ಕಾಪು ಪೊಸ ಮಾರಿಗುಡಿ

ಕಾಪು ಹೊಸ ಮಾರಿಗುಡಿ: ನವದುರ್ಗಾ ಲೇಖನ ಯಜ್ಞ, ಬ್ರಹ್ಮಕಲಶೋತ್ಸವ ಉಡುಪಿ ನಗರಸಭೆ ವ್ಯಾಪ್ತಿದ ಸಮಿತಿ ರಚನೆ

ಕಾಪು ಶ್ರೀಪೊಸ ಮಾರಿಗುಡಿ ದೇವಸ್ಥಾನದ ಜೀರ್ಣೋದ್ಧಾರ ಕಾರ್ಯೊಲು ಬೀಸೊಡ್ ಆವೊಂದಿತ್ತುದ್, ಬಹ್ಮಕಲಶೋತ್ಸವಗ್ ದಿನ ನಿಗದಿಯಾತುಂಡ್. ನೆಕ್ಕ್ ಪೂರಕವಾದ್ ಜಿಲ್ಲೆಡ್ ಕಾಪು ಹೊಸ ಮಾರಿಗುಡಿ ದೇವಸ್ಥಾನ ಅಭಿವೃದ್ಧಿ ಸಮಿತಿದ ಉಪ ಸಮಿತಿಲೆನ್ ರಚನೆ ಮಲ್ತೊಂದಿತ್ತುದ್, ಜಿಲ್ಲೆದ ಐನ್ ವಿಧಾನಸಭಾ ಕ್ಷೇತ್ರಲೆಡ್ ಸ್ಥಳೀಯ ಶಾಸಕೆರೆನ ಮಾರ್ಗದರ್ಶನಡ್ ಸಮಿತಿನ್ ರಚನೆ ಮಲ್ತೊಂದಿತ್ತುದ್ ಉಡುಪಿ ನಗರಸಭಾ ವ್ಯಾಪ್ತಿಡ್ ಜೀರ್ಣೋದ್ಧಾರ ಬೊಕ್ಕ ಬ್ರಹ್ಮಕಲಶೋತ್ಸವದ ಬಗ್ಗೆ ಹೆಚ್ಚಿನ ಪ್ರಚಾರ ಕೊರ್ಪಿನ ನಿಟ್ಟುಡ್ ಸಮಿತಿ ರಚನೆ ಸಭೆ ಸೆ. 24ಗ್ ನಡತುಂಡ್.

ಶಾಸಕ ಯಶಪಾಲ್ ಸುವರ್ಣ ಮಾರ್ಗದರ್ಶನಡ್ ಪೊಸ ಮಾರಿಗುಡಿ ಅಭಿವೃದ್ಧಿ ಸಮಿತಿ ಉಪಾಧ್ಯಕ್ಷ ಮನೋಹರ ಎಸ್. ಶೆಟ್ಟಿ, ಉಡುಪಿ ನಗರಸಭೆ ಅಧ್ಯಕ್ಷ ಪ್ರಭಾಕ‌ರ್ ಪೂಜಾರಿ ಉಸ್ತುವಾರಿಡ್ ಅಭಿವೃದ್ಧಿ ಸಮಿತಿ ಉಡುಪಿ ಜಿಲ್ಲಾ ಸಮಿತಿದ ಪ್ರಧಾನಸಂಚಾಲಕಸುಪ್ರಸಾದ್ ಶೆಟ್ಟಿ ಬೈಕಾಡಿನ ಉಪಸ್ಥಿತಿಡ್ 9 ಜನ ಆಂಜೊವ್ ಬೊಕ್ಕ 9 ಜನ ಪೊಂಜೊವ್ ಸೇರಿನಂಚ 18 ಜನತ್ತ ತಂಡೊನ್ ರಚನೆ ಮಲ್ತೆರ್.

ನಗರಸಭೆ ಅಧ್ಯಕ್ಷ ಪ್ರಭಾಕರ್ ಪೂಜಾರಿ ಪಾತೆರ್ದ್ , ನಗರಸಭೆತ್ತ 35 ಮಂದಿ ಸದಸ್ಯೆರೆನೊಟ್ಟುಗ್ ಚರ್ಚೆ ಮಲ್ತುದ್ ಕಾಪುದ ಅಮ್ಮನಸೇವೆಗ್ ಮಾತೆರ್ಲ ಬದ್ಧರಾದುಲ್ಲ ಪಂಡೆರು.

ಪೊಸಮಾರಿಗುಡಿ ದೇವಸ್ಥಾನ ಅಭಿವೃದ್ಧಿ ಸಮಿತಿದ ಅಧ್ಯಕ್ಷ ಕೆ. ವಾಸುದೇವ ಶೆಟ್ಟಿ ಪಾತೆರ್ದ್ ಇದಮುಟ್ಟ ನಡತೊಂದ್ ಬತ್ತಿನ ಅಭಿವೃದ್ಧಿ ಕಾರ್ಯೊಲು, ಬ್ರಹ್ಮಕಲಶೋತ್ಸವ ಬೊಕ್ಕ ನವದುರ್ಗಾ ಲೇಖನ ಯಜ್ಞದ ಬಗ್ಗೆ ಪ್ರಸ್ತಾಪನೆ ಮಲ್ತುದ್ ನಗರಸಭಾ ವ್ಯಾಪ್ತಿದ 35 ವಾರ್ಡ್ ದ ಪ್ರತೀ ಇಲ್ಲಗುಲಾ ವಿಷಯ ಮುಟ್ಟಾವರೆಗ್ ಮನವಿ ಮಲ್ತೆರು.

ನವದುರ್ಗಾ ಲೇಖನ ಯಜ್ಞ ಸಮಿತಿದ ಅಧ್ಯಕ್ಷ ಮಾಜಿ ಶಾಸಕ ಕೆ. ರಘುಪತಿ ಭಟ್ ನವದುರ್ಗಾ ಲೇಖನ ಪುಸ್ತಕನ್ ದುಂಬತನೇ ದೆತೊನರೆಗ್ ಪಂಡೆರು.

ಆರ್ಥಿಕ ಸಮಿತಿ ಪ್ರಧಾನ ಸಂಚಾಲಕ ಉದಯ ಸುಂದರ್ ಶೆಟ್ಟಿ ಅಭಿವೃದ್ಧಿಸಮಿತಿ ಪ್ರಧಾನ ಕಾರ್ಯದರ್ಶಿ ರಮೇಶ್ ಹೆಗ್ಡೆ ಕಲ್ಯ, ನವದುರ್ಗಾ ಲೇಖನ ಯಜ್ಞ ಸಮಿತಿ ಕೋಶಾಧಿಕಾರಿ ಕೆ. ವಿಶ್ವನಾಥ್ ಉಪಸ್ಥಿತರಿತ್ತೆರು.

ಸಮಿತಿ ಆಯ್ಕೆ

ಉಡುಪಿ ನಗರಸಭಾ ಸಮಿತಿಯ ಪ್ರಧಾನ ಸಂಚಾಲಕೆರಾದ್ ಕೊಡವೂರು ದಿವಾಕರ ಶೆಟ್ಟಿ ಮುಖ್ಯ ಸಂಚಾಲಕೆರಾದ್ ಗಿರೀಶ್ ಅಂಚನ್, ಸಂಚಾಲಕೆರಾದ್ ರಮೇಶ್ ಶೆಟ್ಟಿಕಾಪು ಕೊಲ್ಯ, ಮಂಜುನಾಥ್ ಹೆಬ್ಬಾರ್, ಬಾಲಕೃಷ್ಣ ಶೆಟ್ಟಿ ಅಶೋಕ್ ನಾಯ್ ಸಂತೋಷ್ ಜತ್ತನ್, ವಿಜಯ್ ಕೊಡವೂರು, ಸುಂದರ್ ಕಲ್ಮಾಡಿ, ಮಹಿಳಾ ಸಮಿತಿದ ಮುಖ್ಯ ಸಂಚಾಲಕೆರಾದ್ ನಿರೂಪಮ ಪ್ರಸಾದ್, ಸಂಚಾಲಕೆರಾದ್ ಅಮೃತ ಕೃಷ್ಣಮೂರ್ತಿ, ಪೂರ್ಣಿಮಾ ಸುರೇಶ್, ಪೂರ್ಣಿಮಾ ಶೆಟ್ಟಿ ಗಿರಿಜಾ ಶಿವರಾಮ್ ಶೆಟ್ಟಿ ಕಲ್ಪನಾ, ಆಶಾ, ವೀಣಾ ಶೆಟ್ಟಿ ಇಂದಿರಾ ಮಲ್ಪೆ ಮೊಕ್ಲೆನ್ ಆಯ್ಕೆಮಲ್ತೆರ್.

ನವದುರ್ಗಾ ಲೇಖನ ಯಜ್ಞದ ಪ್ರಧಾನ ಕಾರ್ಯದರ್ಶಿ ಯೋಗೀಶ್ ವಿ. ಶೆಟ್ಟಿ ನಿರೂಪಣೆ ಮಲ್ತುದ್ ವಂದಿಸಾಯೆರು.