ಇಕ್ಬಾಲ್ ಮನ್ನಾಗ್ ವಿವೇಕಾನಂದ ಪ್ರಶಸ್ತಿ.

ಸಮಾಜ ಸೇವಕ ಇಕ್ಬಾಲ್ ಮನ್ನಾಗ್ ‘ಸ್ವಾಮಿ ವಿವೇಕಾನಂದ’ ರಾಜ್ಯ ಪ್ರಶಸ್ತಿ ಪ್ರದಾನ

ಉಡುಪಿ, ಸೆ.29: ವಿಶ್ವ ಮಾನವಾಧಿಕಾರ ಹಕ್ಕು ಲೋಕ ಪರಿಷತ್ ವತಿಡ್ದ್  ಐತಾರ ಉಡುಪಿ ಬ್ರಹ್ಮಗಿರಿತ್ತ  ಲಯನ್ಸ್ ಭವನಡ್  ನಡತಿನ ಪೊಸ ಪದಾಧಿಕಾರಿಲೆನ  ಪದ ಪ್ರದಾನ ಸಮಾರಂಭಡ್  ಸಾಮಾಜಿಕ ಕಾರ್ಯಕರ್ತ ಎಂ.ಇಕ್ಬಾಲ್ ಮನ್ನಾ ಅರೆಗ್  ಪ್ರತಿಷ್ಠಿತ ಸ್ವಾಮಿ ವಿವೇಕಾನಂದ ರಾಜ್ಯ ಪ್ರಶಸ್ತಿನ್  ಪ್ರದಾನ ಮಲ್ತೆರ್.

ಸಮಾರಂಭದ ಅಧ್ಯಕ್ಷತೆಡ್  ಪರಿಷತ್‌ ದ ಅಧ್ಯಕ್ಷೆರಾಯಿನ ಡಾ.ಶಂಕರ್ ಶೆಟ್ಟಿ ಇತ್ತೆರು. ಕುಂದಾಪುರದ ನ್ಯಾಯವಾದಿ ರವಿಕಿರಣ್ ಮುರ್ಡೇಶ್ವರ ಪೊಸ ಜಿಲ್ಲಾಧ್ಯಕ್ಷೆ ಎಂ.ಇಕ್ಬಾಲ್ ಕುಂಜಿಬೆಟ್ಟು  ಸೇರಿನಂಚ ಪದಾಧಿಕಾರಿಲೆಗ್  ಪದ ಪ್ರದಾನ ಮಲ್ತೆರು.

ಮಲ್ಲ ಬಿನ್ನೆರಾದ್  ಪರಿಷತ್ ಉಡುಪಿ ಜಿಲ್ಲಾ ಮಾಜಿ ಅಧ್ಯಕ್ಷ ಬೊಕ್ಕ  ನಿಯೋಜಿತ ರಾಜ್ಯ ಕಾನೂನು ಸಲಹೆಗಾರ ಶ್ಯಾಮ್ ಸುಂದರ್ ನಾಯರಿ, ಸಾಮಾಜಿಕ ಕಾರ್ಯಕರ್ತ ಎಂ.ಫಾರೂಕ್, ವಕೀಲ ಅಖಿಲ ಬಿ.ಹೆಗ್ಡೆ ಪಾತೆರಿಯೆರು.
ಜಿಲ್ಲಾ ಉಪಾಧ್ಯಕ್ಷ ಸಂತೋಷ್ ಕುಮಾರ್ ಶೆಟ್ಟಿ, ಪ್ರಧಾನ ಕಾರ್ಯದರ್ಶಿ ದೇವೇಂದ್ರ ಸುವರ್ಣ, ಜೊತೆ ಕಾರ್ಯದರ್ಶಿ ಸದಾಶಿವ ಕೋಟೆಗಾರ್, ಕಾನೂನು ಸಲಹೆಗಾರ ಹರ್ಷರಾಜ್ ಉಪಸ್ಥಿತರಿತ್ತೆರು. ಶಿವಕುಮಾರ್ ಶೆಟ್ಟಿಗಾರ್ ಸ್ವಾಗತ ಮಲ್ತೆರು. ಜ್ಯೋತಿ ಸಾಲಿಗ್ರಾಮ ಕಾರ್ಯಕ್ರಮ ನಿರೂಪಣೆ ಮಲ್ತುದ್  ಸೊಲ್ಮೆ ಸಂದಾಯ್ತ ಮಲ್ತೆರು.