಪಿನ ನಿಟ್ಟುಡ್ ಸಕ್ರಿಯವಾದುಪ್ಪುನ ಸಂಸ್ಥೆ ತಕ್ಷಣದ ಲಾಭೊಡ್ದ್ ಹೆಚ್ಚಾದ್ ಜನಸಾಮಾನ್ಯರೆನ ಬದುಕುಡ್ ಬದಲಾವಣೆ ಕನಪಿನ ಉದ್ದೇಶಡಾದ್ ಕೆಲಸ ಮಲ್ತೊಂದುಂಡ್.
ಸೌರಶಕ್ತಿ ಅಳವಡಿಕೆಡಾದ್ ಮನುಷ್ಯ ಜೀವನೊಡ್ ಆಪಿನ ಬದಲಾವಣೆ ದಾದ ಪನ್ಪಿನವ್ವೆನ್ ಬ್ಯಾಂಕ್ ಅಧಿಕಾರಿಗ್ ಮನದಟ್ಟು ಮಲ್ತುದ್ ಕೊರುಂಡ, ಆರು ಅರ್ಹೆರೆಗ್ ಹಣಕಾಸು ನೆರವು ಒದಗಿಸಾವರೆಗ್ ದುಂಬು ಬರ್ಪೆರ್. ಈ ಪರಿವರ್ತನೆದ ಲಾಭ ನೇರವಾದ್ ಗೋಚರಿಸಂದೆ ಉಪ್ಪು, ಆಂಡ ಆ ವ್ಯಕ್ತಿನ ಜೀವನೊಡ್ ಆಪಿನ ಮಾರ್ಪಾಟುಲೆನ್ ಆಯನ ಒಟ್ಟು ಆದಾಯೊನ್ ಜಾಸ್ತಿ ಮಲ್ಪುಂಡ್. ಪರೋಕ್ಷವಾದ್ ಒಂಜಿ ಊರುದ ಅಭಿವೃದ್ಧಿಗ್ ಕಾರಣ ಆಪುಂಡ್. ಬಿವಿಟಿ ಈ ನಿಟ್ಟುಡ್ ಲಭ್ಯ ಉಪ್ಪುನ ಅವಕಾಶೊಲೆನ್ ನಾಡುದ್ ಯೋಜನೆಲೆನ್ ಕಾರ್ಯ ರೂಪೊಗ್ ಕನಪುಂಡ್.
ಈ ಪರಿಕಲ್ಪನೆನ್ ಮೂಲೊಡ್ ರೂಪಿಸಾಯಿನಕುಲು ಆಧುನಿಕ ಮಣಿಪಾಲದ ನಿರ್ಮಾತೃರಾಯಿನ ದಿವಂಗತ ಶ್ರೀ ಟಿ.ಎ. ಪೈ.. ಆರೇ ಬಿವಿಟಿದ ಸ್ಥಾಪಕೆರ್. ಆರು ಪಾಡುದಿನ ಮಾರ್ಗೊಡ್ ಸಂಸ್ಥೆ ಗ್ರಾಮೀಣ ಪ್ರದೇಶೊಲೆಡ್ ಉದ್ಯೋಗ ಸೃಷ್ಟಿಗ್ ಸಂಬಂಧ ಪಟ್ಟಿನ ಕೆಲಸೊಲೆನ್ ಮಲ್ತೊಂದಿತ್ತುದ್, ಅರೆಡ್ದ್ ಬೊಕ್ಕ ಸಂಸ್ಥೆದ ನೇತೃತ್ವ ವಹಿಸೊಂದಿನಾರ್ ಅರೆನ ಬುಡೆದಿ ಶ್ರೀಮತಿ ವಸಂತಿ ಪೈ. ಆರು ದೆಹಲಿಡ್ ತನ್ನ ಸಂಪರ್ಕೊಲೆನ್ ಗಳಸೊಂದ್ ಮಹಿಳೆಯರೆನ್ ಕೇಂದ್ರೀಕರಿಸಾವೊಂದ್, ಸಂಸ್ಥೆದ ಚಟುವಟಿಕೆಲೆನ್ ವಿಸ್ತಾರ ಮಲ್ಪರೆಗ್ ನೆರವಾತೆರ್.ಪ್ರಸಿದ್ಧ ಬ್ಯಾಂಕರ್ ಬೊಕ್ಕ ಕೃಷಿ ತಜ್ಞ ಅಧಿಕಾರಿ ಕೆ.ಎಂ. ಉಡುಪ ಮೇರ್ ಸಂಸ್ಥೆದ ಸೂತ್ರಧಾರತ್ವ ವಹಿಸಾದೆರ್.ಆರು ಹರೀಶ್ ಹಂದೆ ಮೆರೆನ ಪ್ರೇರಣೆ ಡ್ದ್ ನವೀಕರಣ ಮಲ್ಪರೆಗಾಪುನ ಇಂಧನ ಕ್ಷೇತ್ರದಂಚಿ ಗಮನ ಕೊರಿಯೆರ್ .ಸುಸ್ಥಿರ ಇಂಧನ ಆಧಾರಿತ ಗ್ರಾಮೀಣ ಅಭಿವೃದ್ಧಿಗ್ ತಕ್ಕ ಕೌಶಲಲೊಲೆನ್ ಬುಲೆಪಾವುನ ನಿಟ್ಟುಡ್ ಕಾರ್ಯಕ್ರಮೊಲೆನ್ ದೇಶಾದ್ಯಂತ ಪಾಡೊಂದೆರ್.

ಸಂಸ್ಥೆದ ಇತ್ತೆ ದ ಮ್ಯಾನೇಜಿಂಗ್ ಟ್ರಸ್ಟಿ ಆದುಪ್ಪುನ ಶ್ರೀ ಅಶೋಕ್ ಪೈ ಅರೆನ ಮಾರ್ಗದರ್ಶನೊಡ್ ಪ್ರಮುಖವಾದ್ 4 ಮಹತ್ವದ ವಿಭಾಗೊಲೆಡ್ ಕೆಲಸ ಮಲ್ತೊಂದುಂಡ್.- ಮಹಿಳಾ ಸಬಲೀಕರಣ, ನವೀಕರಣ ಮಲ್ಪರೆಗಾಪುನ ಇಂಧನ-ಹಣಕಾಸು ಸಂಸ್ಥೆಲು, ಯಶಸ್ವೀ ಗ್ರಾಮೀಣ ಆಡಳಿತ ನಿರ್ವಹಣೆ ಬೊಕ್ಕ ಸುಸ್ಥಿರ ಕೃಷಿ ಕ್ಷೇತ್ರ. ಇತ್ಯೆ ಈ ನಾಲ್ ಕ್ಷೇತ್ರೊಲೆಡ್ ಬೇತೆ ಬೇತೆ ಅರ್ಹ ವ್ಯಕ್ತಿಲೆಡ್ ನಿರಂತರ ತರಬೇತಿ ಕೊರೊಂದುಂಡ್. ಜೀವನೋಪಾಯಲೆಗ್ ಕೊರಿನ ತರಬೇತಿಡಾದ್ ಬದುಕು ಕಟ್ಟೊಂದ್ ಇನಿ ಮಸ್ತ್ ಜನ ಸ್ವಾವಲಂಬಿ ಬೊಕ್ಕ ಮಾದರಿ ಸಾಧಕ, ಸಾಧಕಿಯೆರಾತೆರ್.

1996 ಡ್ ಬಿವಿಟಿ ವಿಶ್ವಾಸಾರ್ಹ ಬೊಕ್ಕ ಕೈಕ್ ತಿಕ್ಕುನಂಚ ಇಂಧನ ಪರಿಹಾರೊಲೆನ ಅಗತ್ಯನ್ ತೂದ್, ಬಡತನ ನಿವಾರಣೆಗ್ ಉಂದೊಂಜಿ ಪ್ರಮುಖ ಮಾಧ್ಯಮ ಪಂಡುದ್ ಗುರುತು ಮಲ್ದುಂಡ್. ಸೌರ ಶಕ್ತಿದ ಕೌಶಲಾಭಿವೃದ್ಧಿದ ಬಗ್ಗೆ 2001 ಡ್ದ್ ಯುವಜನತೆಗ್ ಸುಮಾರು 1000 ಗ್ ಲಾ ಮೀರ್ದ್ ತರಬೇತಿಲೆನ್ ಕೊರ್ತುಂಡ್. ಸರಿಸುಮಾರು 50 ಸಾವಿರಗ್ ಲಾ ಜಾಸ್ತಿ ಜನ ಅಂತಿಮ ಬಳಕೆದಾರೆರ್ ನೇರವಾದ್ ಪಾಲ್ ಪಡೆದೆರ್.

ಒಟ್ಟುಡ್ ಹಣಕಾಸು ಸಂಸ್ಥೆಲೆನ್ ಕೇಂದ್ರವಾದ್ ದೀಯೊಂದ್ 500 ಗ್ ಲಾ ಜಾಸ್ತಿ ತರಬೇತಿಕಾರ್ಯಕ್ರಮೊಲ್ ನಡದುಂಡ್. ನೆಟ್ಟ್ 680 ಗ್ ಲಾ ಜಾಸ್ತಿ ಬೇತೆ ಬೇತೆ ರೀತಿದ ಹಣಕಾಸು ಸಂಸ್ಥೆಲೆಡ್ದ್ 14,800 ಬ್ಯಾಂಕ್ ಅಧಿಕಾರಿಲು ತರಬೇತಿಲೆಡ್ ಪಾಲ್ ಪಡೆದೆರ್. ಮಹಿಳಾ ಸಬಲೀಕರಣ ಬೊಕ್ಕ ಸುಸ್ಥಿರ ಇಂಧನ ಆಧಾರಿತ ಗ್ರಾಮೀಣ ಅಭಿವೃದ್ಧಿಗ್ ತಕ್ಕ ಕೌಶಲೊಲೆನ್ ಬುಲೆಪಾವುನ ಬಿವಿಟಿ ಮಹತ್ತರ ವಾಯಿನ ಪಾತ್ರ ವಹಿಸಾದುಂಡ್.ಆ ಮುಖೇನ ಗ್ರಾಮೀಣ ಅಭಿವೃದ್ಧಿಗ್ ಉಂದೊಂಜಿ ಗಮನಾರ್ಹ ಅವಕಾಶೊನ್ ಸೃಷ್ಟಿ ಮಲ್ದುಂಡ್.

BVT gets Ashden Award 2021 in Glasgow
Manipal: Bharathiya Vikas Trust (BVT) received the Ashden Award 2021 for Sustainable Energy, of The Ashden Trust, at an official ceremony held in Glasgow, London, on Thursday, 4th November 2021
Sudhir Kulkarni, Master Trainer for BVT, attended the ceremony in Glasgow along with Sudipta Ghosh and received the award. The Ashden Award opens up opportunities to exchange information with and also collaborate with organizations working in the sector across the world, for BVT.
The Ashden Trust is working for 20 years now, on ways to control climate change. It has also been recognizing and lauding the efforts of associations around the world that are working on similar lines. The Ashden Award was instituted as a mark of appreciation to such associations.
This year, more than 800 institutions from all over the world applied for the award. Names of two such institutions from India were selected for the final list, including Bharathiya Vikas Trust, Manipal, said Harriet Lamb, CEO of Ashden, in a press release.
Many institutions all over the world are striving whole-heartedly to build an environment-friendly equipment and those that provide the best solutions to climate change are selected for the award each year. Ashden views the initiatives in a holistic manner, she added.
BVT’s field of work for several years has been not only controlling climate change but also ensuring employment for people through its initiatives. The beneficiaries are helped to develop environment-friendly skills and to get education. The Trust has received special appreciation for its efforts.
Selection for the Ashden Award was conducted in a transparent manner. A team of officials from Ashden is said to have visited and personally inspected the work undertaken by BVT.
For two decades now, BVT has trained partners and more than 1,000 staff members at use of solar energy. Simultaneously, it has worked at providing employment to youth and at rural development. Customers have been taught to use environment-friendly equipment. BVT hopes to expand its work field across the entire nation, said T Ashok Pai, managing trustee of BVT.
He added that the Ashden Award, in appreciation of its efforts, has enthused BVT to carry out its work with greater fervor.